吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 岩岩瑪嘉烈生完Bb, 但全程都好唔開心（長文） ...

懷孕前後今日: 3|主題: 330434

收藏本版

發帖

返回列表

跳至頁

查看: 6120 | 回覆: 25

岩岩瑪嘉烈生完Bb, 但全程都好唔開心（長文） [複製鏈接]

Roseman

複式洋房

積分: 106

1^#

發表於 17-7-18 13:58 |只看該作者 |倒序瀏覽 |打印

本帖最後由 Roseman 於 17-7-18 14:20 編輯

純分享因為真係好唔開心
我係第一胎同都幾後生，唔知係咪咁啲姑娘睇我地唔順眼對我地好惡
早幾日朝早起身見紅就立即入院上產前房，其實都無人理過我，然後有朋友黎探我因為佢做護士所以佢幫我攞左件外套同張厚啲既被比我
果時都係6-8分鐘痛一次，因為唔太痛我都行動好自如暫時都無咩感覺，去到8點幾9點開始痛密左，但我記得姑娘叫我痛到5分鐘一次/痛多左先通知佢地，我見我仲未好穩定咁5分鐘一次就忍住痛先，啲姑娘好惡我費事比佢地鬧。到10點我開始忍唔到唯有行多啲好過訓係到典床，果時已經5分鐘一次但未計到係咪穩定，所以我同啲姑娘講想要個暖包，佢地望一望我：下？你未夠痛要喎！咁我就忍下，之後真係好辛苦就行出去同佢地講我已經5分鐘痛一次啦，佢地又話：咁你3-4分鐘痛一次先再黎同我講啦
我好無奈但都無辦法唯有再等，但痛左好耐痛到12點都係5分鐘，我痛到出哂汗好想喊，咁岩姑娘經過我好似就死咁款叫姑娘佢先望我一眼：點呀你？同你檢查下啦唉
跟住一除底底姑娘：嘩！
我都嘩左一聲，因為塊巾已經好多血，佢就塞手入黎同我檢查宮頸，摸完一輪就話：咦你進度好好喎！差唔多啦！過一陣再黎睇下你，得就落產房啦
原來我果時已經開左半度，可能聽到姑娘咁講我就心理作用痛得勁過之前，又開始忍唔住叫好痛，有另一個惡啲既姑娘埋黎問：點呀你？開左幾多呀？有幾痛呀？果時我痛緊答唔到，到我痛完時佢就再講：痛完啦嘛？而家我問你你逐樣答我！幾耐痛一次？邊到痛？
我答子宮佢話：我夠知子宮痛啦！上定下呀？有冇想屙屎？答完之後佢走開先問我要唔要暖包，即刻話要啦當然！
佢比左我後其實我覺得無咩用，之後又到返第一個姑娘黎問我要唔要止痛機，老死都話要啦！之後我就聽佢講一痛就禁掣，個惡死姑娘又黎問我幾耐痛一次，搞左好耐比佢地又鬧左好多次先終於1點9推左落產房，老公黎到又不停比佢地鬧，連著件袍唔知係姑娘幫佢著，佢想自己接手著都要鬧：先生你再係咁樣自己著啦！

0 0 0

私人傳訊

Roseman

複式洋房

積分: 106

2^#

發表於 17-7-18 13:59 |只看該作者

回覆樓主：

本帖最後由 Roseman 於 17-7-18 14:16 編輯

入到產房，我不停聞笑氣，因為推落去果時已經開左3度，等開到10度期間可能開得太快，一次痛過一次，我吸氣都吸到個人暈暈地，老公不停同我講野但可能細聲，姑娘又鬧佢：先生！陪產唔係齋企係到架！唔係要你黎做乜野呀？跟住我暈到發生咩事都唔知，只知自己好想屙，不自覺地開始用力，但其實我都有盡量控制唔好咁大力，到姑娘突然大叫生得啦！我都聽左幾聲先知生得先開始用力，生既過程可能吸得太多氣無咩力踩腳踏又比佢地鬧，我好似平時屙便便咁「嗯」聲佢地又狂鬧，我無意識下講：我無力啊⋯佢地又鬧，講好多好mean既說話，例如話：太太你咁樣唔得架喎！你先生陪唔到產事小，Bb出世後有咩事都係因為你呀！又話：喂你到底想唔想生架？想生就唔好講咩冇力生，控制唔到咁既野啦！你再講我唔理你架啦！老公一直都係我身邊教我用力，叫我唔好放棄等等，但我真係比唔到反應，淨係知一痛就用力屙但屙極都係比姑娘鬧。
結果我冇力生唔出，佢地就唯有用吸引術。由生前到生後都一直比佢地鬧，可能係激將法，但對我黎講冇用而且仲更加唔開心，老公話我聽生完出去睇bb時佢地都仲鬧緊我，個個都黑口黑面咁同我接生，姑娘同醫生都係，生之前我睇過好多媽媽分享話pmh既產前產房姑娘都好好，會陪你傾計會教你會鼓勵你，但我由待產到生完全程都好唔開心。老公都由第一日比姑娘鬧到出院⋯Bb出世後因為心跳唔平均要去A1觀察，我真係好唔開心，姑娘話係因為我未生得就用錯力屙搞到佢咁，係我害成佢咁，而家我出左院但Bb未出得，又未有消息要等電話，我真係好唔開心好擔心，佢明明本黎好健康又冇黃疸，都係因為我佢先要留院。住左兩日院，身邊既媽媽都可以照顧住自己Bb 但我就唔得去親A1都覺得好心痛都係因為我無用生唔出
其他媽媽都生到，點解我會生唔到⋯我內疚左好耐

私人傳訊

lala_lala72

別墅

積分: 545

3^#

發表於 17-7-18 14:33 |只看該作者

回覆樓主

唔好擔心呀,bb好小事架咋,好快番屋企架喇, 你而家趁有時間就抖多d,當bb出院既時候你就再補償番俾bb啦

我果時生都因為自己發燒而令呀b出世之後住左5日兒科,都內疚到晚晚喊,而家佢健健康康,都冇再諗喇。好好咁坐月呀

私人傳訊

章魚妹妹

男爵府

積分: 8319

4^#

發表於 17-7-18 14:34 |只看該作者

回覆樓主

傻媽媽，唔好咁唔開心，我諗係政府生既媽媽有八九成比人鬧過/黑面，我自己QE生都試過生時比醫生/姑娘鬧過，但又無好唔開心，痛到咩咁都費事理佢地啦，仲有，bb黃疸住院唔一定關你生既時候事，好多bb都試過，好普遍，其實有衰醫生姑娘都有好好架，呢個世界有好人有壞人咩人都有，做媽媽要堅強d,你仲要保護小朋友架嘛！

私人傳訊

Roseman

複式洋房

積分: 106

5^#

發表於 17-7-18 14:36 |只看該作者

章魚妹妹發表於 17-7-18 14:34
傻媽媽，唔好咁唔開心，我諗係政府生既媽媽有八九成比人鬧過/黑面，我自己QE生都試過生時比醫生/姑娘鬧過， ...

其實佢無黃疸啊..佢係心跳唔好要芒住.. 姑娘就話因為我生果時用錯力先會咁

私人傳訊

Roseman

複式洋房

積分: 106

6^#

發表於 17-7-18 14:36 |只看該作者

lala_lala72 發表於 17-7-18 14:33
唔好擔心呀,bb好小事架咋,好快番屋企架喇, 你而家趁有時間就抖多d,當bb出院既時候你就再補償番俾bb啦:yummy ...

今日都第4日啦

私人傳訊

章魚妹妹

男爵府

積分: 8319

7^#

發表於 17-7-18 14:39 |只看該作者

Roseman 發表於 17-7-18 14:36
其實佢無黃疸啊..佢係心跳唔好要芒住.. 姑娘就話因為我生果時用錯力先會咁
...

我女果時黃疸加早產要住nicu,搞掂又話食奶有無題搞足兩星期先出院。人人情況都唔同，唔洗自責架。醫院有姑娘醫生睇實唔好咁擔心，好好坐月，養好身體再照顧bb!

私人傳訊

大戶

公爵府

積分: 27592

開心吸收勳章

8^#

發表於 17-7-18 15:11 |只看該作者

Roseman 發表於 17-7-18 13:58
純分享因為真係好唔開心
我係第一胎同都幾後生，唔知係咪咁啲姑娘睇我地唔順眼對我地好惡
早幾日朝早起身見 ...

恭喜你同 bb

咁似我既，你既經歷令我諗返舊年係 qe.
唔好咁諗，坐好月，bb 心跳唔關你事，佢哋做到忟先咁講啫，個個媽咪都有第一次痾 bb, 我就唔信無媽咪無用錯力，除左開刀

bb 心跳唔穩定有好多原因，頭3個月係要睇實啲，無事既，你而家反而要好好休息下，一 call 你接 bb, 你仲要體力有排忙

私人傳訊

Roseman

複式洋房

積分: 106

9^#

發表於 17-7-18 15:26 |只看該作者

章魚妹妹發表於 17-7-18 14:39
我女果時黃疸加早產要住nicu,搞掂又話食奶有無題搞足兩星期先出院。人人情況都唔同，唔洗自責架。醫院有姑 ...

原來真係要咁耐架我老公岩岩去睇左佢影左相比我而家心情踏實返啲

私人傳訊

Roseman

複式洋房

積分: 106

10^#

發表於 17-7-18 15:27 |只看該作者

大戶發表於 17-7-18 15:11
恭喜你同 bb
咁似我既，你既經歷令我諗返舊年係 qe.
唔好咁諗，坐好月，bb 心跳唔關你事，佢哋 ...

可能我真係太在意姑娘講既野啦好多謝你地呀我會好好休息等佢出院

私人傳訊

章魚妹妹

男爵府

積分: 8319

11^#

發表於 17-7-18 15:29 |只看該作者

Roseman 發表於 17-7-18 15:26
原來真係要咁耐架我老公岩岩去睇左佢影左相比我而家心情踏實返啲
...

唔洗擔心，有人幫你睇住仲好啦，點講佢地都專業，佢地仲緊張過你，bb有咩事佢地好大鑊架，比d信心醫護人員，始終工作量大有時難免會癲癲地（我地打工時都會啦！）但對bb佢地唔會亂咁嚟架！

私人傳訊

Roseman

複式洋房

積分: 106

12^#

發表於 17-7-18 15:32 |只看該作者

章魚妹妹發表於 17-7-18 15:29
唔洗擔心，有人幫你睇住仲好啦，點講佢地都專業，佢地仲緊張過你，bb有咩事佢地好大鑊架，比d信心醫護人員 ...

都係既...不過望住張床仔真係好掛住佢
希望可以快啲一齊返屋企啦

私人傳訊

大戶

公爵府

積分: 27592

開心吸收勳章

13^#

發表於 17-7-18 17:07 |只看該作者

Roseman 發表於 17-7-18 15:27
可能我真係太在意姑娘講既野啦好多謝你地呀我會好好休息等佢出院
...

我都好在意，你仲好啦！有老公陪你，我嗰陣自己一個咋。
諗住快啲見 bb,講真，我都去過加護病房，睇到天光，嗰度姑娘服侍 bb 好好，餵足餵飽，又度體溫，又睇幾點有屎尿有幾多，又計住食幾多 ml, 食得都會俾佢食，放心啦！媽媽，bb 出嚟一定肥肥白白

私人傳訊

clkam

大宅

積分: 1211

14^#

發表於 17-7-18 18:01 |只看該作者

Roseman 發表於 17-7-18 13:59
入到產房，我不停聞笑氣，因為推落去果時已經開左3度，等開到10度期間可能開得太快，一次痛過一次，我吸氣 ...

唔洗諗住姑娘的說話喎，政府生好多時都遇到咁，睇開d, bb可以順利出來就好啦。
我之前孕中期穿左水，要在政府引產，都係俾產房姑娘狂鬧唔識生，最慘係佢明知我bb保唔住都不留情咁鬧，醫生又係等好耐先來檢查，手勢又唔好，真係超辛苦，仲要無左個bb, 所以只要bb係度，人地講咩更加唔洗理，俾心機湊b同坐月吧。

私人傳訊

Roseman

複式洋房

積分: 106

15^#

發表於 17-7-18 18:04 |只看該作者

大戶發表於 17-7-18 17:07
我都好在意，你仲好啦！有老公陪你，我嗰陣自己一個咋。
諗住快啲見 bb,講真，我都去過加護病房，睇到天光 ...

多謝你呀⋯講完出黎我個心都舒服啲⋯我都覺得啲姑娘已經無哂人性，淨係為做而做，反而Bb房啲姑娘會令我個心會舒服啲

私人傳訊

Roseman

複式洋房

積分: 106

16^#

發表於 17-7-18 18:06 |只看該作者

clkam 發表於 17-7-18 18:01
唔洗諗住姑娘的說話喎，政府生好多時都遇到咁，睇開d, bb可以順利出來就好啦。
我之前孕中期穿左水，要在 ...

勾起你既傷心事好唔好意思⋯我都知架啦，我會睇開啲！多謝你地，反正都唔洗再對住啲衰姑娘，BB健康返黎就得！！

私人傳訊

BREADWING

珍珠宮

積分: 35654

17^#

發表於 17-7-18 21:12 |只看該作者

回覆樓主:

其實佢地都緊張你同bb先咁講野，仲有邊有媽媽第一次就識生，我第一次都係唔識用力，屙b變屙屎啦

私人傳訊

艾森

子爵府

積分: 11164

18^#

發表於 17-7-18 21:42 |只看該作者

其實呢...好多人生bb都比姑娘、醫生、嬸嬸鬧過.......
係產房醫生check宮頸，一黎就望住我下體笑，果刻覺得醫生好唔專業亦唔尊重我。

生完發燒姑娘比退燒藥我食，禮貌地問餵人奶可唔可以食，姑娘都好惡死咁答。

生完唔落得床，嬸嬸拎個盆比我小便，我都未去完就格硬話我去完，未去完就拎走個盆。到我夠鐘落得床想去小便又唔比，因為無人得閒，十幾個鐘無得去廁所.....

嬸嬸問bb有無大便？我答佢晏就有，比佢一輪咀剷到上天，鬧到我喊....不過任何情況姑娘、嬸嬸同我講咩都同佢地講返聲「唔該」，佢地工作量大我體諒，住兩日就出院何必記住自己比人鬧....呢d野我連老公都無講過，樓主講起我先回想咋...

樓主～做媽媽要堅強d