懷孕前後今日: 0|主題: 330439

收藏本版

發帖

返回列表

跳至頁

查看: 2829 | 回覆: 27

屯院生產記 [複製鏈接]

awesometaxi

複式洋房

積分: 154

1^#

發表於 17-8-22 20:14 |只看該作者 |倒序瀏覽 |打印

今日係呀b既第10日，為免會忘記當日生產既點滴，都希望可以記錄低同埋同大家分享下

2017年8月12日係38週2，其實前幾日我已經覺得呀b係肚入面踢得愈黎愈大力，大力到好似想踢穿羊水咁，當日訓訓下覺，7點am突然感覺有d水係下面一下湧出，其實吾係好多，大約100ml左右，我即時坐左起身，懷疑自己忍尿忍得太耐，賴左少少出黎，之後去洗手間，發現護墊上面好多水，水係透明亦都無尿味，但又再無水流出，安全起見，叫醒左老公同奶奶，話要去醫院檢查下，佢地都好緊張，我就即刻去沖涼，為免感染，我都盡量吾會洗下身，之後飲左兩碗湯，聽聞飲蜜糖水會開得快d,就拿拿林飲多杯，就出發去醫院產前病房，但途中都無再流水出黎，都預左食炸糊架啦

去到產前病房，姑娘叫老公去登記，我就去檢查，姑娘都話吾覺有水流出，可能我緊張，血壓仲有d高，之後就上床，準備比人推去產房檢查係咪真係穿水，如果吾係，就會比人推返去產前病房

去到產房，call左醫生黎做檢查，醫生伸左d夾入去，用綿花棒拎左d分泌，插落個樽到等一陣，睇下係咪真係羊水，醫手伸個夾個下，又有水流出，醫生都估計係堅既，結果真係穿水，繼續係產房等生，我做個份工同埋我生活習慣，我每日都比人行更多既路，而且每日都做d易生既運動，我都幾有信心好快生到(emoji)不過姑娘話有排，叫老公返屋企先

8am 等到8:30am, 一點感覺都無，醫生話要落催生藥，心諗：仲好，拿拿林生完仲好，去到10點都無感覺，其間聽到隔離d媽媽嗌到痴曬線，我仲笑人(emoji)(emoji)(emoji)

機器顯示我有痛，但我無感覺，時間慢慢過去，開始有少少痛，，但我宮頸未軟，其間醫生不斷加催生藥，突然醫生黎同我檢查，佢成隻手插入黎，本身我無血，佢不斷彈，拉，彈，都幾痛，然後成手血拎返隻手出黎、之後繼續等，我仲訓左陣

0 0 0

私人傳訊

awesometaxi

複式洋房

積分: 154

2^#

發表於 17-8-22 20:15 |只看該作者

回覆樓主

去到下午3點，愈黎愈痛，但仍然接受到，只係痛個下講吾到野，姑娘話比笑氣我，我話吾洗，佢話「吾洗同我慳、照比你啦」，之後我就學聞笑氣，有人講過識食煙既人聞笑氣會有用d, 我以前都食煙既，但發現笑氣對我黎講一d用都無、甚至有時覺得深呼吸個下更痛，去到4點左右，我既痛有6分，醫生幫我打左支止痛針，姑娘話哩支針好有用，打完我應該可以訓一陣，結果打完之後我既痛係無減過，檢查之後醫生話宮頸開始有d軟，可以繼續試下，然後又加催生藥，去到6點終於開左3度，即刻打比老公叫佢入黎陪我，但個一刻我既痛已經有9分，我開始痛到ee哦哦(emoji)，老公黎左之後，我每1分鐘痛一次，每次20秒左右，我根本講吾到野，過多陣再檢查既時候，開到6度啦，聽到個刻，我知道自己已經進入直路啦(emoji)我喊左出黎，姑娘好好咁，摸住我個頭安撫我、叫我加油

就係咁，由6點一直每分鐘陣痛一次，直到夜晚12點，我老公每分鐘都會伸隻手出黎比我捉住，我嗌到成個產房都聽到，其間仲整到成手血，每分鐘都痛20秒，另外個40秒我就好似昏迷左咁，吸得太多笑氣，亦都暈暈地，12點姑娘話我同隔離床個媽媽都開曬可以生啦，我開心到想喊，但全部姑娘去曬隔離幫個個媽媽，無人理我，我唯有等，等到佢生完，都無人過黎幫我生、我咩都無理啦，一痛我就用力痾，我問姑娘幾時生得、然後醫生就黎左幫我檢查，醫生話我哩幾個鐘一直都係6度無開過(emoji)(emoji)‍♀️，原來岩岩個姑娘呃我，醫生話比我試下生，跟住就好多姑娘同兩個醫生係度望住我打開對腿，醫生伸隻手入去入面、叫我痛就出力痾、我知道如果咁痾，子宮頸會好傷同埋下面實爆開、但個一刻既痛、我諗叫我比一百萬都即刻應承，我已經嗌到顛左，完全冷靜吾到，結果我好努力咁痾，最後都生吾到，醫生話要開刀，我個刻好開心，因為係一個解脫，醫生講好多風險，我咩都聽吾入耳，靜係話好，快d

私人傳訊

awesometaxi

複式洋房

積分: 154

3^#

發表於 17-8-22 20:16 |只看該作者

回覆樓主

等埋麻醉科醫生黎解釋一輪、我又顛左咁叫麻醉師快d, 嗌到已經無人理我，佢係我背部打左支針之後、陣痛即時無曬，下半身就無乜感覺，然後就開刀，1:01am，bb出世啦，聽到佢既喊聲、我個心即刻定左

感受埋第一次餵人奶，同埋血壓正常，就推去產後病房，一出門口，成班屋企人係門口等我同bb,大家都好開心

最後我想講，無論開刀定順產，每個媽媽都好偉大，因為個種痛，係無辦法用言語形容到，開完刀繼續湊b既痛，都要好努力先做到，
不過bb可以健康黎到哩個世界、咩都值得曬(emoji)

係屯院無論產前房，產後房，產房既姑娘都好有心、好有耐性、下次再生都會去返屯院