吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› (多謝各位意見, 可是..)要返工o既媽咪,由99湊 bb o既~ ...

自由講場今日: 506|主題: 1342449

收藏本版

發帖

返回列表

跳至頁

查看: 1673 | 回覆: 28

(多謝各位意見, 可是..)要返工o既媽咪,由99湊 bb o既~ [複製鏈接]

cmmcbb

子爵府

積分: 13279

好媽媽勳章

1^#

發表於 09-1-9 11:10 |只看該作者 |倒序瀏覽 |打印

我 99 知道我有左果時已經話要湊我個bb 喇，因為大哥大嫂果兩個bb都唔俾佢湊。而且 99 本身已經幫人湊過好多 bb，真係好有經驗，加上老公極力推薦，持住自己人唔會蝦bb，就決定俾99湊喇。

到我生左出黎，99睇死我唔識湊bb，由我出院果日開始，就去左我度瞓，每晚半夜一聽到 bb 喊，門都唔"烤" 就衝入黎，一手就從我手中搶走bb (經常性搶 b) ，老公都覺得有問題...但係冇出過聲。未坐夠一個月，我已經叫左佢返屋企，我真係自己一個都湊得掂，仲可以煮埋飯俾老公食，佢走左，我先可以好好咁對住我個寶寶。

到我要返工喇...想唔俾99湊都唔得啦，於是我就每朝早湊bb去99度，每日放工就去99度湊返屋企。如是者....到而家 bb已經 11 個月。

期間....99 經常性唔知我個囡痾左臭臭，up 唔知幾耐先同佢換片，一係...就幾個鐘都唔換片，最過份果次俾我發現左佢成8個鐘冇幫我個囡換片。當我湊左亞囡返屋企之後，我亦經常發現bb個gapgap 位有臭臭....好明顯...99抹得好求祈。亦被我發現裝住濕紙巾o既盒有bbo既臭臭o係度....好核突。由此可見 99 o既衛生意識好抵。

到 bb 7個月o既時候.....尿道炎，帶 bb 去睇醫生由 nurse 幫佢 "痴" 袋留尿化驗，見到 bb 好慘，試過尿道炎o既媽咪都知道，痾尿o既時候會有幾痛....bb 咁細個...要佢受 d 咁o既苦.....醫生睇過化驗報告診斷為尿道炎，99死都話咁細個係唔會o既...死都話個醫生有問題....我真係冇野好講！

好多生果...要等 bb 大個 d 先開始俾佢食....99 次次都俾左 bb 食之後，先問我食唔食得，我話唔食得住，佢就話 "下...我今日俾左佢食喇喎"。每當有其他親友在場，佢就會大大聲咁話 "我咩都問過你先架，你話唔得我唔敢俾bb呀"....激死！

以前99湊咁多個bb，個個都痴佢唔痴自己媽咪，但係我個囡就好唔同，囡囡唔痴99，好多時一見99就喊，係就要攬住我 (我從來都冇同bb講過99半句壞話)。老公話99覺得咁樣好冇 face，次次一家人出街食飯o既時候，就會搶左bb，唔俾bb跟我，o係其他人面前show off bb 點樣跟佢法...可惜，次次bb都俾佢攪到係咁喊，要我抱返先收聲，咁樣 99咪仲冇面~？！

試過一次...我媽咪黎我屋企湊bb半日，佢太耐冇湊bb，唔小心地...bb 由sofa 跌左落地，事後99周圍同人講我亞媽跌左bb落地...成條村o既c9都知咁滯...但係佢攪到我個囡撞到個頭流血呀、瘀左呀果 d佢隻字不提！

最近一次...亞囡因為便便太硬，痾損左個肛門流血，我已經提左 99 要幫佢抹乾淨 d....但係...又話唔知bb痾左臭臭喎...up 左又唔知幾耐先抹，結果....發炎了....我見到 bb 咁樣真係好心痛....一見到佢個patpat 果舊又紅又腫o既肉，我就想喊！

噚日上去湊bb又另一驚嚇！bb兩邊咀角都損晒...99 話佢咬床仔條邊，磨黎磨去....點解佢見到bb咁樣磨都唔阻止？

仲有...99坐o係度冇野做就會摸自己對腳，摸完唔洗手就掂我個囡，我覺得好嘔心呀！老公都睇到...就同佢講叫佢洗手，99 竟然開眼講大話，話冇摸過對腳！真係 OMG！

我好懷疑 99 係咪真係識湊 bb，我同老公講話要送bb去托嬰院，老公極力反對，話咁樣99會好冇面.....面子當飯食？到底99面子緊要定個囡緊要 d 呀？

話我要求高？可能係...但係...有邊個媽媽會忍心見到自己個囡俾個咁o既人湊？我陀咁多個月，咁辛苦生左bb出黎...我唔可以當冇野囉！

本來我對 99 冇乜野...但係而家...我真係唔想再見到佢...唔想同佢講野....

為左 bb 應唔應該繼續俾 99 湊哩個問題...同老公嘈左好多次.....

我應該點做？

--------------------------------------
一月十二日
多謝各位o既意見....大家都係媽咪，果然了解情況。工人我請唔起，因為唔係淨係每個月出糧俾佢就得，亦唔可以唔做野做 full time mom，所以唯一o既解決方法就係送寶貝去育嬰園。

星期六果日我同自己亞媽講，亞媽都話...自己人湊都湊到咁，同俾出面o既人湊好似冇分別，反而會傷左關係。叫我育嬰園有位就俾寶貝去...

但係...我老豆.....竟然指責我乜都只顧自己想法，唔考慮其他人感受，話我 99 其實已經湊得好好，話我多多要求。仲要話就算係俾亞媽湊都唔一定會好。我覺得好痛心....點解老豆唔支持我？如果 99 真係湊得好....寶貝就唔會咁啦。而家我一路打字都一路喊。係咪要出事...大大鑊喇...先識得黎驚？

老公聽見老豆咁講就即出黎支持老豆，亞媽冇再出聲，點解亞媽唔幫我口？唔怪得佢地當時將我交俾麻麻湊.....終日被她粗口責罵...原來就係老豆自己冇要求.....細個o既日子唔開心多過開心....所以大左個人都比較悲觀。

各位都講得冇錯，寶貝女為上，但係....如果我真係一個人咁堅持將寶貝送去育嬰園，首先會同老公o既關係變差，我好肯定以後有咩事佢都會叫我自己攪掂，唔再幫手...(當然我可以自己攪掂，會辛苦 d，如果唔係要離婚o既話，我何必要做到咁？) 但係...點解老公只顧 99 感受？咁我呢？

我會問一下育嬰園有冇得參觀，趁住放新年假o既時候帶老公去睇下，了解一下....可能會好 d。請各位媽媽繼續支持我！多謝！

不過 meantime.....我真係屈得好辛苦....每一諗起哩件事....就流眼淚。我真係好唔開心....

[ 本帖最後由 cmmcbb 於 09-1-12 10:24 編輯 ]

0 0 0

私人傳訊

召藥師

超級版主

積分: 54907

2025勳章 2025勳章蛇年勳章 2024年龍年勳章 2023年兔年勳章 2018父親節勳章 2018母親節勳章熱血金章精緻種植勳章好媽媽勳章超級版主 2011至尊種植勳章環保接龍勳章大廚勳章 BK猜猜猜慶中秋 hashtag影視迷勳章

2^#

發表於 09-1-9 11:19 |只看該作者

妳老公冇眼睇架咩?佢仲認為佢媽湊得好?

睇怕妳99年紀大，做事比以前更馬虎，不如自己湊或請工人湊吧!當然要得妳老公應承先得，由佢出面同99講有power過妳多多聲，亦唔駛做醜人。

盡我一己之力，發放正能量!

私人傳訊

素兒

子爵府

積分: 13656

畀面勳章

3^#

發表於 09-1-9 11:25 |只看該作者

以下係個人意見,如不合請勿插!
妳應該唔好比BB妳99湊,妳依家既經歷就係我之前既經歷一樣,唔同既係我BB被湊到個PAT PAT 流血呀!

每次屙尿就哭

又係唔出得聲,最後我請左工人,我既理由係大家都好辛苦,又要湊BB又要做家務,而且62年紀又大啦!之後先好好多!如果有能力既話就請工人啦,又可以見到BB又有人做家務.

私人傳訊

tammy2008

水晶宮

積分: 50566

4^#

發表於 09-1-9 11:27 |只看該作者

真係替妳心痛 !!! 我接受唔到 !! 無論之後行邊條路, 一定唔可以俾佢湊 !!

嗰時我姑奶都想幫我湊bb(佢幫人湊好多個啦), 但係我都無做野, 又湊得掂....之後有一次, 我見到佢隨手係雪櫃攞支小匙俾d小朋友食 jelly....我都覺得佢唔夠pro...(心惗佢都唔知點湊小朋友, d衛生常識都唔合格 !)

路係人行出來....唔好多多藉口講東講西....請妳一定要唔好再俾佢湊妳寶貝 !!

而家唔同以前....以前人地穿開"浪"褲...

我聽到...好似代入咗妳角色.....而家好火滾...

私人傳訊

123!@#

伯爵府

積分: 16607

5^#

發表於 09-1-9 11:38 |只看該作者

唯有同你老公好好商量.
如果你老公仲係1意孤行, 咁你同佢講, 你唔返工, 自己湊.
有d野, 大家要去面對, 叫你老公唔好逃避.

私人傳訊

塵大聞

公爵府

積分: 25584

好媽媽勳章醒目開學勳章畀面勳章

6^#

發表於 09-1-9 11:39 |只看該作者

你個case同我個實在太相似, 我99都係以前幫人湊bb, 以為佢好掂, 又係對我個囡好球其, d屎片又係好耐都唔換, 整到patpat紅晒, 好彩無尿道炎, bb d 碗洗完仲有d菜痴係到(已經好多次比我見到), 又好彩無肚痾....仲有好多好多事.....不能盡錄

不過到而家阿囡2歲我都係比佢湊, 請工人或者比出面d ee湊情況可能更加差, 如果可以忍到bb2歲後返全日班, 佢就無得再湊, 我個計劃就係咁

私人傳訊

wolimo

男爵府

積分: 6983

畀面勳章環保接龍勳章

7^#

發表於 09-1-9 11:44 |只看該作者

我情況同你差不多,但我生完個女坐月係99度,佢幫手照顧我,bb好少比佢揍,一個月後,就自己揍個女一手一腳揍,到bb10月大就比我99開始揍,之前我同佢關係ok,但因bb好多野佢揍法用佢以前個種,成日比我個女食保x單,1歲都冇就咩都比佢食,咩都話0怕,成日同我老公嘈,跟住我同我亞媽傾完後,都有諗過請人同叫我自己姑媽揍,但令99好冇面,之後我自己想通,其實99會鍚個女,好過請個賓賓打個女,第二,叫得人揍個女就比人話事,人地點揍人地方法,如講到清潔問題一定要自己親口同佢講女仔好容易發炎,請佢好好小心,因又要比$$睇e生,仲要bb痛,可能會陬高燒入院,好大後果....一定要比佢知,其他野可以接受就忍吓la,就當唔係自己眼見不到當唔知......唔好過d

其實你好好,可以自己日日揍番個女,我只係星期五晚揍-星期一早上送佢去,到我個女現兩歲,佢都知邊個女架la...........

私人傳訊

Charlotte_mom

王國長老

積分: 222673

畀面勳章好媽媽勳章醒目開學勳章 2011精緻種植勳章環保接龍勳章大廚勳章王國長老 BK猜猜猜慶中秋 BK Milk勳章

8^#

發表於 09-1-9 11:47 |只看該作者

啊~~你99要面姐, 請埋個工人俾佢駛, 夠晒面子喇掛?!
當個工人上左手, 你就可以正式接bb返屋企俾工人湊, 等99"輕鬆一下嘆世界"!

原帖由 cmmcbb 於 09-1-9 11:10 AM 發表
我 99 知道我有左果時已經話要湊我個bb 喇，因為大哥大嫂果兩個bb都唔俾佢湊。而且 99 本身已經幫人湊過好多 bb，真係好有經驗，加上老公極力推薦，持住自己人唔會蝦bb，就決定俾99湊喇。

到我生左出黎，99睇死我唔識湊bb，由我出 ...

私人傳訊

seavl

子爵府

積分: 12707

好媽媽勳章醒目開學勳章 BK Milk勳章

9^#

發表於 09-1-9 11:58 |只看該作者

最緊要係如果請工人afford得到OK?,同你老公agree or not.

如果老公經濟能力ok, 你可以同奶奶講話請左個工人,你都可以過來睇阿b同check下工人, 奶奶又冇甘辛苦, 等佢安樂d, 同話阿b大左,可以有多個人幫輕大家, 我想佢會容易接受d.

我阿囡宜家18個月, 一直都係放係我阿媽揍, 因我住油塘,阿媽住沙田,之前星期2返去探女,星期五帶走,星期日先帶返阿媽度. 宜家再返多一晚睇女. 我老公一直都唔鐘意我阿媽揍,佢覺得比人X左個囡,佢想請工人,但我地2個人工唔高,以前佢得15k, 我得12k, 重要佢要供樓7.xK, 其實我阿媽揍得好, 但因佢好唔鐘意我阿媽有物野唔鐘意就話佢 (佢大男人), 宜家2方面都好多問題, 大家都唔想見大家.

其實今年8月我就要接返阿囡返來讀N1, 佢YESTERDAY講話如果帶左阿囡返來之後,唔會再比阿囡返我阿媽度, 我都唔知點算好 (到時又要返工,放工即接放學,烹飯,家務,睇功課,一腳踢死緊),

宜家老公重係10月尾RESIGN左之前份工, 同個FRIEND一齊學做生意,宜家甘樣經濟, 跟本無物收入, 得我一個......

大家又比下意見我啦

私人傳訊

carly.c

子爵府

積分: 14609

10^#

發表於 09-1-9 12:01 |只看該作者

如果係我..我會接左個囡先, 唔俾99湊!!
眼見都咁多問題啦,.. 點俾面呀

個bb係自己既, 又唔係99生既, bb有乜事佢點都唔及你心痛, 唔通要等個囡真係出事, 先唸...

我個亞b4月出世, 做完月都迫不得意要俾99湊,晚上再接亞b返屋企 (因我c6極反對俾亞b去托嬰院), 不過如果99真係湊唔掂, 我都會堅持送亞b去..

私人傳訊

annaanna

伯爵府

積分: 15053

11^#

發表於 09-1-9 12:25 |只看該作者

如果真係唔比bb你99揍，就真係全家反面都似，因為預左一比佢揍，就冇得收番....

我個仔都係比99揍，阿仔2歲幾果陣，佢揍佢番學放學，竟然比我家姐見到佢o係屋企留下平台自己講電話，唔理阿仔坐o係地下度..... 我聽到真係心都痛埋，結果番到屋企仲要扮冇野地問佢點解唔上到屋企先講電話，都係相差3分鐘o者？佢就覺得自己冇問題，話諗住人地打到黎，講埋先，因為入lift 收唔到喎~

其實由阿仔出世到2歲番學，我地都試過好多次想帶佢去托嬰院，不過最後都忍，因為可能托嬰院果d 仲出人意表...... 始終親人唔同外人嘛﹗

我估你都係等到bb 2歲番全日會好d 囉.... 始終一家人，免傷和氣啦....

私人傳訊

123!@#

伯爵府

積分: 16607

12^#

發表於 09-1-9 12:28 |只看該作者

原帖由 Charlotte_mom 於 09-1-9 11:47 發表
啊~~你99要面姐, 請埋個工人俾佢駛, 夠晒面子喇掛?!
當個工人上左手, 你就可以正式接bb返屋企俾工人湊, 等99"輕鬆一下嘆世界"!

無用架, 請工人根本解決唔到問題, 係好多老人家心目中, 工人係廢既, 佢地講既就岩, 佢地亦都唔會俾bb工人湊, 因為佢地都會知道, 工人係可以代替佢地, 佢地唔會咁蠢, 將自己既地位拱手讓人(工人)

私人傳訊

TenWong

大宅

積分: 4458

好媽媽勳章

13^#

發表於 09-1-9 12:57 |只看該作者

真系睇到火都來埋，再嚴重D就告距“疏忽照顧”啦！！！成日求求其其，系甘就唔好爭住湊啦！你老公又系既，自己個女來噶，唔通為左個阿媽面子就要個女受苦？？？樓主你不如同你老公講如果唔擺育嬰院就自己辭職湊返啦，睇系距點樣？（要同距將BB既情況，講你既心痛，仲要記得聲淚俱下），如果距甘都唔肯，甘仲使照顧距感受？邊個著顧你同BB感受？

我愛我家！

私人傳訊

pollywm

洋房

積分: 93

14^#

發表於 09-1-9 13:26 |只看該作者

其實不如同你c6講清楚底線，假如有咩差錯就真係冇面比，唔再比99湊。
但你也要找定些資料，等你到時候唔洗咁煩

私人傳訊

lovebb_326

複式洋房

積分: 317

15^#

發表於 09-1-9 13:26 |只看該作者

一定要救呀囡呀,,唔好再俾99咁落去,,!!!如果唔係以後有咩事自己後悔,,仲要搞到自己唔開心,2公婆又嘈,路係人行出黎既,,

私人傳訊

麟媽媽

王國長老

積分: 87219

好媽媽勳章王國長老

16^#

發表於 09-1-9 14:21 |只看該作者

我覺得先要同你老公傾掂數，
因為佢而家只顧及佢亞媽既感受，
而唔明白亞女可能受到既傷害。
你同你老公傾既時候唔好數佢亞媽，
因為係人都唔鐘意聽亞媽既壞話，
一定要講到你作為媽咪幾咁心痛，
加埋亞女有幾辛苦，佢只係唔識講咋！
男人多數受軟唔受硬！
其實你地財政如何，可否講工人？
因為我見托兒所都唔平呢！
工人可以揍仔，仲幫手家務，
咁你放工自然多d 時間親子樂了。

私人傳訊

narsue

民房

積分: 47

17^#

發表於 09-1-9 14:51 |只看該作者

雖然我唔識你亦都唔識你99,但係真係睇唔過眼.....咁細過bb就攪到佢尿道炎,咁大d咪陸續有黎......(返幼稚園時最高危), 我勸你都係請個工人幫手,工人唔識可以教到識,你99既話,你話佢,佢又話你唔俾面,二來兩夫妻傷感情,請個工人姐姐,到時你做莊,你覺得佢污漕你可以話佢,炒佢,咁辛苦生個心肝bobo出黎,點解要佢受呢d無謂苦呀!

私人傳訊

LUON

大宅

積分: 3466

18^#

發表於 09-1-9 14:54 |只看該作者

奇實托嬰院絕對係好好好好好的!

我初初未生個女時,
有諗過叫我媽咪忙手湊,
又有諗過叫我大家姐忙手,
好在我媽咪話怕湊唔掂推左我,
而我又怕大家姐成日去打麻雀,
佢會覺得好困身...
後來我再諗下,
發覺唔係純係講屋企人對佢好唔好,
而係佢成長最初的一兩年,
跟咩人就會變成咩人,
三歲定80!

最後我比女女去托嬰院,
個結果係出乎意外咁好!!!!
保良局托嬰院
(其實其他的托嬰院都好pro)
由主任到老師到姐姐,
全部好好人, 好有禮貌
對照顧小朋友又非常之有心,
唔係單純比佢地食同訓,
而係對佢地身心都按不同年齡給予
適當照顧,
對我地d返工媽咪仲提供好多方便,
係, 收費係唔平,
但我真係好放心同安心。

佢地比到既專業照顧跟本唔係
老人家或者家備可以比,
而家時代唔同,
托嬰院唔係你地想咁架啦!
我生第二個都會去保良局!

私人傳訊

BBTWIN

大宅

積分: 4226

19^#

發表於 09-1-9 15:47 |只看該作者

原帖由 tammy2008 於 09-1-9 11:27 發表
真係替妳心痛 !!! 我接受唔到 !! 無論之後行邊條路, 一定唔可以俾佢湊 !!

嗰時我姑奶都想幫我湊bb(佢幫人湊好多個啦), 但係我都無做野, 又湊得掂....之後有一次, 我見到佢隨手係雪櫃攞支小匙俾d小朋友食 jelly.... ...

mug o甘似我o既，我大肚時，姑奶巳經３返４次要求我比孖女佢湊．當初我reject,　因為我未同老公結婚時，有次上佢屋企，有個佢湊開o既bb女o係度，佢居然由得個bb女執趺o左落地下o既飯粒黎食．見到都冇阻止．極冇衛生常識．由果次開始，我巳經話過唔就算有小朋友都唔比佢湊，而且佢屋企住公屋，環境好差，屋企雜物多過mug. 仔女入到屋又唔除鞋．四維行．總之成家都好唔惦．但最後都要被迫比佢湊，因為我對係孖女，想請賓賓
但驚賓賓攪唔惦，老公始終覺得佢家姐會可靠d.　於是我心不甘，情不願地比佢湊．由孖b女滿月到２歲，佢地都o係我姑奶到．呢兩年我覺得好唔開心，同c6都嗌過唔少次交，都係為o左佢家姐．我有次星期日帶返孖b去姑奶度，o甘岩佢大嫂o係度．食梗生果．我姑奶二話不說將舊生果比孖b女食，但係佢兩個當時只得半歲．我咪即刻叫唔好羅．佢地居然話生果黎o架ja喎，生果都唔得．你話我激唔激死o丫．孖b女果時得６個月，都係岩岩轉食固體食物．佢就巳經急不及待咩都想比佢食．我o係度都o甘，唔係度都唔知比咩佢地食．總之我而家一想起佢都好憎，見到都直頭唔想望佢．好彩果兩年黑暗日子都過去o左．再落去可能會攪到我兩公婆離婚．唔好意思有d離題，不過你一講起姑奶我就無名火起．