懷孕前後今日: 1|主題: 330433

收藏本版

發帖

返回列表

跳至頁

查看: 3884 | 回覆: 16

聯合催生記錄1125-1126 （長篇） [複製鏈接]

kyingyoyo

大宅

積分: 2320

1^#

發表於 17-1-31 15:58 |只看該作者 |倒序瀏覽 |打印

本帖最後由 kyingyoyo 於 17-1-31 16:00 編輯

11月24號返聯合複診，醫生話我b太細，怕胎盤或者唔知咩野有問題令啊b冇大到，要第二日入院催生。
11月25 入院，即刻就幫我駁機睇bb心跳。
而我宮頸未夠成熟所以要塞第一次藥，果下醫生都有少少粗暴，令我有d痛，跟住開始就feel到好微而且唔規律ge宮縮。
下午醫生檢查，話宮頸都係未夠軟所以可能要第二日再塞藥睇睇。但我ge宮縮同痛覺都比之前強烈左，點知唔生得

直到11月26，早上訓醒一d痛同宮縮都冇，打定輸數要塞多一次藥啦。醫生再黎檢查（今次個醫生溫柔好多）話我ok可以落產房催生，即刻又緊張又興奮。即刻打電話比老公叫佢12點左右黎陪產。
10:00 去到產房，就駁機睇宮縮，跟住幫我落催生藥＆穿水，人手穿水對我黎講係幾痛下，不過穿(emoji)即時覺得下面一陣暖流，就好好多。之後d時間姑娘都會定時入黎睇下我。
由於落左催生藥，陣痛感覺好快就黎，直到12:00，我已經開始痛到辛苦（個人極怕痛），姑娘就比笑氣我聞。
唔知係咪我唔識吸，有時唔work有時work。其實我覺得work果陣只係頭暈暈ge感覺蓋過左痛ge感覺，聞得多仲又暈又想嘔。
因為又痛又驚，所以叫姑娘比我先生入產房陪我，原來老公一早黎左，不過未食中午飯，姑娘就叫佢去食野先，怕我生得耐又排搞，真係好好呀

老公冇幾耐就入黎，果陣我又痛，又聞d笑氣，個人已經唔係太清醒。
大約14:00，我痛到開始大叫，笑氣都幫唔到我，係咁又捏又打又抓老公，因為大叫所以比姑娘話左幾句，之後唯有死忍爛忍。
我痛到已經成個人震曬，又係咁喊，嚇到老公喊埋出黎（事後諗返起見到佢心痛我覺得好感動），但果下我已經理唔到咁多。
後來見到姑娘又入黎啦，檢查完先開得2度，簡直崩潰左。於是就要求打無痛，跟住佢就攞左份野入黎同我講解d風險，冇問題就簽名，幫我聯絡麻醉師。

0 0 0

私人傳訊

kyingyoyo

大宅

積分: 2320

2^#

發表於 17-1-31 16:15 |只看該作者

因為開得2度，我又忍忍忍，忍到開夠3度
16:00終於見到麻醉師入黎啦，簡直見到救世主咁，天堂就黎我不遠了⋯⋯之後就叫老公出去等。
麻醉師同我講打無痛果下會有d痛，因為支針都幾粗，但比起陣痛我覺得完全唔同級數。
果下我需要攣弓蝦米咁，拱起背隻比佢幫我打，即使陣痛都完全唔可以郁，否則要再打過。
搞左一大輪，麻醉師就教我，當開始又feel到陣痛，就按一下制加藥，不過d藥最少15分鐘先會加一次，就算15分鐘耐狂按個制，都只會幫你加一次。
而下半身就好似痲痹左咁，但完全冇唔舒服，只係冇感覺
18:00 老公入返黎陪我，我開始清醒，可以同老公講下野傾下計，後來我仲訓著左tim。
21:00 檢查完已經夠10度，要我停藥2個鐘先會幫我生，於是期間我冇再加藥，等有返陣痛同宮縮feel先識生。
23:00 因為我之前用太多藥，助產士話啊仔未落到子宮口，叫我試生，咁我又得左wor，跟住就set野同我正式push
原本助產士話啊b細，可以試下唔剪，後來都剪左少少，但我完全冇感覺
23:18 啊仔出世啦！其實呢刻下面都冇乜感覺，助產士講果下我心入面仲（下！痾左啦？）
跟住聯針，推胎盤，都係冇feel的。
仔仔過輕，2.325kg，所以比我抱左陣啊b就送左佢去加護病房觀察。
之後有個嬸嬸比我飲左杯水，冇幾耐嘔返晒出黎，綠色的，應該係d無痛藥影響～之後等左唔知幾耐就送我上產後房休息，老公就返屋企啦。