吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 產後抑鬱

心聲留言今日: 2|主題: 17569

收藏本版

發帖

返回列表

跳至頁

查看: 2145 | 回覆: 13

產後抑鬱 [複製鏈接]

Cko

大宅

積分: 3382

1^#

發表於 04-9-13 11:24 |只看該作者

產後抑鬱

其實我自己已經慢慢接受bb及面對bb, 我亦覺自己的徵狀好正常, 無去睇醫生, 但每當我受到挫折時, 當然情緒起伏較多, 而我先生卻只是一味叫我去睇醫生.
但是其實有時d情緒起伏是來自我奶奶成日係度過夜而我根本同佢好唔夾同唔鍾意佢引起的, 我先生(好考順)卻完全係呢方面無支持我, 令我一方面要面對bb, 一方面面對佢d家人, 令我真係好大壓力, 好唔開心...有時hide埋喊, 有時成日想拎埋bb離家出走 :cry:

私人傳訊

Mike

男爵府

積分: 8410

2^#

發表於 04-9-13 11:32 |只看該作者

Re: 產後抑鬱

Hi Cko,
不如坦誠同你老公傾o下,因為你都大概估到情緒低落係因為奶奶,先撇除奶奶好or o吾好,咪試o下叫奶奶少d 過o黎lor.
如果奶奶o吾o黎都係o吾掂,再考慮睇o下醫生.

私人傳訊

wendy99

大宅

積分: 1268

3^#

發表於 04-9-13 11:37 |只看該作者

Re: 產後抑鬱

cko

自己要保重,不好想太多,奶奶係度過夜,是否幫到你,你試下同她相處,她始終是你老公家人,你試放開的,唔好想太多,

私人傳訊

jlam

伯爵府

積分: 18248

好媽媽勳章

4^#

發表於 04-9-13 11:45 |只看該作者

Re: 產後抑鬱

其實唔好咁諗先, 唔好首先對奶奶有偏見而令自己唔開心先, 諗下懷住bb果陣幾咁希望佢快d出世, 而家有左個bb係屋企, 最初雖然辛苦, 但當大家都習慣左個生活模式之後, 慢慢就會好d架啦, bb會對你笑, 會自己捧奶樽, 會行 ......, 老公叫你去睇醫生都係關心你, 知道ma, 我有d朋友既老公, 甚至唔認為真係有產後抑鬱, 老婆唔開心都唔理呀!
響老公既立場, 佢一方面擔心你, arm arm生完bb, 身體唔知復原未, 有冇足夠休息, 一方面又擔心你既心理狀況, 加上新爸爸多數唔識take care bb, 呢個時候, 佢唯一諗到既救兵就係呀奶奶lor!
呀奶奶實鍚粒孫, 或者佢冇乜實質野幫到你, 但最少, 你需要人既時候, 佢一call即到ma, 唔好比咁大壓力自己, 試下放下手, 擺低bb一陣, 同老公落下樓下商場, 一齊去買包片都好, 二人世界一陣先返屋企, 你會發現, 原來放低bb一陣都好掛住佢, 就會越來越錫bb, 越來越接受到佢, 響你最掛住bb既時候, 仍然陪住你既, 係一向都錫你既老公, 而幫你抱住bb既, 係奶奶呀 :-P
唔好唔開心, 唔好喊, 比淚水遮住對眼睛, 仲點睇到bb對你笑呢?! 笑下啦

私人傳訊

mymelody2003

男爵府

積分: 8646

5^#

發表於 04-9-13 12:36 |只看該作者

Re: 產後抑鬱

如你老公係好孝順的話, 佢會好難明白你的感受, 我覺得首先你要知道如果奶奶不在的話你自己是否可以湊掂BB? 或者叫其它人代奶奶幫自己? 因為只有自己一個人湊BB是非常辛苦的. 此外, 生完BB後有一段時我也會這樣的, 什麼事都覺得好煩, 所以我很時會找朋友傾訴, 過了一段時間後會好些的; 所以放鬆D, 嘗試不要太緊張, 我想你現在的情況將會有改. :mrgreen:

私人傳訊

eat

大宅

積分: 1168

6^#

發表於 04-9-13 13:25 |只看該作者

Re: 產後抑鬱

cko
我生完仔仔在奶奶家坐月,可能不是在自己屋企,好多野都唔方便,又冇房想試吓喂人奶都唔得,仔仔一喊成屋人就圍住我倆母子,無形中比了很多壓力我,每天老公返工我就開始喊,加上奶奶一日三餐都只係比梅菜蒸豬肉我食,一係就煮一大煲木耳廋肉返焗再返焗,連朋友都唔敢上嚟探我,個姑仔一日到晚係咁影相,攬到我好煩,後來帶仔仔去健康院檢查,醫生話我情緒唔係咁好,叫我下次覆診要同老公一齊去,醫生叫我老公試吓返自己屋企住,找其她親友間中幫手,等我倆有多些空間,雖然自己可能會辛苦些,但起碼會舒服啲.

私人傳訊

Cko

大宅

積分: 3382

7^#

發表於 04-9-13 14:10 |只看該作者

Re: 產後抑鬱

多謝大家.
其實我媽咪呢排搬過黎幫我手, 但佢都頂唔順我奶奶成日突然過黎同佢d行為, 所以我媽咪一見佢黎佢就走, 令我感到好孤獨.

jlam,
今日剛好生bb一個月, 其實我連落街都唔願落都已成日係屋企掛住bb.

私人傳訊

mayyin

別墅

積分: 533

好媽媽勳章

8^#

發表於 04-9-13 14:47 |只看該作者

Re: 產後抑鬱

Hi Cko,

其實你真係身在福中不知福
試諗諗如果你自己的家裏, 老公返了工, 無人幫你整野食同幫你睇BB, 你會點?
而且剛生完BB, 很多時只可以食梅菜豬肉及雞等.... 因為有好多野唔食得住
至於你姑仔, 佢都係緊張你BB先會幫佢影咁多相, 又唔見佢幫其他唔識的BB影咁多相

私人傳訊

jlam

伯爵府

積分: 18248

好媽媽勳章

9^#

發表於 04-9-13 15:02 |只看該作者

Re: 產後抑鬱

Cko,
頭一個月確係惡頂架, 特別係第二個星期中開始, 係產後抑鬱既高峰期, 過左第一個月, 身體內既賀爾蒙慢慢tune返正, 情緒波動就會開始穩定d, 比自己抖下氣, 好容易就過架啦, 加油呀!

私人傳訊

kingawa

伯爵府

積分: 18474

10^#

發表於 04-9-13 17:27 |只看該作者

Re: 產後抑鬱

我本身是一個愛獨處,愛安靜的人,但自我由醫院回來那一刻,家中的一切似乎都變了!我奶奶對bb愛不釋手,24小時對住都願!從此家中便經常有很多親戚朋友在出入,又吵又煩,害我頭幾天一直哭,好想死 ,又不肯吃飯:cry: 而我老公只覺得我莫名其妙,不理我,反而我奶奶會要我吃飯,她好像知道我不愛人多,有時為了讓我吃飯,會帶朋友提早走...其實老人家或許只是想多一點見過孫.而奶奶是特別自外國回來陪我坐月子的,比我媽媽對我好百倍,所以後來我對她便只有感激

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

calcal

男爵府

積分: 6227

11^#

發表於 04-9-13 23:22 |只看該作者

Re: 產後抑鬱

我覺得就自己心理健康著想，叫自己一時間對奶奶全無偏見係無可能，亦對自己o既情緒加o左負擔，反而覺得要老公同奶奶先去遷就一下，例如少d出現或唔做令自己反感o既o野。漸漸情緒緩和o左，對奶奶或他唔順眼o既o野都無咁抗拒~~

私人傳訊

pinkylee

伯爵府

積分: 19417

12^#

發表於 04-9-13 23:41 |只看該作者

Re: 產後抑鬱

Cko....
如果你夜晚都能照顧到個b,你可以叫你老公,不用奶奶來過夜,免得佢老人家辛苦囉.
我生第一胎時,都好似你咁,夜晚要奶奶過夜幫我照顧個囡,其實我都唔想比佢同我個囡睡架.每次個女抱了隔奶奶到睡,我都會偷偷地哭,因為有一種感覺係好唔捨得,但又唔可以拒絕咁.(有時仲會發夢,和自己奶奶爭個b添)
過了十多天後.我話我自己可以照顧返個囡,不用奶奶過夜來照顧個囡囡.而者我仲好堅決同自己老公講添~~~但我係以餵母乳理由同埋佢亞媽辛苦這二個籍口講囉~~
如果你覺得你有產後抑鬱....一定要多點找人傾數,咁對你既病係有好大的幫助.

私人傳訊

ho_mama

珍珠宮

積分: 37752

醒目開學勳章

13^#

發表於 04-9-14 00:25 |只看該作者

Re: 產後抑鬱

Cko,

其實你應該未至於產後抑鬱, 而是產後焦慮 / 產後情緒低落 (baby blues)。

你依家最好咩都唔好想, 只讓自己多點休息, 盡量放鬆自己, 千萬不要比自己太大壓力。要知道, 在你夫家來講, 你生了bb出來已經勞苦功高架啦; 你幫佢地家族增添多一位成員, 佢地咁緊張、興奮亦是理所當然的。此外, 揍bb並非你一個人嘅責任, 你生完bb這個時間確係需要休養的, 所以, 既然奶奶,姑姑咁樂於對住bb嘅, 咁你咪索性暫時放低bb比佢地揍, 自己落街行下, 搵間寧靜d嘅餐廳或咖啡店座下, 飲翻杯野, 輕鬆下囉! 要記住, 來日方長, 讓自己身心有充份嘅休息, 待體力和精神都恢復過來時先揍bb都唔遲啦, 係咪!

以上其實是我經驗之談, 在產後4個多月以來我都不願自己揍bb, 每次想起要獨自對住bb時, 我就會好驚, 個人就會六神無主。直至依家6個月囉, 情況才漸漸好轉。你要加油呀, 我地一齊努力吧!