嬰兒醫護 今日: 0 | 主題: 79145

積分: 3489

1^#

發表於 08-12-11 23:49 |只看該作者 |倒序瀏覽 |打印

緊急!~~~~
請大家俾d意見我! thanks!

簡介---我囡囡而家三歲零九個月,(09年3月就4歲) 佢開刀出世果晚就發燒,打左一個療程,七日既藥(好似係'抗生素') 之後出院至一歲都冇乜唔舒服(唔知關唔關飲人奶既關係?身体尚算健康)
直至佢打'一歲針'後 (好似係'五合一針'),之後發燒,仲抽筋,call白車入院,醫生話小朋友發燒,一下之体溫轉變,好易抽筋,住院三日出院醫生已講明'一不離二',以後囡囡發燒都要留意,點知真係....
至後大約有5次發燒抽筋,其中4次都入院做全身檢查,住足三日,最近三歲半果次,見佢抽左兩三分鐘後已'清醒',在家觀察後冇入院,(因為佢每次入院都要係手背插住'針孔'三日,唔可以離開病房範圍,仲要抽血,抽鼻水,照肺,甚至試過抽骨髓,做腦電圖,腦掃瞄) 我就陪足佢三日,身又累,心又痛) 所以果次嘗試唔入院,唔想大家咁辛苦,好在佢好快退燒冇晒事.

今日下午,佢睡午覺中,睡了個半鐘(平時睡一至兩小時) 突然'扎醒',大叫:"a句"[媽咪陪我] ,我座係床邊'拍'佢手臂'暗'佢再睡,佢又大叫:"b句"[我隻腳要蓋被] 我替佢蓋好,過左一陣我叫佢起身(準備去街)但她突然喊起黎,重複講"a句",喊住講左三次以上,(但我一直攬住佢睡,冇離開過佢身邊) 之後又連續大叫大喊,講左三次"b句",但佢一直有蓋住被,只係剛才想叫佢起身拿走了一分鐘,不過見佢仲想睡,已重新蓋上.
但佢好似開始不受控制,又重複講左a,b句五次以上,重越喊越勁,平時佢都係'流眼淚',好少喊出聲,就算扭計都係3-5分鐘就收聲,但今次足足喊左40分鐘,完全冇停過,期間不停大叫大喊,我點逗佢,俾糖同玩具佢,佢都唔要,我地同佢傾偈,佢雖然有答,但又會重複每句答案3次以上,然後又重複講a,b句同c句:["我冇事啦(冇咳喇!)"] 仲由小哭--->大喊-->全身不受控抽搐-->飲泣--->平靜--->又小哭-->大喊.....至平靜,不停循環,最少六次至十次'足足40分鐘,我見佢好似完全控制唔到自己,不停重複自問自答,真係好擔心,怕係'抽筋'既一種方式,於是同婆婆,老公決定call白車入院(方便醫謢人院照顧佢)

事原---佢上星期三開始咳同流鼻水,因為佢星期一至五同我阿爸阿媽住,所以阿媽同佢睇左醫生,食左三日藥,我星期六見佢仲有幾聲咳,同佢去藥房配多三日'止咳水'同'化痰'藥水,一直冇發燒,仲食得玩得睡得,唱歌跳舞好好精神,突然咁樣,真係令人好擔心....

打得太長---待續....

[ 本文章最後由 gillianchan 於 08-12-12 00:01 編輯 ]

0 0 0

私人傳訊

積分: 3489

2^#

發表於 08-12-12 00:00 |只看該作者

續上~~~

我同'白車'上既兩名醫院人員講完以上既事,其中一個突然問我:[小朋友平時係咪自己一個人玩?有冇人陪佢?佢會唔會自己同自己講野?]

我答:[小朋友唔係都鐘意同公仔傾偈,同自己唱歌跳舞架咩?]

佢話:[唔係架!你自己留意下喇!] ---我見佢面有難色,然後講左句:[不過...都係冇野啦!]

我心中突然有三個想法:
一, 佢覺得我囡囡有少少'精神病',突然失常,失控...
二, 佢覺得我囡囡有'羊癎症'現象,手尾長...
三, 佢相信鬼神之說,認為我囡囡'撞邪'....

不過我唔敢多問,而且已經到左醫院門口要落車,都係入急症室要緊....

但最奇怪既係,我囡囡之前一直'控制'唔到自己,不停重複講住果三,四句說話(上文提及的"a,b,c句") 又不停重複 (循環) 小哭-->大叫大喊--> 平靜 --> 抽搐又再小哭 --> 至平靜....我同老公,阿媽陪住佢,觀察左40分鐘先決定call白車入院,佢一直都係'失控',又唔采唔理'爸爸'同'婆婆',只係喊住同我講野,要我睡在床陪佢,但又唔俾我抱起佢,爸爸抱佢勁反抗,伸直全身,堅持係床上,但call車後就靜晒,唔出聲,好似冇事發生過一樣.....

待續.....

[ 本文章最後由 gillianchan 於 08-12-13 23:46 編輯 ]

私人傳訊

積分: 3489

3^#

發表於 08-12-12 01:20 |只看該作者

繼續以上兩個留言~~

當'白車'黎到,囡囡好似突然'清醒'番,有番意識,能清楚咁同我,爸爸 & 兩個醫護人員對答, 仲乖乖咁抱住爸爸,坐係大腿上,靜晒,好似冇喊過一樣...

坐左十幾分鐘,一直到醫院,直入急症室,分流站,入診症室,照肺,佢全程勁乖,坐定定,我地叫佢做咩,佢就做咩...我同老公果時幾驚醫生們以為我地兩公婆'玩野',囡囡好似一d事都冇? 擔心分流唔知會係第幾級? (緊急睇症既先後次序) 聽講播,當時下午五時,仲睇緊中午11點既症....好在我地都係等左十幾分鐘就睇到'分流站'醫生,再等十分鐘就可以照肺,之後等多廿幾分鐘,再見醫生睇報告,等埋拎藥水,剛剛全程用左一個鐘左右....

醫生既診斷結果---囡囡x光片(照肺) 冇事, 所有'反應'都正常,冇發燒,亦唔算'抽筋',只可以講一定係傷風,流鼻水,有痰同有咳,可能唔舒服先會咁.尼次係'個別例子' (其實兩個月前都試過一次,因為一d小事,突然由小哭--> 大叫大嚷,講黎講去果句:[媽咪!你原諒我喇!我下次唔敢喇!]--> 停落黎 ---> 又失控大叫大喊 ---> 抽搐幾下 (不停循環) 如是者過左廿幾分鐘,佢先冇喊冇重複講野,我以為佢只係發脾氣,一時間反應過激,所以我有d擔心,有d驚都冇帶囡囡去睇醫生),
醫生仲話之前果幾次抽筋入院,其實已經check過晒,腦電圖,骨髓,血液,血糖....全部正常.

我問:[咁駛唔駛留院觀察?]
醫生話:[你可以自己留院,觀察下囡囡情況,有需要再搵護士醫生幫手]
我心諗--要觀察,係屋企都得喇!而且仲唔知觀察幾耐好?出面百幾二百人,乜病菌都有,都係返屋企好過喇!...於是我同醫生講:[你覺得佢需唔需要留院?如果我地拎d藥返屋企自行觀察,如果佢再有唔舒服先再睇得唔得?]
醫生話:[ok! 不過如果你地好擔心,我覺得小朋友唔駛留醫,你堅持要留院都可以既,不過要排期重新做過晒d檢查都要好耐,而且結果可能都係同之前一樣.]

嘩!有得走,緊係走喇!要佢咁番晒之前既檢查,都未必有'結果'仲做,要我同囡囡身心受創,咪搞! :;pppp:

阻左大家咁耐,打左咁多字,我都係想請教大家有冇高見,覺得我囡囡今日係發生乜事呢?

你地既小朋友,有冇發生過類似既事件呢?
thanks!

[ 本文章最後由 gillianchan 於 08-12-12 01:26 編輯 ]

私人傳訊

jaycee_mami

珍珠宮

積分: 47561

好媽媽勳章

4^#

發表於 08-12-12 08:54 |只看該作者

如果連醫生都解釋唔到你女女發生乜事, 又做哂所有檢查, 不如去拜神以求安心. 你可以去紙紥鋪搵人幫你執一份衣紙, 然後去十字路口拜, 唔識的話, 搵埋D老人家 (如你媽咪) 一齊去, 佢地會識點講架啦.

我知這個方法唔科學, 可能俾人鬧, 但你在醫學上乜都做哂, 去拜神是為求安心及祝福. 另外, 你都要多D同女女傾計, 佢可能在學校有唔開心, 積積埋埋所以先出事.

希望你女女早日康復.

私人傳訊

柚子

積分: 4939

5^#

發表於 08-12-12 10:48 |只看該作者

以下係我個人意見.

我覺得樓主囡囡應該留院.因為當你每次帶囡囡去醫院時.佢都已經平靜哂.醫生見唔到佢失控時既情況.雖然已檢查過係無問題.以我自己為例.當年身體有事.每次入到醫院都平靜哂.唔痛.醫生次次都話我無咩問題.可能都係老毛病影響.次次都係開差不多一樣既藥比我.結果有次醫生問我要唔要留院觀察一下.再睇下雖唔雖要再重新檢查.
唔知係我好彩定唔好彩.真係出事.仲要立即安排做手術.

至於懷疑係唔係鬼神之說.如果有d野覺得做左會安心d.咪去做囉.
可能囡囡只係一時唔開心.鬧下情緒.好快無事.試下多d同囡囡傾下.可能有所發現!

私人傳訊

emmyfok

男爵府

積分: 8244

6^#

發表於 08-12-12 11:28 |只看該作者

Pls check PM

私人傳訊

sze1977

別墅

積分: 754

畀面勳章

7^#

發表於 08-12-12 12:03 |只看該作者

睇完我都有d 擔心你囡囡, 但係有d野希望你先做:
1. 你話自行配藥, 你囡囡之前有無食過呢d藥? 有無帶去比醫生睇下d 藥有無影響?
2. 如果你有咁做, 我都會建議你去拜拜先, 因為起碼自己安心左先, 我唔係導人迷信, 起碼你拜完, 你囡囡都仲有呢d情況的話, 你就可以減少一樣既疑問先喇.
祝你囡囡無事喇

私人傳訊

littlecook

子爵府

積分: 11940

8^#

發表於 08-12-12 14:29 |只看該作者

我無遇過呢d情況,只係估估吓:

唔知會唔會係有d咩事發生過,嚇親,而產生既心理恐懼既現象?
昨日睡時出現既情況,會唔會係發惡夢諗起以前發生過既恐怖既事?
會唔會係恐懼而產生身體抽搐等身體反應?
可以試下見心理醫生!

亦有可能係精神問題,但唔駛太驚,唔係一定係d咩'精神病',可能係荷爾蒙出問題而令身心都有反應.如有懷疑,可以約見精神科醫生.

與其求神問卜,不如冷靜d,考慮晒各種可能性,並作出診斷!希望你囡囡快d無事啦!

原文章由 gillianchan 於 08-12-12 01:20 發表
繼續以上兩個留言~~

當'白車'黎到,囡囡好似突然'清醒'番,有番意識,能清楚咁同我,爸爸 & 兩個醫護人員對答, 仲乖乖咁抱住爸爸,坐係大腿上,靜晒,好似冇喊過一樣...

坐左十幾分鐘,一直到醫院,直入急症室,分流站,入診 ...

私人傳訊

littlecook

子爵府

積分: 11940

9^#

發表於 08-12-12 14:50 |只看該作者

PLS CHECK PM

私人傳訊

277177

禁止訪問

積分: 2945

10^#

發表於 08-12-12 14:57 |只看該作者

提示: 作者被禁止或刪除內容自動屏蔽

私人傳訊

pollybell

子爵府

積分: 14001

11^#

發表於 08-12-12 15:24 |只看該作者

我覺得好似癲癇症病發既時候,癲癇症好多類型,其實有時照腦電圖照唔倒,要捉病發時先驗倒,同埋你去醫院又無幫小朋友照磁力供震呢???如果腦腫瘤都會有影響.我建議你搵個腦科醫生睇睇,我曾經都試過好似你小朋友既情況,但係咪一定手尾長呢又未必,有時可能係一次性或某種刺激物引起.

[ 本文章最後由 pollybell 於 08-12-12 15:41 編輯 ]

私人傳訊

idawu

別墅

積分: 779

12^#

發表於 08-12-12 18:45 |只看該作者

There is a recent article on problem of drinking milk :
http://leies.100webspace.net/news/allmag/view.php?mag=next&issue=976&site=11866446&src=1

Your daughter might have allergry to milk. If all checkup have been done, you might try to check if any problem with milk

原文章由 gillianchan 於 08-12-12 01:20 發表
繼續以上兩個留言~~

當'白車'黎到,囡囡好似突然'清醒'番,有番意識,能清楚咁同我,爸爸 & 兩個醫護人員對答, 仲乖乖咁抱住爸爸,坐係大腿上,靜晒,好似冇喊過一樣...

坐左十幾分鐘,一直到醫院,直入急症室,分流站,入診 ...

私人傳訊

積分: 3489

13^#

發表於 08-12-12 22:54 |只看該作者

好多謝大家既關心同各種意見,thanks!

今日囡囡冇返學,全日跟住我返工(佢由'滿月'開始,已經日日跟我返工,直至兩歲入N1,先冇日日'返工',但而家逢星期六,日或假期,佢都會跟我返鋪頭,因我係幫阿爸睇鋪既,所以方便帶囡囡返工.)

今朝早起身,佢同平時一樣,完全'正常',玩得,食得,昨晚都睡得很甜,一覺睡到天光,之後跟我返工,一直到中午都好好,只係間中有幾聲咳,食左昨日醫生開既藥水,情況明顯好左,成朝仲玩得好開心添!

之後我如常開床俾佢睡午覺,佢一落床十秒即睡了,睡了兩小時,咳得好勁,醒了,又開始哭,我估佢係唔舒服,所以抱佢,拍佢背,安撫佢,問佢食唔食包,食唔食餅,佢都喊住話唔要(平時佢好為食架!所以都算'反常') 佢乜都話唔要,只係不停喊(流眼淚同飲泣) 過左好耐佢靜返d,話:我想食蘋果呀! --於是我切左小小俾佢食,佢先'定'左d,不過食完又開始'扭計'.

佢喊住話要去'mega box',(本來昨天答應佢會去,但去左醫院後便回家,佢一直記住),因為我仲返緊工,唯有同佢講,放工等埋爸爸一齊去好唔好,佢話:[唔好!而家去呀!] 之後我用左好多說話,俾左好多玩具佢玩,又安撫佢,佢都話:[唔要] 又大喊起黎,大約維持左十分鐘---(佢平時好乖,好少咁樣架?!)

我估佢今日係唔舒服先會咁扭計又喊,不過冇好似昨日咁'失控',一切對答都係'正常',所以我都冇咁擔心.

其實今日我係佢'完全清醒'時同佢傾過,問佢點解昨日會發脾氣大喊呀?佢好似唔記得有咁既事,只係隨口答我:[好呀!知道喇!] 但下午睡醒又係咁?! 好在放工時(過左三十分鐘之後)佢又冇晒事,仲好好心情,四圍同人講 bye bye,笑笑口,紮紮跳

,到左晚上十一點幾,仲好精神咁玩緊.

而家亂咁諗既解釋~

一, 囡囡突然失控失常,好似有少少'精神病'咁...
二, 囡囡好似有少少'羊癎症'現象,因為唔係'平常'發燒先抽筋...
三, 鬼神之說,囡囡好似電影中情節'撞邪'咁....(過左之後,佢完全唔記得發生過乜事?而且極之平靜)
四, 發惡夢,嚇親 (但上一次佢唔係睡緊覺?

,今次係第二次)
五, 好似醫生咁講,佢只係病,唔舒服,發脾氣
六, 佢被人/被某樣野嚇親 (不過當時既地點,人物,佢都係成日見到既,昨日一直都係我同婆婆陪住佢都冇事發生)

多謝大家既意見!我會再留心囡囡情況,不過我諗佢暫時唔'可以'見心理醫生,同精神病醫生,因為佢應該唔識講,同畫圖畫.

我本身冇宗教信仰,所以求神問卜,暫時未必會,(阿媽信佛教,鋪頭日日有'上香',門口有地主,所以阿媽覺得應該唔關事) 不過我會俾d'玉器'佢帶住,定下驚先,之後再作診斷!希望囡囡快d無事,或者可以搵到原因啦!

再次多謝各位既意見同關心,thanks!

[ 本文章最後由 gillianchan 於 08-12-13 22:45 編輯 ]

私人傳訊

積分: 3489

14^#

發表於 08-12-13 23:07 |只看該作者

今日已經係第二日,佢今朝起身好乖,無扭計,仲一起身自己企係我床邊,叫:[媽咪爹d早晨呀!我醒醒喇! 媽咪你去煲水沖奶喇!] 然後爬到我們床上 ---因為佢一星期得兩晚返黎睡,所以只係睡在我們床邊至窗門中間的地下,鋪上膠地墊加床墊,再用厚被當床單,咁就唔駛佢睡在我同老公中間咁逼,咁危險,又唔駛佢自己一個睡一間房,方便照顧.
見囡囡今朝咁好精神同心情,都安心好多

之後,我地又如常返工,佢都一切'正常',中午飯後,陪佢睇左一陣卡通片dvd,然後又要同佢'傾偈'(輔導)
我話:[你睡醒就同你去買包食,然後再同你玩,所以醒醒唔駛喊架!知唔知道?]
佢話:[知道喇!我陣要食菠蘿包]
我話:[OK!] 於是又開床,睡係則邊拍佢訓

兩個鐘後....佢又自己起身,叫:[媽咪~我起身喇!]
我話:[好呀!你好乖喎!去完洗手間再去買包包食喇!] --我一直拖住佢的手,又用溫柔的聲線同佢講野,希望佢盡量唔會'唔開心'同有機會發脾氣...

好彩,佢今日冇再喊,仲一直笑笑口,我終於可以放下心頭大石,唔駛成日咁擔心,驚佢訓醒又會'發作' 又驚佢喊到收唔到聲,不能自控.

我會繼續留意囡囡既情況,一有最新消息會再同大家分享,再次多謝大家既意見同關心! thanks!

私人傳訊

積分: 3489

15^#

發表於 08-12-13 23:44 |只看該作者

idawu~

好多謝你的文章分享,'結果'幾出人意表,我都係第一次睇到尼件事,不過聽多d都好既,我覺得囡囡未至於出現'幻覺',而且佢飲奶都唔算多,早晚一杯(香港三大品牌之一既奶粉,未聽過有問題) 而且佢對奶粉冇乜敏感同副作用,但我會繼續留意佢既情況,多謝你的分享!

thanks!

原文章由 idawu 於 08-12-12 18:45 發表
There is a recent article on problem of drinking milk :
http://leies.100webspace.net/news/allmag/view.php?mag=next&issue=976&site=11866446&src=1

Your daughter might have allergry to milk. If all che ...

私人傳訊

sasa@uk

珍珠宮

積分: 45228

16^#

發表於 08-12-14 05:10 |只看該作者

樓主, 有d 西藥係會令小朋友發惡夢.
可能藥物唔夾, 請記住食過既藥物, 下次講比醫生知佢試過呢個情況

私人傳訊

積分: 3489

17^#

發表於 08-12-14 21:25 |只看該作者

多謝你的意見!

我有拎過d藥俾醫生睇,佢冇講d咩喎?! 而且平時都有食開尼隻藥水,通常囡囡唔舒服或者咳,我會帶佢睇一次醫生,如果d藥食到得番一次,佢都未好晒,我就會拎俾相熟藥房睇,再配番d藥水俾囡囡,通常食多兩三日都會好番,佢亦到好少發惡夢.

而且佢果日醒左之後冇話'驚驚',所以未必係因為發惡夢,所以我先覺得奇怪?

但無論如何我都要再次多謝你,thanks!

原文章由 sasa@uk 於 08-12-14 05:10 發表
樓主, 有d 西藥係會令小朋友發惡夢.
可能藥物唔夾, 請記住食過既藥物, 下次講比醫生知佢試過呢個情況

私人傳訊

平果糖

別墅

積分: 959

18^#

發表於 08-12-15 12:34 |只看該作者

宜家無事就好囉~~ 我bb宜家2個半月,有時都會成日扭計啊~搞到我都有d驚驚~

私人傳訊

Doraemon_ng

伯爵府

積分: 16277

好媽媽勳章

19^#

發表於 08-12-15 16:49 |只看該作者

Gillian,
最重要而家無事, 過左氣既野, 唔好諗咁多, 不過如果拜左神會安心d, 咪做左都唔緊要架~
check pm 啦~

私人傳訊