嬰兒醫護 今日: 0 | 主題: 79141

積分: 14768

1^#

發表於 16-7-19 22:31 |只看該作者 |倒序瀏覽 |打印

前言：
本人自細已有濕疹，一直靠類固醇藥膏壓住。直至2016年4月，發現藥膏對我無效，心灰意冷決定戒類固醇，另找治療方法。

戒類固醇令我經歷反彈，非常痛苦。不幸地，我的兩名女兒分別4歲和半歲，也有濕疹。大女比較嚴重，成身冇忽好肉。細女主要在腳。她們都有睇過楊志強醫生，都是搽住類固醇就得，一停又起。

講返自己，西醫幫唔到我，我上網找了N種療法。在BK找到 2011年一位嚴重濕疹的 BB的母親分享以 bioresonance 生物共振治好他愛兒的濕疹，於是我就孤注一擲，自己也去做。本來諗住等自己做到有效，才帶兩女去做。不過之後我也不想拖，也幫兩女 book埋做。始終，我冇效，不等於女兒也沒效。我不想她們失去一個可能治癒的機會。

我寫這個 post，係有感同類的分享不多。我不知最終我哋三母女係咪都可以被治癒，或者只有有得有唔得，但我都在此分享一下，希望可以幫到同在濕疹路上被折磨的大人和小孩。

0 0 0

私人傳訊

積分: 14768

2^#

發表於 16-7-19 22:48 |只看該作者

回覆樓主:

我第一次上去做 checking 是6月3日。一共2個小時，費用是$1800。

檢查結果：我有真菌、重金屬、水銀。食物敏感是雞蛋、牛奶、酵母、麩質。還有塵蟎過敏。由於我有真菌，而糖、粟米、薯仔是真菌的食糧，所以都要戒口。

什麼？一世都要戒口嗎？治療師說經過脫敏，是可以過正常生活（當然也不能暴食）。我就開始以生物共振治濕疹了。
關於生物共振的原理，有興趣的可以 youtube 搵「嚴浩生物共振」，有幾條片講解的。

私人傳訊

積分: 14768

3^#

發表於 16-7-21 10:44 |只看該作者

回覆樓主:

治療師說我每星期做一次治療，於是在6月3日 checking 後，我便 book了第1次 treatment。

6月10日，第一次 treatment。這次是先提升我的排毒功能。

6月16日，第二次 treatment。這次除細菌。

6月23日，第三次。這次除重金屬和水銀。

6月30日，第四次，繼續除重金屬。

7月7日，第五次，除寄生蟲。

7月12日，第六次，開始小麥脫敏。

私人傳訊

積分: 14768

4^#

發表於 16-7-21 13:41 |只看該作者

回覆樓主:

雖然在第一次 checking 時，治療師叫我戒蛋、奶、 gluten、甜食、粟米、薯仔，但我很難戒清。

蛋、麵包，我可以不吃，但試過食完吉列豬扒，先醒起吉列嘢係有蛋漿同麵包糠。

家裏還有些 yogurt、意粉、餅乾等存貨，我又食埋。

同事的散水餅，唔食又唔畀面。

治療師於是建議，我而家戒唔清還可以，但餐前吃兩粒 enzyme ，於是我買了瓶來食。但是 practitioner 說，到做「脫敏」時，就一定要戒口了。

我便從 iherb 訂了好多 gluten free, egg free, dairy free 的食品。但有些訂的時候沒睇清楚，例如 pasta 或餅，有啲係有 potato starch / corn starch 的，咁就唔食得住。

我正式戒口是7月7日，做小麥脫敏之後。Practitioner 叮囑一定要戒口，否則會好痕。早餐食米粉（白烚，完全不加湯粉或醬料） / 豆奶 + gulten free granola。午晚餐都盡量在家食，食飯（白米加 quinoa / brown rice / millet），飲湯，瓜菜、豬或雞肉。水果不能吃太甜，只能吃蘋果、雪梨、火龍果。下午肚餓就食 gluten free 的餅。

私人傳訊

積分: 14768

5^#

發表於 16-7-21 14:37 |只看該作者

回覆樓主:

每次做完 treatment都比較痕，通常痕2日。比起之前類固醇反彈的劇痕，這種痕算可忍受的了。Practitioner 話要飲大量水，幫身體排毒，以免響皮膚發出嚟。所以我一日飲水 3L 以上，一得閒就飲。

私人傳訊

積分: 14768

6^#

發表於 16-7-21 18:30 |只看該作者

回覆樓主:

2016年7月15日

帶了細女去做 checking。

細女6個半月大，由滿月起有濕疹，面、小腿是重災區，係出水結痂嗰隻。最初帶佢睇附近的兒科，處方外塗類固醇，最初搽三日就好，但一停又起。4個月大時，再睇兒科，又係類固醇，但搽極都係好唔晒。5個月大，帶佢睇過中環楊志強，處方1比10的類固醇，全身塗。冇塗面，但塗咗全身，塊面都滑返。塗了2周，停了，又起。如是者塗2周，停一周，又塗2周。咁點算？塗一世嗎？

我自己都唔用類固醇，也不想女兒用，但BB仲細，佢又會抓，也只能用住先。同時希望生物共振可以幫到她。因為 practitioner 都話，年紀愈細做係愈有效。

講返細女的檢查結果，她對塵蟎、牛奶、雞蛋、小麥過敏。佢仲食緊人奶，即是我都要戒奶、蛋、麥。佢開始食固體，都一定係 wheat free。另外，Practitioner 仲話佢對疫苗過敏。

私人傳訊

Bearbearbear123

積分: 7199

7^#

發表於 16-7-21 22:11 |只看該作者

這個treatment 我認識不多，多謝你詳盡的分享！

私人傳訊

積分: 14768

8^#

發表於 16-7-21 22:22 |只看該作者

回覆樓主:

至於大女。

大女剛剛4歲。五個月大開始有濕疹，一直用兒科開的類固醇壓住。我不是好媽媽，一直沒認真處理她的濕疹，邊度痕就搽邊度。其實她不算很嚴重，睇返舊相，都大致ok，只是啲關節位有少少。可是約在四個月前，有時塊面會紅，我就開始擔心，又唔想佢響面用類固醇。於是決定帶佢睇中醫。

2016年6月初，我帶她去睇屋企附近的中醫。可惜唔夾，食咗2周藥，發到成身疹。攪到睇西醫，6月中濕敷了4天先平伏返。而且仲染咗金黃萄葡球菌，要食抗生素。呢件事令我好內疚同自責－－停濕敷一周左右，成身又起濕疹，仲要發紅。我估計是類固醇反彈。如果我遠少少帶佢睇我自己睇開的中醫，而唔係貪近，佢唔駛攪到成身發，反而吸入更多類固醇，又經歷反彈。結果7月上旬，帶大女睇返我自己睇開的中醫，醫師話唔會俾「發」嘅藥大女。

到今日為止，大女食咗8劑中藥。冇發，痕少咗DD，但仍是手腳好紅，不少地方R損。好心痛。

私人傳訊

積分: 14768

9^#

發表於 16-7-21 22:36 |只看該作者

回覆樓主：

本帖最後由 iamverysleepy 於 16-8-5 09:25 編輯

2016年7月16日

帶大女去生物共振做 checking。大女的情況比較麻煩。她同細女一樣，對疫苗過敏。塵蟎、蛋、奶、麩質也過敏。另外也有真菌和重金屬問題。最麻煩係佢對組織胺不耐。practitioner 解釋「不耐」同「過敏」的分別；「組織胺」有好多食物都有。

當晚，我和c6 上網搵「組織胺」的食物 list，睇完心都灰埋。戒蛋、奶、麩質，還可以忍受，但同組織胺有關的，真係幾乎乜都唔駛食。仲要唔同網站有少許出入，真係食風。最後，我但決定唔跟到太足，只係戒 high level 的，其他就食少少少少。

好彩女兒好乖，唔食得就真係唔扭的。我只能祈禱，中醫加共振可以醫好她，明年她可以食返好多嘢食。

私人傳訊

積分: 14768

10^#

發表於 16-7-21 22:43 |只看該作者

回覆樓主:

大女現在主要食糧：

早餐：米奶 / 杏仁奶 / 椰子奶 / 藜麥奶 + 米粉 / gluten free pasta / gluten free granola

午晚餐：白米 + quinoa / brown rice / red rice / millet + 瓜菜 + 豬 / 雞 / 魚

小食：gluten free egg free dairy free soy free 的小食（真的要 iherb先買到，去 M&S 睇，gluten free 的有好多都有 egg or milk）

戒口唔係最辛苦，最辛苦係，唔知戒咗口同埋啲治療係咪真係幫到醫到。

私人傳訊

積分: 14768

11^#

發表於 16-7-21 22:53 |只看該作者

回覆樓主：

本帖最後由 iamverysleepy 於 16-8-5 09:25 編輯

2016年7月19日

兩個女一齊做治療。

Centre 有部DVD 機俾小朋友睇的，等佢哋乖乖做 treatment，BB就要工人或媽咪抱住做。我自備 DVD，大女都好合作。畢竟生物共振係非入侵性，大人小孩都是挨響櫈，手持金屬球或棒，又或者擺塊墊響相應部位就得。

大女第一次的 treatment，係清疫苗。
細女都一樣。

有朋友知道我同女兒都做 bioresonance，驚我俾人呃錢。老實講，我唔覺得會呃，因為我睇之前的 posts，由2011年已講緊呢種方法，如果係呃，唔會呃到咁多年。每次我上 centre，都有大人有細路做 treatment or 等緊。要擔心的只是呢個方法對我們仨有冇效。但願對兩個女兒有效。

做完 treatment，都有杯 program 過的水要飲，同埋有片肚貼要貼，大人小孩都一樣做法。

私人傳訊

積分: 14768

12^#

發表於 16-7-21 23:05 |只看該作者

回覆樓主:

2016年7月21日

我做第7次 treatment，繼續 gluten 脫敏。

你若問我，個半月間，7次 treatment 我有什麼改善？同個半月前比，係痕少咗，抓損了也沒之前咁易出水。但是，我不敢講係咪 bioresonance 的功勞，因為我同時有食中藥和做針灸，亦有食很多 supplements 。我的朋友都話我同時做太多嘢,，根本唔知邊樣有用。但我根本唔駛知邊樣有用，最終達到目的就得。或者，每樣都幫到啲呢。

亦有人覺得我同時做咁多嘢花很多錢，也可能花了冤枉錢。我的想法是，錢可以再搵，但錢可以買到機會。

私人傳訊

積分: 14768

13^#

發表於 16-7-21 23:07 |只看該作者

Bearbearbear123 發表於 16-7-21 22:11
這個treatment 我認識不多，多謝你詳盡的分享！

私人傳訊

馬騮狗

積分: 8174

14^#

發表於 16-7-22 00:09 |只看該作者

iamverysleepy 發表於 16-7-21 23:07

樓主,我好明白妳嘅感受.以下係真人真事.我個女幼兒園時,有個同學仔嘅細佬,濕疹好嚴重.佢唔信中醫.走去做生物共振,最少做左2年.佢仲叫我跟佢做(因為我個女都有濕疹,我揾左好多中醫都唔得.最絕望嘅時候,我主動揾佢.希望幫倒個女.但我老公唔信,叫我唔好做,去揾醫生喇)今年年頭,一齊 BBQ,佢見我個女食鮮冬菇,就叫停佢.佢話個中醫叫佢唔好俾阿仔食.果陣時,我先知佢無做生物共振,去睇中醫.佢個細仔好左好多.
我有一樣野,想同妳講好耐.每次見妳開 post,都想同妳講.妳可以自己諗清楚.生物共振有一項係排重金屬.中藥都有重金屬,妳一路排,就一路食.如果呢????自己諗下.個治療師無理由有得妳俾佢食中藥.
以上只係我個意見,希望妳唔好介意我咁直接.亦希望小朋友早日脱離濕疹

私人傳訊

積分: 14768

15^#

發表於 16-7-22 00:20 |只看該作者

馬騮狗發表於 16-7-22 00:09
樓主,我好明白妳嘅感受.以下係真人真事.我個女幼兒園時,有個同學仔嘅細佬,濕疹好嚴重.佢唔信中醫.走去做生 ...

多謝你的意見。我明。

但共振我覺得係可以幫到脫敏，中藥係可以調理脾胃；中藥亦唔係只係重金屬的。我覺得中醫、西醫、自然療法，其實各補不足。

practitioner 都知我哋食緊中藥。老實講，如果一個自然療法 practitioner 叫我唔好睇中醫、西醫，我都唔會睇呢個 practitioner。

私人傳訊

馬騮狗

積分: 8174

16^#

發表於 16-7-22 00:25 |只看該作者

iamverysleepy 發表於 16-7-22 00:20
多謝你的意見。我明。

但共振我覺得係可以幫到脫敏，中藥係可以調理脾胃；中藥亦唔係只係重金屬的。我覺 ...

最重要係,妳有信心.就可!加油

私人傳訊

積分: 14768

17^#

發表於 16-7-22 00:30 |只看該作者

馬騮狗發表於 16-7-22 00:25
最重要係,妳有信心.就可!加油

謝謝你。信心是有的，結果如何也只有待時間證明。試咗未必得，但如果唔試就一定唔得。

咁你小朋友而家仲有睇中醫嗎？

私人傳訊

馬騮狗