Hello MillyYeung， 2歲小朋友營養由唔同食物中攝取係最理想， 如果只係食魚同番茄似乎食物種類唔夠多元化，有部份小朋友可能因為之前經驗，一旦覺得某種食物難食就唔願意再嘗試，媽媽可以花D心思將BB唔喜歡食物切碎、磨成蓉、等BB係不知不覺食下唔喜歡食物，或者將肉碎芝士釀入蕃茄度，蕃茄魚片炒雞蛋、魚片炒清瓜、魚片炒芽菜都OK。BB係唔係每日都同大人一齊食飯? 家人餐桌上食材較多種類，可以增加BB嘗試新食物機會，模仿大人都可以令佢學習得快D架。
Yvonne註冊護士@牛欄牌 發表於 17-7-5 17:54
回覆 MillyYeung 的帖子
Hello MillyYeung， 2歲小朋友營養由唔同食物中攝取係最理想， 如果只係食魚同番 ...
佢係同大人一起食飯，不過都係齋食佢自己個啲，完全唔會想食我啲啲送，夾到俾佢都唔要，我今日整左番茄字母粉，佢唔肯食，後黎用舊番茄遮住，佢會睇一下先，佢見唔到其他野佢就食，不過次次都係一食就即刻吐出黎，好犀利，好快知有其他野。我用過其他野同番茄一起整，比如肉碎，雞蛋，但係最後都係食曬啲番茄，其他唔食。不過有興趣試試你講嘅將芝士肉碎釀入去番茄度。其實我有時會唸佢會唔會大啲自然會試多啲野？不過來自長輩嘅壓力實在太大
我又唔想逼佢，好似今日咁，逼佢食，最後搞到連平時中意嘅番茄同白飯都唔肯食。我都有唸過整啲樣子好得意嘅飯送。最後真係唔得就打返蓉。好似粟米咁，佢細啲嘅時候都幾中意食，不過大左唔肯食，前幾日我將粟米當下午茶俾佢，都係唔食，咁我就將碗粟米放係台度由佢，之後佢自己去玩玩下擺入嘴食，食到甜就食曬。所以我唸係米主要唔係食物嘅問題，係佢心裡問題。
MillyYeung 發表於 17-7-5 22:57
多謝你幫忙呀佢係同大人一起食飯，不過都係齋食佢自己個啲，完全唔會想食我啲啲送，夾到俾佢都唔 ...
明白小朋友唔愛進食，會引起長輩們嘅關注，令媽媽感受到壓力 !
小朋友大左會有自己主意，如果未有餓意、進食環境/食物不能引起佢興趣，都容易有唔願意/抗拒進食嘅情況，同意媽媽意見強迫進食唔係長遠嘅方法，亦會令小朋友有反抗心理。兩餐相隔4個鐘或以上，避免餐前進食零食，每日餐前30分鐘俾小朋友去公園/遊樂場活動下，增加BB熱量消耗，小朋友玩耍後會比較肚餓和心情輕鬆，胃口都會好D，同其他差不多大嘅小朋友一起開開心心進食唔同食材，都可感染BB較願意嘗試新食材。唔少BB都喜歡用手仔拎住食物，媽媽可以用有天然甜味熟食材整餃子、壽司、飯團、三文治、卷旦，(媽媽可以將番茄切片、切粒加入餡料度吸引BB、再因應BB接受情況減少番茄份量)，可以令佢更好胃口和食得開心，媽媽亦可試下為食野定D規矩等佢慢慢學習。如果佢有進步，要讚下佢呀！
發表於 
返回列表
