少年成長今日: 2|主題: 16042

收藏本版

發帖

返回列表

跳至頁

查看: 3068 | 回覆: 2

堅持中的溫柔 [複製鏈接]

csir3290

子爵府

積分: 12187

1^#

發表於 18-3-18 12:35 |只看該作者 |倒序瀏覽 |打印

本帖最後由 csir3290 於 18-3-18 12:35 編輯

同仔女溫習考試可以話係父母耐性終極的考驗，呢個星期阿仔阿女考試當然日日都要忙住同佢哋溫習，唔好話啲仔女連自己嘅心情都會煩躁啲。話說有一日同阿女溫緊習，本來都溫得好好地，但係溫到差唔多完嘅時候，阿女因為一條佢覺得一定啱嘅排序題目而堅持唔肯讀畀我聽，而我就覺得要教呀女考試技巧，堅持佢做完之後一定要自己讀出嚟讀一次，因為阿女一向做嘢都係對自己太有信心，但係有時就偏偏係咁而失分。其實只要佢讀一次就可以做完，但佢根本就喺度發緊脾氣所以係都唔讀。其實平時教仔女，間中都會有呢啲小問題小錯誤出現，但我又覺得堅持要教而令到大家都唔開心，其實每一次咁樣交阿仔阿女嘅時候，我自己都會唔開心，所以後來慢慢我自己都發展出一套教仔教女嘅做法希望減少呢啲唔開心，最重要係唔好破壞大家嘅關係。每一次阿仔阿女做錯事我除咗要教佢哋之外，亦都一定要佢哋明白自己做錯啲乜嘢。我每一次都會同阿仔阿女講我會接受佢哋做錯嘢，因為小朋友做錯事根本就唔係一個大問題，最重要係佢要明白自己做錯啲乜嘢同埋要去改。我覺得做家長接受子女會犯錯係好緊要嘅，更加重要係要令仔女明白自己錯處，錯唔緊要最大問題係連自己錯啲乜嘢都唔知，當你自己明白自己做錯啲乜嘢，先至會有機會去改善，所以我每一次教完阿仔阿囡之後都一定要佢講返畀我聽佢自己有冇問題同埋做錯啲乜嘢。另外當仔女知道我哋做父母係會接受佢哋犯錯亦都唔會因為佢哋犯錯而唔錫佢哋唔愛佢哋，佢哋就會更加放心去接受同埋承認自己嘅錯誤，亦願意承擔錯誤造成嘅後果。當仔女喺我哋身上學到寬恕，同時佢自己亦都學緊寬恕人哋嘅錯誤。另外每一次教完佢哋我都會親自拖佢哋去抹眼淚，最重要係我一定會攬返佢哋，因為我好想對仔女知道我哋唔會因為佢哋做錯事而唔愛佢唔錫佢，我覺得只有咁，佢哋先至會有勇氣去承認自己做錯嘅地方，因為細路仔做錯事除咗怕畀父母鬧之外，佢哋最怕嘅就係父母會唔錫佢哋唔愛佢哋，所以先至會演變出好多講大話嚟掩飾自己嘅錯誤。如果小朋友自細已明白父母係會接受佢哋嘅犯錯，唔會因為犯錯而唔錫佢哋唔愛佢哋，到佢哋將來長大佢哋先至會願意同父母分享佢哋生活中嘅挫折同埋感受。所以喺教阿仔阿女嘅過程入面。我經常都會提醒自己除咗要適當的堅持之外，亦要有溫柔嘅感情去化解大家緊張嘅關係。其實教仔教女都係想佢哋好，但係教好咗關係差咗值唔值呢？