嬰兒用品 今日: 0 | 主題: 93257

積分: 91

1^#

發表於 17-1-5 14:52 |只看該作者 |倒序瀏覽 |打印

我第一胎全埋身到8個月，初生真係好辛苦，幾乎全晚冇得瞓。依家陀緊孖，我有啲決心想繼續全人奶全埋身。
但我唔識有咩方法，點樣計劃時間...
人奶b係邊食邊痾，孖嘅話係咪基本上24小時心口都掛住一個?
有媽媽做到嗎? 可以分享啲貼士嗎?

我已請兩個月日間陪月，大仔朝早有奶奶湊住一陣，
夜晚有婆婆同老公幫手，全人奶全埋身有可能嗎?

多謝各位強大媽媽!

0 0 0

私人傳訊

blueaqua

積分: 2263

2^#

發表於 17-1-5 22:52 |只看該作者

tristakywong 發表於 17-1-5 14:52
我第一胎全埋身到8個月，初生真係好辛苦，幾乎全晚冇得瞓。依家陀緊孖，我有啲決心想繼續全人奶全埋身。
但 ...

孖b要全人奶會埋身，媽媽要有好強的意志、體力同奶量先得！你湊過初生都知佢地2個鐘左右就要食，有d bb啜得慢可能食成個鐘頭，所以真係可能冇得抖，更何況2個！

我自己的經驗，頭一個月都可以每次埋身一齊餵，咁樣可以慳d 時間！但佢地大大吓，會唔同時間瞓醒唔同時間肚餓，所以多數都要輪流分開餵！我對b而家3個月我仲放緊產假，我日頭基本上係全埋身，每個b食45分鐘左右，3個鐘左右食一餐，其實餵完一個又掃吓風氹吓佢瞓，再餵埋第二個又再重覆，就已經差唔多夠鐘餵返第一個，成日都冇時間做吓自己野，好困身！

你有陪月同屋企人幫手就記得一餵完，其他野交比佢地做，你自己把握時間休息！最好可以較到佢地一齊食奶咁你先有得抖！

因為我唔多奶，所以我臨瞓嗰餐比佢地食奶粉，起碼夜晚可以有得抖耐d, 同埋臨瞓會泵，儲夠一餐比佢地食咁我又可以抖下。

你要加油呀！希望你做到！

私人傳訊

Lavenda-S

男爵府

積分: 9913

3^#

發表於 17-1-7 18:56 |只看該作者

我頭2個月唔夠奶, 半人奶半奶粉.

而家介左夜奶夠奶全人奶. 一個埋身一個飲奶樽, 輪住每人埋身一日.

用樽好處係食得快 (我仔5分鐘食5安) 同埋習慣用樽有時出左街都可以俾人餵奶. 唔係你次次出街要帶晒2個出去.

私人傳訊

積分: 91

4^#

發表於 17-1-7 21:28 |只看該作者

回覆 blueaqua 的帖子

好勁呀! 餵到3個月仲堅持到! 兩個一齊餵嘅話，需要特別孖b枕嗎? 雙手咁托住唔攰嗎? 我第一胎留落嘅媽媽手都未好得番哂...

私人傳訊

積分: 91

5^#

發表於 17-1-7 21:30 |只看該作者

回覆 Lavenda-S 的帖子

係喎，冇諗過帶出街呢個問題。始終都要學用奶樽，唔係兩個一齊出街都幾麻煩，多謝提點!

私人傳訊

blueaqua

積分: 2263

6^#

發表於 17-1-7 23:02 |只看該作者

tristakywong 發表於 17-1-7 21:28
回覆 blueaqua 的帖子

好勁呀! 餵到3個月仲堅持到! 兩個一齊餵嘅話，需要特別孖b枕嗎? 雙手咁托住唔攰嗎? ...

開頭有用孖b哺乳枕，放佢地2個係側邊欖球式咁餵，但而家佢地大隻咗好多又重，已經唔可以一齊瞓喺上面，我就學識咗半躺喺床上餵（但要有人幫手抱bb埋來，自己一個搞唔掂）。

因為由佢地出世開始一直都有補奶粉，所以佢地係兩樣都識食。

不過我就快返工了，唔知到時仲可唔可以繼續落去，因為我不嬲泵出來個量都好少，泵一次一定唔夠2個b食一餐。

我都有媽媽手呀，所以學識一個舒服的餵奶姿勢真係好緊要，我之前抱住佢地餵抱到手頸膊頭都好攰，後來見完母乳顧問糾正咗，就餵得舒服咗好多

私人傳訊

kekawai

男爵府

積分: 8555

減齡達人勳章

7^#

發表於 17-1-18 21:17 |只看該作者

我兩個B 一歲喇，仲用緊餵奶枕早晚都埋身餵。
初生時孖b 食奶唔叻會輪流餵，執下佢地d 姿勢。大約個零星期熟手左就一輕一齊餵。
我同老公帶孖B 出街就會輪流餵。如無hea 啜/嘆奶，正常30mins 內就應該食飽。我對B 有時都會啜足1粒鐘，後來我frd 提醒我唔好比BB HEA 啜，我就最多比佢地啜30mins 算lu.
而家對B 啜15mins 左右就會走人。

私人傳訊

積分: 91

8^#

發表於 17-1-25 12:13 |只看該作者

kekawai 發表於 17-1-18 21:17
我兩個B 一歲喇，仲用緊餵奶枕早晚都埋身餵。
初生時孖b 食奶唔叻會輪流餵，執下佢地d 姿勢。大約個零星期 ...

好勁! 多謝你嘅貼士! 可能我冇為意第一胎有時啜成粒鐘係hea啜，但濕布撻面都唔醒，一甩咀就喊，要長啜，我驚第時孖胎都係咁我就賴野。又話猛長期要長啜先追到奶，當時唯有任佢啜...

私人傳訊

小靜~

積分: 2543

9^#

發表於 17-1-26 13:24 |只看該作者

tristakywong 發表於 17-1-5 14:52
我第一胎全埋身到8個月，初生真係好辛苦，幾乎全晚冇得瞓。依家陀緊孖，我有啲決心想繼續全人奶全埋身。
但 ...

我兩個全埋身十個月，有時候屋企一個趴我身度飲，另一個就訓我隔離，不過多數都分開
喺街就用巾，一個一個餵

加油

私人傳訊

積分: 91

10^#

發表於 17-2-1 09:58 |只看該作者

小靜~ 發表於 17-1-26 13:24
我兩個全埋身十個月，有時候屋企一個趴我身度飲，另一個就訓我隔離，不過多數都分開
喺街就用巾，一個一個 ...

好勁呀! 原來有咁多強勁嘅媽媽!

私人傳訊

小靜~

積分: 2543

11^#

發表於 17-2-16 14:54 |只看該作者

tristakywong 發表於 17-2-1 09:58
好勁呀! 原來有咁多強勁嘅媽媽!

其實都唔係強，只係方便又慳錢(emoji)

私人傳訊

魷魚See

積分: 1115

12^#

發表於 17-3-3 16:37 |只看該作者

回覆 blueaqua 的帖子

您好勁啊！喂完两個都真是又到第一個食。咁我想知，您當時有無請陪月？

私人傳訊

魷魚See

積分: 1115

13^#

發表於 17-3-3 16:44 |只看該作者

回覆小靜~ 的帖子

您好勁啊！两個全埋身喂十個月，咁一定好辛苦啦！我都諗緊喂人奶，不過又怕無得休息。見JM話唔休息，又唔上奶。

私人傳訊

blueaqua