吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99正八x, 姑仔無腦再加一個唔負責任ga細叔 ...

婆媳關係今日: 0|主題: 27764

收藏本版

發帖

返回列表

跳至頁

查看: 1979 | 回覆: 7

99正八x, 姑仔無腦再加一個唔負責任ga細叔 [複製鏈接]

CecilyHo

男爵府

積分: 5193

畀面勳章環保接龍勳章 BK Milk勳章

1^#

發表於 09-1-6 11:58 |只看該作者 |倒序瀏覽 |打印

容許我係到呻吓!長編咗小小.
我99正一小人兼八婆. 話說今年唸住同大伯一家四口去大陸玩3天. 決定星期日同大嫂一齊去報名. 早上同99,姑仔一家同大伯一家去飲茶啦!講開今年去大陸玩3天, 初時話全部去哂玩無人照顧99, 我就話啦!不如全部一齊去玩咪好囉, 又可以照顧99, 但係無人負荷, 個個唔出聲, 隨後我話跟完團後會繼續留係大陸玩多一兩天, 所以唔會帶99去.到報完名返去, 99問報咗名未, 我地話報咗, 佢塊面當堂變色. 我地無理佢. 跟住就食飯然後各自歸家. 第二日, 即刻有說話聽. 我大嫂打比我話大伯問可唔可以加理99個名一齊去. 我即時大鬧有無攪錯. 我地講咗再玩多一兩天所以唔同99去, 而且o的小朋友個個都話唔很同99去. 昨天見到姑仔同佢打招呼, 佢居然唔睬我, 唔緊要, 我根本唔知咩事, 同老公行返屋企時, 同我講無姑仔la la 話我老公報名都唔報埋99, 跟住我就知點解同佢打招呼佢唔睬我啦! 後來我將大嫂打比我ga事同老公講, 佢話一定係99係姑仔面前唔知講過o的咩嘢, 再加上一個無腦ga姑仔, 所以大嫂就打比我. 前年已經同佢去過啦!今年排隊都應該佢個細仔同細新抱同佢去啦! 我叫大嫂將所有有關旅行社資料全部掉哂佢, 費事比大伯見到跟住通知個姑仔靜雞雞報咗名先同我哋講, 因為已經有前科, 個次嬲到我同佢個細仔鬧交. 旅行期間重因為99同我老公鬧交. 正一衰人. 鍾意打小報告. 我噚晚同老公講,你返去同你個細妹平心靜氣講, 我地已經提早出發, 如果怕99無人倍咪叫佢地遲o的出發囉, 返正初二大伯自已都可以唔跟我地玩多一兩天自已返嚟倍佢啦! 大家張就吓囉. 而且小朋友加我兩公婆同大嫂都唔鍾意同99去旅行. 因為實在太煩. 我99係又要認叻, 又叻唔起, 衰咗就話我唔識, 話佢兩句又變面. 係地話有無咁ga人呀!

0 0 0

私人傳訊

ac321

侯爵府

積分: 24705

好媽媽勳章

2^#

發表於 09-1-6 12:21 |只看該作者

I told myself I will never go to travel with my 99 again........
P.S. I had try once with very bad experience!

原帖由 CecilyHo 於 09-1-6 11:58 發表
容許我係到呻吓!長編咗小小.
我99正一小人兼八婆. 話說今年唸住同大伯一家四口去大陸玩3天. 決定星期日同大嫂一齊去報名. 早上同99,姑仔一家同大伯一家去飲茶啦!講開今年去大陸玩3天, 初時話全部去哂玩無人照顧99, ...

私人傳訊

Cat1218

大宅

積分: 1690

3^#

發表於 09-1-6 12:50 |只看該作者

原帖由 ac321 於 09-1-6 12:21 發表
I told myself I will never go to travel with my 99 again........
P.S. I had try once with very bad experience!

唔好話同99去會麻煩啦,我試過一家三口同自己媽咪+兩個細佬一齊去澳門兩日一夜,都攪到超興呀,因為當日唔好彩落大雨and好大風,我bb得10個月大,當然要睇情況先搭船走啦,點知出面橫風橫雨,連遮都吹反,人就更加行唔到,我媽媽同d細佬死都要即刻返香港,大人真係無所有,但我個仔得10個月大,點解唔等到d雨細d先呢???媽咪又唔識返香港,焗住要陪佢走,係船上浪太大了,上落有1米高的浪,我同老公因為太累,嘔到七彩,我仲要一手抱住個仔一邊嘔,仔仔狂喊,因為好唔舒服

我好緊張好辛苦,但老公已經出曬冷汗,連自己都照顧唔到自己,好唔容易挨到番香港,我同老公都興到爆,完全唔明白我阿媽點解唔洗睇下我地仲有個bb同行,話走就要走,難為我當初好心知道媽媽想去澳門,但無人陪佢去,只係想孝順下佢,點知換來一場痛苦的經歷,我老公之後係咁發燒,病足一個星期

,好彩我同仔仔無野.老公因此嬲左我媽咪,我都嬲左媽咪2weeks,無打俾佢.
真係試過一次就足夠了,最好自己一家人去,唔好同任何一個去,親人都係咁話.

私人傳訊

Melody_Che

大宅

積分: 4192

4^#

發表於 09-1-6 14:34 |只看該作者

我同6299去旅行, 以過來人身份講, 一定絕對不能同6299去, 開心都會變成唔開心, 同毒物一樣, 一試促已致命

私人傳訊

A.C.C.

大宅

積分: 3786

5^#

發表於 09-1-6 16:12 |只看該作者

同老爺奶奶去旅行.....諗到都嚇到震

因為老爺份人好霸道, 有佢講無人講, 佢地試過跟團, 結果同團友吵起, 俾成團人杯葛

好啦, 咁咪同佢地自由行, 諗住等佢地無咁辛苦, 點知老公俾人由頭怨到尾, 飛機坐得耐面燶, 巴士無位又面燶, 食路邊小食又嫌唔舒服, 去食蟹又話"D嘢全部凍冰冰", 連"酒店都係臭嘅".....之後, 老公發誓呢世都唔會同佢地出門

私人傳訊

愛麗斯傳說

大宅

積分: 4164

畀面勳章

6^#

發表於 09-1-6 21:29 |只看該作者

原帖由 A.C.C. 於 09-1-6 16:12 發表
同老爺奶奶去旅行.....諗到都嚇到震

因為老爺份人好霸道, 有佢講無人講, 佢地試過跟團, 結果同團友吵起, 俾成團人杯葛

好啦, 咁咪同佢地自由行, 諗住等佢地無咁辛苦, 點知老公俾人由頭怨到尾, 飛機坐得 ...

雖然我未有同6299一齊去旅行的經驗,不過我可以估到一定唔會開心...事關我62又係好似你62咁....成日做黑面神....個人又「文塞」....試過行街唔係行左好耐...佢已經唔耐煩....黑面啦....同埋佢又係唔識同人溝通的人....佢無朋友架....我就係怕佢會得罪人....所以我已經同老公表明...去旅行一定唔同6299去...

而且我地已經同住啦....再一齊去旅行...即係連少少二人世界時間都無...我死都唔肯呀