吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 想講吓我父母的好!（純抒發post）

自由講場今日: 169|主題: 1346887

收藏本版

發帖

返回列表

跳至頁

查看: 4925 | 回覆: 49

12 3

積分: 27172

2024年龍年勳章 HiPP勳章(1)

1^#

發表於 17-6-10 09:11 |只看該作者 |倒序瀏覽 |打印

之前生日會的post, 我覺得有好多jm誤會我。

冇錯，我認小氣，又真係唔體諒，但我個心係錫父母，佢地喺我心目中排第二，第三（我知我衰，將阿仔排第一）。

呢度先多謝咁多位jm的回覆，令我學懂自己真係非常小氣的人

其實我覺得我喺呢個世上最開心的事，除左有仔仔，就係有咁好的父母，個天對我非常好。

佢地係講心唔講金的人，我結婚的禮金全數俾番我，因為佢知我地唔係有錢。。n年前和父母夾份買樓投資，之後升左賣左出去，佢地都係攞番自己的本金，唔攞多。

到我咁大過30幾歲人，依然會哦我點解唔食多d飯，又會“迫”我飲多湯。每次去阿媽屋企，阿爸一定會煮好d，買多d餸。阿媽又哦我點解着衫咁求其，要拉我買衫，話番工好睇d唔好失禮人。請佢地食飯要“求”佢地，因為佢地想幫我慳錢。我仔仔冇人湊時，阿爸阿媽都會坐車過黎幫我睇住，一句怨言都冇。

仲有好多其他野，佢地唯一唔好的就係窮。窮到我唔可以學琴，到中學才曉搭mtr比同學仔笑，出去食野唔識點叫，到大學實習才第一次坐飞機。成個大鄉里咁自尊心低落，呢樣野某程度上影響我日後的社交能力。不過唔緊要，冇物質生活，但我簡定係充滿家庭温暖。

可能細個物質短缺，而家大過都叫揾到少少錢，所以會幫仔仔搞吓生日會，可能彌補吓細個時物質短缺的憒憾，我好希望仔仔可以感受父母温暖的同時，唔好好似我咁乜都唔識比人笑。

太多jm覺得我係一個不孝的人，大家只睇到我對媽媽的無理“要求”，但你唔知每次要阿仔去婆婆屋企，佢唔去時我會發阿仔脾氣，唔睬佢直至佢喊到應成去婆婆屋企。

其實無需講家庭事俾人聽，雖然係網絡世界，但我唔想大家對sunnymama2 生厭惡感，因為我會日日浦bk的，都希望和大家建立良好的關係。

當然，今次之後，以後亦唔會上bk講咁多家事了。

0 0 0

私人傳訊

rosieee

男爵府

積分: 9331

開心吸收勳章 DHA勳章

2^#

發表於 17-6-10 09:30 |只看該作者

sunnymama2 發表於 17-6-10 09:11
之前生日會的post, 我覺得有好多jm誤會我。

冇錯，我認小氣，又真係唔體諒，但我個心係錫父母，佢地喺我心 ...

無事既

唔會有人討厭妳

私人傳訊

ilmummy

大宅

積分: 3643

3^#

發表於 17-6-10 09:34 |只看該作者

我都好覺得我個好好嘅父母，好到我結婚冇要求過c6擺酒，就係知道c6搵得唔多，又唔想大費周章，連少少禮金都俾返曬我地，話我地以後要洗好多錢！！又幫我湊仔，唔計較！我都試過講左d家事出黎俾人狂插，我諗以後都唔會講，費事俾人唔知個事實就亂咁噴！！
網上世界雖然大家見唔到大家，都希望可以中肯d，講嘢唔好太hurt 人，唔係個個都係咁衰！！！

私人傳訊

Swany288

公爵府

積分: 27533

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018母親節勳章 2018復活節勳章開心吸收勳章 15週年勳章親子王國15週年勳章

4^#

發表於 17-6-10 09:36 |只看該作者

其實窮與富並不重要，物質享受不是必須品，最重要係一家人開開心心，甘苦與共，
互相尊重。
小朋友需要的是父母關懷教導，不需要給予太多物質享受，讓孩子健康成長才是最要的。

私人傳訊

tester5

翡翠宮

積分: 81389

2018復活節勳章開心吸收勳章親子王國15週年勳章

5^#

發表於 17-6-10 09:47 |只看該作者

sunnymama2 發表於 17-6-10 09:11
之前生日會的post, 我覺得有好多jm誤會我。

冇錯，我認小氣，又真係唔體諒，但我個心係錫父母，佢地喺我心 ...

邊有人會記人名咁顛，轉頭就唔記得了～

冇事既～

不過大家以事論事，你有時間也可參考下各人不同做法，試看有沒有可借鏡的地方呢？

私人傳訊

good_pig

寶石宮

積分: 318142

開心吸收勳章 hashtag旅遊勳章大廚勳章畀面勳章 BK Milk勳章

6^#

發表於 17-6-10 09:53 |只看該作者

sunnymama2 發表於 17-6-10 09:11
之前生日會的post, 我覺得有好多jm誤會我。

冇錯，我認小氣，又真係唔體諒，但我個心係錫父母，佢地喺我心 ...

你要學唔好同同事講咁多私事就真，bk 反而唔識你真身，我覺得冇問題

私人傳訊

good_pig

寶石宮

積分: 318142

開心吸收勳章 hashtag旅遊勳章大廚勳章畀面勳章 BK Milk勳章

7^#

發表於 17-6-10 09:56 |只看該作者

sunnymama2 發表於 17-6-10 09:11
之前生日會的post, 我覺得有好多jm誤會我。

冇錯，我認小氣，又真係唔體諒，但我個心係錫父母，佢地喺我心 ...

乜都唔識同物質冇關嘅，有d嘢唔駛樣樣自己去做去試先會知

私人傳訊

chingmon

禁止訪問

積分: 8654

8^#

發表於 17-6-10 10:02 |只看該作者

回覆樓主

提示: 作者被禁止或刪除內容自動屏蔽

私人傳訊

HLDMaMa

水晶宮

積分: 65060

9^#

發表於 17-6-10 11:06 |只看該作者

回覆樓主:

由你自己口中所講既的媽媽，他們真的好到加零一，他們窮，但把最好的給你，他對你付出的愛完全冇要求收番，如果他們有少少為自己着想，他們大可收你一筆禮金，可想而知，他們覺得你幸福就是他们所想。直到現在，你環境好了，為小朋友開生曰會，而他們仍保持低調努力工作有什麽不對。你既然可説出父母這麽多優點，但為什麽你不從你父母着想。或者他們認為小朋友生日年年有，而你替小朋友搞生曰會，爺爺嫲嫲一齊，他們不装下身又好似令你冇面子，但搞一搞又好無謂，如男家買價值高既物品俾小朋友，對他們來説又係一個負擔。我覺得你父母係一對平實和愛錫子孫的老人家，而你反而太從自已方面想。希望你在bk 出這一個post，各jm 俾你的意見令你感受父母對你的愛锡是多麽無私，曰後你們感情更進一步。

私人傳訊

怪獸青BB

珍珠宮

積分: 34624

10^#

發表於 17-6-10 11:36 |只看該作者

回覆樓主:

一日甘多post，其實除非你好似蚊姐甘突出，唔係唔會有人記得你出過d乜野（當然遇到d鐘意起底嘅JM又唔同），有時d野都係想講俾人聽等自己個心舒服d,唔係為左討好邊個或者踩低邊個，唔好太上心就ok

純呻post我只會放個屁就走，唔會理人覆乜野，因為自己目的（呻）已經達到

私人傳訊

怪獸青BB

珍珠宮

積分: 34624

11^#

發表於 17-6-10 11:36 |只看該作者

回覆樓主：

本帖最後由怪獸青BB 於 17-6-10 11:37 編輯

double 左

私人傳訊

凍奶茶少奶

子爵府

積分: 10155

12^#

發表於 17-6-10 11:41 |只看該作者

你成日被人笑,應該同家境無關
我細時同你一樣窮,但冇人笑.

你份人太豆豉眼，D人最中意玩你呢種,因為你會嬲

點評

bebe12hk

發表於 17-6-26 23:36

goat

發表於 17-6-10 18:57

私人傳訊

mocha20150323

子爵府

積分: 11392

13^#

發表於 17-6-10 11:49 |只看該作者

凍奶茶少奶發表於 17-6-10 11:41
你成日被人笑,應該同家境無關
我細時同你一樣窮,但冇人笑.

係咯，我地細個窮反而會笑d 唔食飯為左買個牌子袋ge 同學！
我自己好多朋友都出身富裕家庭，我都有成日去佢地屋企玩嫁，無自卑無比人笑wor

如果有人笑我，我可能仲成舊飯甘，唔明佢笑咩唔明有咩好笑，我會覺得佢好白癡

私人傳訊

無話可說

象牙宮

積分: 222569

14^#

發表於 17-6-10 11:54 |只看該作者

回覆樓主:

有咁好既父母咪好囉！窮唔係問題，問題係點樣令自己生活好D啫！結左婚有自己家庭，放阿仔第一位好正常，不過我排老公先，因為佢真係好辛苦搵錢養我地！我父母唔算太窮，但都無咩比到我，爸爸在生果陣就好好，我媽就好自私，所以係已經算幸福，唔好諗太多野，凡事為自己屋企著想

私人傳訊

BREADWING

珍珠宮

積分: 35654

15^#

發表於 17-6-10 12:14 |只看該作者

回覆樓主:

我反而好羨慕你有個好爸爸媽媽，乜都為你著想，你唔係真係咁差，你話果時乜都唔識比人笑，但係呢個世界好多呢類人，我都係其中一個，不過冇你咁好彩，我爸媽都係窮，我細細個就要比左人湊，冇父母愛錫，到大個左一齊住返已經開始睇錢，我好細個就出黎做野，人工全部上繳，到我結婚禮金佢地都自己袋，話就話買野比我，一舊金都冇買過比我，有時我都諗究竟點解要生我出黎要我受苦，我已經冇好既童年

私人傳訊

cinda72.

禁止訪問

積分: 60891

16^#

發表於 17-6-10 12:18 |只看該作者

回覆樓主:

提示: 作者被禁止或刪除內容自動屏蔽

私人傳訊

jodyfan

公爵府

積分: 28578

畀面勳章 BK Milk勳章

17^#

發表於 17-6-10 16:30 |只看該作者

回覆樓主:

我見親的父母，都係唔好。我幾乎相信世界的父母都是衰人。

請珍惜妳所有的。小事情，請不要計較。

私人傳訊

chillimom

男爵府

積分: 9525

18^#

發表於 17-6-10 16:40 |只看該作者

sunnymama2 發表於 17-6-10 09:11
之前生日會的post, 我覺得有好多jm誤會我。

冇錯，我認小氣，又真係唔體諒，但我個心係錫父母，佢地喺我心 ...

得罪講句，你個人都好幼稚下

「但你唔知每次要阿仔去婆婆屋企，佢唔去時我會發阿仔脾氣，唔睬佢直至佢喊到應成去婆婆屋企。」

呢個係你講幾次有幾「愛」你媽嘅證據。

你又口口聲聲愛你仔。

你所謂愛嘅方式，實在不敢恭維。錯曬。根本就係任性，幼稚，亂發脾氣。用發脾氣威脅一個細路仔，最唔要得，係非常差嘅教育。