大仔大女媽媽會

收藏本版
發帖
返回列表
跳至頁

首頁
1

尾頁
   0
honeybear0207


子爵府

積分: 11324

好媽媽勳章 醒目開學勳章 畀面勳章 環保接龍勳章 大廚勳章


1#
發表於 08-12-8 09:46 |只看該作者
成日為咗大女同老公鬧交，個女又反叛期，話又唔聽敎又唔聽，真係好唔開心，老公已經放棄咗佢，仲話佢係我個女，唔係佢個女，唔係細佬個家姐，所以我好傷心，唔想一家人搞成咁，就成日同佢嘈，仲講埋離婚，但佢都唔妥協，我而家唯有由得佢哋互當透明！

但我好驚做冬同埋過年唔可以一家人整整齊齊過呀！

唉！

我真係唔識點敎好個女！佢已經俾佢老豆嗰邊寵壞咗啦！
私人傳訊

AS_Baby


大宅

積分: 3812


2#
發表於 08-12-8 11:12 |只看該作者
唔好咁唔開心，放鬆d先....有時鬧起交上來，咩說話都講得出，唔好當真。

不過點解你老公會咁唔想理個女？佢地一向感情唔好嗎？如果女女是俾佢嗰邊d人寵壞咗，咁佢都有責任要教番好架喎
私人傳訊

honeybear0207


子爵府

積分: 11324

好媽媽勳章 醒目開學勳章 畀面勳章 環保接龍勳章 大廚勳章


3#
發表於 08-12-8 12:24 |只看該作者
我囡囡係同前男友生既，但係我老公一向好鍚佢，但囡囡依家十四歲，去咗佢親生爸爸度住咗一年之後變咗好多，好無禮貌，同埋唔執屋，無手尾，每日只係上網，瞓覺，去玩同埋返學，仲有煲電話粥，仲要成日駁我咀，我老公覺得佢唔孝順我，對我唔好，佢話對佢唔好唔緊要，但唔接受佢咁對我，同埋怕細佬學壞，所以唔想細佬近個女！

但我同個女無隔夜仇，我嬲佢唔耐，同埋我唔想人分化我既仔女，兩個都係我生，我會好心痛，所以同老公嘈，我老公係超鍚我，佢搵十蚊會俾八蚊我，我識咗佢近廿年，一齊六年，佢對我一樣無變過，當我細路女咁鍚，日日接我收工，佢係心痛我先咁，但我唔想佢咁對個女，我想一家人開開心心，但佢覺得個女無得救同埋唔想個仔都變成咁，所以我好唔開心！
私人傳訊

squirrelc


大宅

積分: 4364


4#
發表於 08-12-8 16:48 |只看該作者
原來係咁... 你都好為難... 正如你所講, 你老公咁愛錫你, 佢心痛你, 先會咁對果d對你唔好嘅人, 你唔好因為佢唔諒解你作為母親嘅心情而同佢嘈... 佢知唔知你好疼個女? 話俾佢知你好重視個家, 佢, 同一對仔女, 希望佢支持你, 同你一齊教返好個囡囡... 你老公咁錫你, 我諗佢唔忍心要你一個人面對一個反叛少女的 ...

14歲, 應該係一個反叛時期, 你俾心機, 俾d耐性, 唔好逼得佢太緊, 如果唔係佢完全唔聽你講就麻煩了... (記得我十來歲果陣都好鐘意煲電話粥, 不過一段時間後就無咁沉迷... 我都有駁咀架... )


原文章由 honeybear0207 於 08-12-8 12:24 發表
我囡囡係同前男友生既，但係我老公一向好鍚佢，但囡囡依家十四歲，去咗佢親生爸爸度住咗一年之後變咗好多，好無禮貌，同埋唔執屋，無手尾，每日只係上網，瞓覺，去玩同埋返學，仲有煲電話粥，仲要成日駁我咀，我老公覺得佢唔孝順我，對我唔好，佢 ...

私人傳訊

honeybear0207


子爵府

積分: 11324

好媽媽勳章 醒目開學勳章 畀面勳章 環保接龍勳章 大廚勳章


5#
發表於 08-12-9 00:11 |只看該作者
原文章由 squirrelc 於 08-12-8 16:48 發表
原來係咁... 你都好為難... 正如你所講, 你老公咁愛錫你, 佢心痛你, 先會咁對果d對你唔好嘅人, 你唔好因為佢唔諒解你作為母親嘅心情而同佢嘈... 佢知唔知你好疼個女? 話俾佢知你好重視個家, 佢, 同一對仔女, 希望佢 ...


我同佢講咗N咁多次，但我老公係獅子座，超固執，佢有自己一套既諗法，佢話真係唔想再講呢個話題，唔想理個女，搞到我勁唔開心，我都有講如果佢真係咁想我好，就唔好搞到我唔開心，但佢都係堅持己見，叫我唔好迫佢接受個女，但以前唔係咁，佢真係對個女好好，我先決定同佢結婚生囝囝，點知個女老豆話想同個女住，住咗一年，個女定唔住，自己搬三大袋紅白藍返嚟我度住，但係就曳咗好多，啲脾氣好壞，我老公唔想個仔學成咁！所以都好抗拒個女，但我做媽媽好傷心囉！

兩個我都唔想放棄，唯有等佢哋自然發展，希望有一日可以溶雪！
私人傳訊

puiting_99


大宅

積分: 4383


6#
發表於 08-12-10 22:37 |只看該作者
唔緊要, 屋企事重要d

我14歲都有反叛,因為媽爸正式離婚,食煙,飲酒,四圍留連咁,咩都有,只差在冇上差管炸

1) 知唔知道亞囡定唔順亞爸d咩野而搬番來住

2) 試下知道原因後對正下藥,同亞囡傾下係你屋企產生的問題
(亞爸咁咁咁你都搬走,你唔改下,冇人定得順你,係唔係都會產生同一道理)

3) 屋企係唔係有姐姐打理, 亞囡係唔係自己一間房?
叫姐姐唔好幫佢執野,就咁放番晒係佢張床,等佢自己執

4) 有冇其他屋企人可以收留亞囡,等亞囡同你老公分開吓冷靜吓
有時其他屋企人講的說話好比較聽得入耳嫁


原文章由 honeybear0207 於 08-12-9 00:11 發表


我同佢講咗N咁多次，但我老公係獅子座，超固執，佢有自己一套既諗法，佢話真係唔想再講呢個話題，唔想理個女，搞到我勁唔開心，我都有講如果佢真係咁想我好，就唔好搞到我唔開心，但佢都係堅持己見，叫我唔好迫佢接受個女，但以前唔係咁， ...
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見