架車係咪好污糟同有異味? 會否比人搶劫?
咁又未必，有異味嘅多數係人唔係車，上過成身酒味或好耐冇沖涼嘅，真係由車頭臭到車尾。搶劫就睇彩數，不過T line行三街，治安係差少少，夜晚一個女仔坐就可免則免，我最早一份工喺三街，當時未有T車，係要轉兩間巴士，朝早係OK嘅，入夜人少車少，通常會坐近車頭近司機，有事都可以求救。而家年近歲晚，好多人知華人會有現金喺身，單身女仔手袋手機要好小心，我有朋友親戚喺大街大巷同巴士上俾人搶咗手機，又有人喺好逼嘅巴士上偷銀包，仲有迷暈黨喺唐人埠同downtown向華人女人埋手，所以唔好隨便應人或者做好心，早輪有個女人叫我幫佢睇銀行個ATM機，佢唔識英文想用銀行卡攞錢，我話錢銀嘢唔方便幫手。
花旗太太生活在花旗國，留意時差，你問我未必即時答到。
發表於 
返回列表
