吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 婚姻點解令人咁累？長

夫婦情感今日: 0|主題: 42805

收藏本版

發帖

返回列表

跳至頁

查看: 13010 | 回覆: 82

12 3 4 5

積分: 10450

1^#

發表於 17-5-24 21:12 |只看該作者 |倒序瀏覽 |打印

一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街放電買餸回家，幫囝冲涼哄佢訓，然後曬衫、整餸凖備午餐，攪掂抖一陣囝起床食飯，食完洗碗又去公園玩兩個鐘，然後再回家凖備晚餐，陪囝玩陣然後晚餐，c6食完飯就同個囝玩一陣，我洗碗，洗完碗又同囝冲涼，哄囝訓，然後收衫摺衫執玩具掃地拖地，凖備三個人明天早餐，然後冲涼，呢個時候已經9-10點了，冲完抖陣，12點倒訓，每日如是。
好忙好累，做唔完既家務，又要湊住個囝，又成日扭計，望少一眼就衝出馬路、入厠所玩水，食飯食到一地一頭都係，戒片又痾到周圍都係，仲試過玩屎玩尿，激到死

年幾了，好困身，無啖好食無覺好訓，有時想長老幫手睇下好似求人咁，又要睇佢心情未必肯幫手，未生果陣係咁叫我生，話幫我湊，生完無耐又反口，想請工人又無床位

今日晩餐因為囝囝又扭計唔肯食飯，我鬧左幾句又哄佢食，c6發脾氣掉低個碗話唔食抱埋個囝出廳，我望住未食完既飯餸湯，一堆未洗既碗，忍唔住喊，湊住個百厭星又買又煮又洗，身水身汗煮飯真係一啲都唔容易，咁辛苦為咩？
邊喊邊洗碗，洗洗下實在唔想洗，見到成堆碗，一地都係玩具，個囝又污糟，衫又未摺，實在覺得好心煩，唔想對住佢地兩個，冲涼走左出去，出門果陣個囝追住係咁喊，c6仲叫我要走好快d走。
一個人係街行下坐下，做人都唔知為咩？坐低飲杯野，好想以後都唔返去，家務湊仔c6從來都唔會點幫手，有時叫佢睇下個囝我洗碗，佢一係塞個奶嘴一係比ipad佢，我真係好累。
頭先c6 whatsapp視像通話我，因為我走左個囝係咁喊個不停，係電話見到個囝喊到聲都沙左，好心痛，哄左個囝一陣，收線，心情好低落。

0 0 0

私人傳訊

ricky0223

子爵府

積分: 10450

2^#

發表於 17-5-24 21:16 |只看該作者

其實婚姻帶比我既係咩？我都答唔到自己。自問做人老婆媽媽都盡心盡力，但我真係覺得好累。

私人傳訊

Angelice-BeBe

翡翠宮

積分: 76496

2025勳章蛇年勳章 2024年龍年勳章最關心BB問題熱投勳章我的育兒心得勳章 2011精緻種植勳章畀面勳章環保接龍勳章

3^#

發表於 17-5-24 21:20 |只看該作者

回覆樓主：

本帖最後由 Angelice-BeBe 於 17-5-24 21:29 編輯

嘗試調整下個時間表
能否一日買定兩日嘅餸？
就唔洗日日都落街市，撲少轉。
我自己一直都ftm...一湊二，一直無人幫手，時間表安排係好重要架，否則真係會搞到自己無得停，好困身，就會越來越唔開心架喇。
家務做得幾多咪幾多。

私人傳訊

曉如1312

大宅

積分: 4093

4^#

發表於 17-5-24 21:20 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

好同情你，但其實係好多人既寫照，我當初都係自己一個湊，冇長老幫，老公最多夜晚買餸煮飯，家務做得幾多得幾多，一年365日冇休息，去剪個頭髮都要等老公放假先去到，如果辛苦請鐘點幫下手，同c6傾下叫佢幫下家務同湊仔

私人傳訊

circle119

珍珠宮

積分: 33475

好媽媽勳章

5^#

發表於 17-5-24 21:26 |只看該作者

我都係咁！過程係咁！都是冇工人、老公唔駛多理、我仲要有二個小朋友、

時間好快現在成十二歲十歲

如果真的覺得累！同老公說下和找下人幫手.
你可能仲未適應

小孩子現在痴你正常

私人傳訊

Nancy20090615

瑪瑙宮

積分: 140376

6^#

發表於 17-5-24 21:45 |只看該作者

囝就黎返學, 到時有時間比自己歇下, 捱多一陣, 唔好氣餒.

私人傳訊

Sinkayukat

大宅

積分: 1103

7^#

發表於 17-5-24 21:48 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

我仔都係25個月，生完就全職湊，冇人幫手，老公亦唔會點幫手，家務買餸所有野都一腳踢，仲要有2狗1貓。以前就好似你咁，覺得啲野做極都5完，老公唔幫手又好火滾，而家我學識偷懶，管理好時間，仲可以做埋面包蛋糕同曲奇，屋企都係干干淨淨。唔洗下下扯到自己咁行，2歲都大個，唔洗樣樣都超干淨，訓練下個仔幫手做家務，心都甜埋。

私人傳訊

RAY媽

侯爵府

積分: 21293

母親節2025勳章 2025勳章蛇年勳章 2024年龍年勳章

8^#

發表於 17-5-24 21:59 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

個老公

私人傳訊

FennieMan

珍珠宮

積分: 38594

減齡達人勳章

9^#

發表於 17-5-24 22:04 |只看該作者

唔好逼到自己甘緊，唔使晚晚煮飯，有時出街食。個仔唔食咪由得佢，一餐半餐唔食，唔會餓死。
個仔沖涼就交比老公做，而家天氣開始熱，唔怕凍親。
既然已經出咗黎，喺coffee shop 休息下，等你老公攪掂個仔，唔好甘夜返屋企

私人傳訊

Stepmother

大宅

積分: 3277

10^#

發表於 17-5-24 22:47 |只看該作者

回覆樓主:

其實好睇你想追求啲乜野，你會唔會唔甘心做ftm？請個工人，出返黎做野，心情會唔會冇咁壓抑？

私人傳訊

victoriaicc

大宅

積分: 3836

BK Milk勳章

11^#

發表於 17-5-24 22:48 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

我成日都會等我老公放工返來，叫佢睇住個B一陣,我自己走去coffe shop度hea下，逃避下。
有時候男人係懶又嫌煩，於是就會比奶咀或ipad或電視，但是你唔好理喇，比得佢湊就比佢啦，唔好唔滿意，好彩大部分時間是你湊阿囝，咁就比佢睇一陣ipad啦。
你阿囝兩歲可以讀pn啦，咁你就多d時間自己用啦。
至於老公唔體諒，唉，有時候都要睇化d,因為大家心情都唔好時，關係就一定唔好呀。但又唔至於離婚嘛，咁就唯有忍耐下啦。

私人傳訊

jackiemei

侯爵府

積分: 23624

12^#

發表於 17-5-24 22:59 |只看該作者

我三個4、2、1，有工人，但三個都同我瞓，工人係陀仔7個月先到.

講俾你聽係想你知你不孤單

1）同c6 講下你感受
2）放手俾c6 湊下
3）其實朝早已經去咗買餸，冇必要去公園；準備多d在家中既玩具：積木、畫畫、泥膠.....陪睇下書，
盡量參考上面jm所講，改變下啦！

加油啊

私人傳訊

mini1204

翡翠宮

積分: 79228

13^#

發表於 17-5-24 23:07 |只看該作者

回覆樓主:

人都癫
我會做野請工人
最少可以抖氣

私人傳訊

DDoris

大宅

積分: 1635

14^#

發表於 17-5-24 23:08 |只看該作者

回覆 ricky0223 的帖子

好明白你的感受，我都試過快崩潰，先生又唔識分擔。但呢個始終係個過程，唯有改善及安排好時間，俾自己有半小時獨處抖氣時間。改變唔到現實就要改變心態，亞仔多一歲就會定好多，唔好俾自己既心情一路沉落去，有時可以帶個仔多d行下街或者做你有興趣既嘢～加油！

私人傳訊

子爵府

積分: 12169

15^#

發表於 17-5-24 23:12 |只看該作者

ricky0223 發表於 17-5-24 21:12
一齊5年，囝就2歲，放完產假返左三個月就辭職開始做ftm，年幾了，好累，每日早上7點起床，食奶、早餐，落街 ...

做ftm是一項很大的犧牲，男人出去工作，他會覺得太太不用上班很輕鬆。兩個人都要嘗試由對方角度來體諒對方。你很辛苦想老公回來幫手，但偏偏男人根本不理解，他回來見你臉黑黑，怨氣沖天，他也覺得他自己委屈，他工作辛苦一天回來當然甚麼都不想做。當你們兩個天天都這樣在埋怨不開心中生活，夫妻的感情都會變差，當他覺得你不可愛就更加不懂去如何愛你體諒你為你分擔。所以不要再迫自己這麼緊。不如坐下來想想是否可以找人照顧？是否除了請工人還有其他方法？也可以心平氣和和老公談談，冷靜地訴說你的想法，看看可以怎樣達到大家可以找到平衡點。有時候想事情不要太負面，你選擇不上班照顧孩子是你的選擇，不代表就等同你犧牲最多，因為你們是兩夫妻，你不上班等於他要負擔全家開支，所以兩人的壓力同樣大。多看他的付出，少些埋怨，多些贊揚，才可以使他覺得需要幫忙負擔你的辛苦。