基督家庭

收藏本版
發帖
返回列表
跳至頁

首頁
1

尾頁
   0
yan1014


大宅

積分: 1825


1#
發表於 09-2-3 03:00 |只看該作者
我知道呢一區有好多都係信主既人~我黎呢度.我諗會有好多人反對我咁講野~我唔係想同你地鬥氣.我只係想好清楚咁去問個明白~如有講錯地方..係呢度首先同大家講聲對唔住先~因為呢個問題真係煩左我好耐好耐好耐!!!!可能會比較長d...希望大家可以靜心睇晒.幫我解決~
我係06年7月.因為有左bb而決定結婚, 而我先生全家都係信基督教, 我老公由細到大亦都係.我同我先生一齊左4年.但之間我地亦都試過有bb.因為年齡太細.所以無要到.但到呢個...我真係好想要.而我一早之前亦都同佢講.如果我再有bb 我係會生嫁! 由我地估計是否有bb時間.我地都認同左對方既想法.係決定要bb既.當我老公同佢媽咪講呢件事(當時我在場, 在隔離房, 佢地既對話我到而家都係唔知, 我雖然係想知, 但我知道當我知道既時候.我會更加憎佢), 點知一返到黎, 就叫我唔好要個bb.仲不停咁喊, 同我講對唔住, 而我竟然喊唔出, 反而要安慰佢(其實當時我個心係好死, 唔知可以有咩反應, 太突然啦)到第2日, 我搵朋友食lunch, 我老公就好緊要叫朋友睇實我, 而朋友知道呢件事, 都支持我生bb出黎, ok!一切搞掂晒, 到夜晚我老公由朋友陪同下,返屋企同佢屋企人傾呢件事, 點知我親耳聽到既係" 白痴 低能, 唔生, 落左去囉 , 你咁細個, 你無錢結咩婚等等..." 到最後我地都可以結婚生bb.當時我係好細個, 到而家都係...由呢個時間開始直到而家, 我同我老公基本上係2日就嗌交, 我就走埋一邊喊, 完全無人安慰我,到傾禮金, 竟然佢女麻可以講一d好難既說話" 早知你個女咁貴, 我叫我個孫唔好揀你個女啦, 我個孫大把人要嫁, 傾唔埋既咪叫你個女落左去囉!)我真係好想知道呢d說話, 真係由一個基督教教徒講出黎既咩????終於搞掂晒啦, 以為以後既日子會好好啦~原來唔係....係大肚呢段時間...我每日都要忍聲忍氣, 唔係同我老公嗌交, 就係一個人係度喊, 我可以同我99當無事咁..有傾有講, 直到我個女出世, 一切又改變啦~ 坐月期間, 我覺得自己好似坐監咁, 無安樂日子, 由於我叔仔有精神病, 之前曾經試過打人, 傷人, 每日都有大部份時間, 只有我, 叔仔仲有我個女係屋入面, 我真係好驚佢會害我地~我99可以係我背後同我老公說我不是, 相反同我地嗌交, 又要係我地面前做好人, 叫我地唔好嘈, 算數!又成日話要教會, 我坐緊月, 唔比我落街但要我返教會, 可笑嘛? 而我大肚既時候, 我同我老公係商量好, bb信唔信神, 係由佢自己個人去決定, 我地無人可以阻止, 但點知有一日, 阿女已經出左世架啦~我99講左一句~"我地信咩, 你同bb都要信架啦~將來bb都要洗禮" 初時我無咩反應, 因為我知道同老公已經決定左, 點知...我老公竟然同99答案一樣 , 我真係好嬲.點解基督教既人可以咁樣, 反口, 是非, 無道理!當然又係鬧交~我點樣湊bb..我99都要理.仲要我跟佢個套, 最慘係我老公一定要我跟, 但我真係好想講...我自細跟著媽咪湊小朋友, 我有一個12歲既堂妹, 佢未滿月我已經幫我媽咪湊, 我媽咪打牌, 我一個人獨力湊佢都可以應付~竟然我老公話我唔識湊bb...我自己教我可能真係唔識, 但湊一個bb.我真係可以應付wo!我唔明..點解呢個時候..我最需要我老公支持我, 佢偏偏唔係幫我!到我要返工, 又嘈一大餐, 我老公要我將個女交比99湊..但99已經照顧緊我叔仔, 佢有精神病嫁~當我返左工, 佢害我個女又點算呀....有事上黎, 我搵邊個先!最後我都係為左個囡安全, 自己拎錢比人湊!但每晚返到屋企, 我只會閂埋房門係房, 當然係有咁夜就有咁夜返去啦~根本同佢地無野好傾, 而99就成日叫我返教會 , 佢知唔知佢返個個教會, 一個後生人都無, 個個都做得老豆老母, 要我跟佢返去~我講左好多次唔返, 佢仲比面色我睇~令到我愈黎愈討厭基督教呀, 應該係反感!到前年我終於搬走左~但我同我老公既嗌交次數都係為佢而嘈..成日都要我返去同佢地食飯.每次返去..佢地都唔係為左見我, 係想見個孫女咋嘛..但我又想知道.佢地配做人地姑媽, 麻麻咩, 當初話生時..話落左去, 到而家生左就要見??? 當初以為係男孫就對我千依百順, 一知係女孫就咩湯水都無得飲!有時我仲可以聽到返黎, 我99同人地講, 我無見過個孫, 佢唔帶個孫返黎比我見, 佢唔比我湊, 等等...等等...但嗌交時.我講出黎, 我老公就話...講大話,好似佢地屋企人有事要商量, 我係度, 就細細聲.行埋一邊講, 係佢地當我外人唔係我當自己係外人呀!!!!如果要講晒佢地既惡行出黎, 我真係有排講
人人以為係我最衰, 實則係佢地太識做戲啦~我而家見到佢地每做一件事, 我都好憎, 我真係好唔想見到佢地一家呀!!!好似我坐月時, 佢煮既送唔岩我食, 我老公迫我食, 鬧到我喊, 99仲不停咁叫我食, 我已經講左好多次唔食~係要我食, 平時晏就既飯~一係就叉燒飯, 一係就面包, 仲要等到11點幾12點幾先有得食, 到中期, 由我媽咪每隔2-3日就整好晒d送比我, 等我自己煮黎食~我唔明點解我媽咪可以2-3日既送都唔同, 而我99係唔洗做, 只係家庭主婦就唔得, 我媽咪要返工嫁!但我99..每日唔係面包, 就係叉燒飯, 仲要同我老公話我唔食野, 又呢樣個樣, 每次都係我背後講~點解有咩唔可以當面講個究竟

以上所講, 真係真實情況, 如你覺得係我作出黎, 可以大方話我~一切意見我會接受

我想問下大家..到底成件事入面, 到底誰對誰錯!
我有d問題想問下大家
1. 我嬲我99有錯?
2. 每次為左我99鬧交, 值得咩?
3. 一個係信神既人, 迫一個岩岩做人老婆, 做人媽咪既媳婦洗禮又對嘛?
4. 我99對我好咩?
5. 我咁做又有錯咩?
6. 當自己聽到咁多咁大個女從未聽過咁難聽既說話, 可以原諒咩?
7. 99值得我原諒咩?
8. 我將女女既決定.交由佢自己決定有錯咩?
9. 基督教既人.都會男重女輕?
10. 如果我有bb. 值得高興嘛?
一切是我想得太偏, 還是...我既情緒真係有問題ar!
我唔想因為呢個問題, 令到呢7年既感情玩完!今時今刻問我仲有冇依戀呢段婚姻, 我係有, 但如果一路落去都係咁, 我知道呢段婚姻唔會長久!!!!!
希望有朋友可以幫我解開我呢個心結丫~
我真係唔知可以去邊度, 搵人幫我解開呢個鎖左3年既心結ar!
私人傳訊

anntx3


大宅

積分: 2019


2#
發表於 09-2-3 11:03 |只看該作者
如果你經濟ok，梗係獨立啦，以你所說，他們沒有以聖經行事。

仲有，係邊間教會？叫人落仔，一定要唱衰佢！
私人傳訊

Miranda_Ho


子爵府

積分: 13257


3#
發表於 09-2-3 13:18 |只看該作者
原帖由 yan1014 於 09-2-3 03:00 發表
我知道呢一區有好多都係信主既人~我黎呢度.我諗會有好多人反對我咁講野~我唔係想同你地鬥氣.我只係想好清楚咁去問個明白~如有講錯地方..係呢度首先同大家講聲對唔住先~因為呢個問題真係煩左我好耐好耐好耐!!!!可能會 ...

看完你嘅文章，不是覺得基督教有問題，而是懷疑你奶奶及你先生一家是否真的信主，及遵行神嘅旨意，能按照聖經嘅教導而行。十誡中不可殺人，他們卻叫你落bb，而是大錯。另外，基督教從不强迫別人返教會及受洗的；看來他們只是虛有其表及未重生得救嘅教徒。希望你可正面去看基督教，不會受他們影響，他們是讓別人信主的絆腳石。可否pm我，讓我知道他們是屬哪間教會的？可能那間教會所傳的都有問題呢！Thx!
私人傳訊

JBlam


大宅

積分: 4803


4#
發表於 09-2-3 14:43 |只看該作者
原帖由 Miranda_Ho 於 09-2-3 13:18 發表

看完你嘅文章，不是覺得基督教有問題，而是懷疑你奶奶及你先生一家是否真的信主，及遵行神嘅旨意，能按照聖經嘅教導而行。十誡中不可殺人，他們卻叫你落bb，而是大錯。另外，基督教從不强迫別人返教會及受洗的；看來他們只是虛有其 ...


完全同意!!

私人傳訊

ice123


禁止訪問

積分: 205


5#
發表於 09-2-3 14:47 |只看該作者
提示: 作者被禁止或刪除 內容自動屏蔽
私人傳訊

JBlam


大宅

積分: 4803


6#
發表於 09-2-3 14:56 |只看該作者
按你所講..你99你老公都係錯.如你老公真信耶穌的話,不會與你發生婚前性行為,就算年少錯了,更不會要你第一次不要bb.
你99如果係真信耶穌..就一定不會容許你地不要bb

(你同你老公幾多歲?)

見到你講你99家庭既問題..我更肯定佢地無真正經歷過主...
馬太福音七章17-23節：「這樣、凡好樹都結好果子、惟獨壞樹結壞果子。好樹不能結壞果子、壞樹不能結好果子。凡不結好果子的樹、就砍下來、丟在火裏。所以憑疬他們的果子、就可以認出他們來。凡稱呼我主阿！主阿的人、不能都進天國．惟獨遵行我天父旨意的人、纔能進去。當那日必有許多人對我說、主阿、主阿、我們不是奉你的名傳道、奉你的名趕鬼、奉你的名行許多異能麼。我就明明的告訴他們說、我從來不認識你們、你們這些作惡的人、離開我去罷。」

我地要分真信耶穌既基督徒係睇果子(即行為,生命)
唔係睇返教會幾多年!!!
我願意為你禱告,希望你真正經歷神..願主給你預備更多天使圍繞你和BB女!!

我係基督徒..返左好多年教會...如果我有個囡囡我會好好開心!!
私人傳訊

samman


別墅

積分: 792


7#
發表於 09-2-3 17:06 |只看該作者
yan1014 ,
我諗你真係谷咗好耐...我都明白日日要同自己諗法唔同既人相處真係好辛苦...
首先你唔好理佢哋身為基督徒點解咁點解咁先...(講真, 佢哋信成點真係無知架)...而且呢個亦唔係你依家要處理ge問題...你要處理ge係家庭問題ma...何況之前幾位姊妹都講得好清楚, 佢哋ge做法完全唔合乎神既意思...

我覺得以前ge野你唔好再諗la, 成日記住, 自己都唔開心la, 何況你仍然好珍惜你同你老公既婚姻, 我諗你真係要好好咁處理下你同你老公屋企人既關係...不過要改變依家既情況, 都唔係一朝一夕既事, 始終人心肉做, 你對佢哋好, 佢哋會明白既, 你哋關係好d, 對你, 對你囡囡同你既婚姻都好....

你哋係咪已經搬咗出嚟住la? 如果係既就好d la...仲有呀, 如果可以既話就盡量唔好同老公嘈交, 始終傷感情...講真, 你老公係夾心人, 好難做架...既然成日都係為佢屋企既事嘈, 咁就暫時盡量少d提佢屋企人啦 (尤其唔好拉埋以前既事嚟講), 溝通多d其他既事, 增進下大家既感情, 放多心機喺對家庭婚姻有建設性既話題上...都好吖....

祝福你!!
私人傳訊

yan1014


大宅

積分: 1825


8#
發表於 09-2-3 23:36 |只看該作者
原帖由 anntx3 於 09-2-3 04:03 發表
如果你經濟ok，梗係獨立啦，以你所說，他們沒有以聖經行事。

仲有，係邊間教會？叫人落仔，一定要唱衰佢！


我地係一年前已經搬走左..我係用一個強迫手法迫我老公一定要搬出黎住~最後佢都做到, 但堅決要我每星期返佢屋企食飯,當然我無做到~所以經常都嘈
佢地係返筲箕灣便以利會
私人傳訊

yan1014


大宅

積分: 1825


9#
發表於 09-2-3 23:39 |只看該作者
原帖由 ice123 於 09-2-3 07:47 發表


我諗佢地只係掛名教徒, 見過好多教徒以為只要每個禮拜返聖堂求主原諒, 離開後又可以出去不斷犯罪, 教徒既身份只不過係自己犯罪時既擋箭牌.
所以照我睇你d家人絕對係令你誤解基督信仰既絆腳石:
首先, 基督信仰好清 ...


以我所知..佢地全家所有人都已經洗左禮, 由其我大姑奶可以話係傳道人添~佢十份相信神.以及佢以前係教會做野.經常都接觸呢種事.只係我老公一個由於要返工, 放唔到假期, 以及已經好小返去, 我諗一次都有一次既~所以無洗禮!!
基督教從來我都唔介意去信..我記得中學時期, 我讀既學校都係.我亦都有試過...只係到而家令到佢地令我好憎~
私人傳訊

yan1014


大宅

積分: 1825


10#
發表於 09-2-3 23:41 |只看該作者
原帖由 JBlam 於 09-2-3 07:56 發表
按你所講..你99你老公都係錯.如你老公真信耶穌的話,不會與你發生婚前性行為,就算年少錯了,更不會要你第一次不要bb.
你99如果係真信耶穌..就一定不會容許你地不要bb

(你同你老公幾多歲?)

見到你講你99家庭既問題. ...


我老公錯.我可以比機會佢, 但佢每次都要為99同我嘈, 每次更加講到99係無錯, 錯既人而係我~~~~
我今年24歲, 我老公26歲!
我而家既開心只有個女一個能比到我!其他人只令我唔開心!
私人傳訊

yan1014


大宅

積分: 1825


11#
發表於 09-2-3 23:44 |只看該作者
原帖由 samman 於 09-2-3 10:06 發表
yan1014 ,
我諗你真係谷咗好耐...我都明白日日要同自己諗法唔同既人相處真係好辛苦...
首先你唔好理佢哋身為基督徒點解咁點解咁先...(講真, 佢哋信成點真係無知架)...而且呢個亦唔係你依家要處理ge問題...你要處理ge ...





我由決定要結婚開始.我已經好小同佢嘈.好多野我去揀唔出聲,死忍, 但一次又一次...佢愈黎愈過份..到近呢一年..更加過份~講既野根本....唔係人講既野...!每次鬧交...都話唔岩, 又話佢媽無錯, 錯既我咁對佢媽, 相反..佢更加無理我屋企人感受啦~
珍惜又如何....一段婚姻唔可以靠我一個人去維繫...而係兩個人!但無論如何都好.多謝大家解答我.我舒服左好多!
我只係想搵個地方可以比我發洩一下!!!!!
私人傳訊

samman


別墅

積分: 792


12#
發表於 09-2-4 11:01 |只看該作者
yan1014,
如果好似你咁講, 成日咁嘈真係唔係辦法架喎...對大家對個囡都唔好...不如你考慮下搵婚姻輔導la, 而你老公同佢屋企人都係基督徒, 咁最好就係搵基督教機構既婚姻輔導比較好...

我真心祝福你喺新既一年, 大家都有新既開始, 一家人開開心心!!
私人傳訊

anntx3


大宅

積分: 2019


13#
發表於 09-2-4 12:30 |只看該作者
原帖由 yan1014 於 09-2-3 23:36 發表


我地係一年前已經搬走左..我係用一個強迫手法迫我老公一定要搬出黎住~最後佢都做到, 但堅決要我每星期返佢屋企食飯,當然我無做到~所以經常都嘈
佢地係返筲箕灣便以利會 ...


筲箕灣便以利會？好似是漁民教會。

你老公姊姊是傳道人，都叫你落仔？？？真係令公衆譁然！！！

不過，不論是否教徒，你都吾好因為99而同c6嘈，因為是嚴重不智，就好似你c6隊你阿媽，都吾得啦，係咪？

如果要報仇，你就扮乖跟佢返教會，到走果陣就喊住捉住牧師"讖悔"，話自己落過仔攪到而家成日撞鬼，問下牧師點算。
私人傳訊

cowbdad


民房

積分: 28


14#
發表於 09-2-4 20:54 |只看該作者
yan1014,

雖然你先生屋企係基督徒, 不過我覺得成件事係家庭問題多d, 只係佢地係基督徒都做到咁, 真係好過份.
提議你好好同先生商量, 平心靜氣話佢知你好唔開心, 一齊搵婚姻輔導幫下手, 等你同你先生可以溝通好d.
我同我太太都有吵, 不過大家唔係為發脾氣而係想相處好d, 所以死忍都唔係解決方法. 希望你同你先生關係可以好轉. 你都可以同你媽媽/家人分享. 一個人承擔所有唔開心都唔好ga ^^
我知道筲箕灣浸信會馬健明牧師好好人, 你想問關於基督教o既野可以搵佢.
祝福你, 希望你好快可以再次開開心心生活. 加油!
私人傳訊

寶寶龍


男爵府

積分: 5884


15#
發表於 09-2-10 00:23 |只看該作者
所以話呢, 我地做基督徒既, 言行舉止都係好緊要架, 一做得唔好, 就會令人對我地有壞印象, 真係要時刻儆醒先得喇.

講真, 佢地要你去落個BB真係好奇怪, 佢地口講信神, 但心裡到底有幾信呢, 神自然會知.

但既然你己經結左婚同生左BB, 我覺得以前既野真係唔好諗太多啦, 就算邊個啱邊個唔著, 諗黎只係令自己唔開心又無幫助, 倒不如積極D諗下點樣去維繫個家庭仲好啦.

講真呀, 無論大家係咪基督徒都好啦,婆媳既問題係實會有既, 因為始終兩個人既性格同生活習慣都唔一樣, 拗撬實有架喇,你睇下婆媳關係個版就知啦. 但係如果你同99既關係會直接影響你同老公既感情, 咁你可唔可以忍佢少少, 等你老公都開心D呢. 當然啦, 你同佢關係咁差, 無可能話叫你做D咩, 但好似你老公一星期叫你返去食一次飯, 我覺得又可以返下吖, 最多咪當比老細捉你去應酬囉, 佢發癲當佢唱歌囉.......因為再咁落去, 對你同老公既關係都無好處, 仲盞比你99佢地有話柄.
(我係同99住架, 我覺得相處之道得一個字, 就係忍,hehe....我都試過一排EQ低, 成日起老公面前數99不是, 但諗諗下, 唔好話老公嫌我煩吖, 我都覺得自己好煩)

同埋你而家做左人媽媽, 如果成日同老公嗌交, 都會影響個小朋友架嘛, 咁最後會唔會比人有機會話你真係唔識合做媽媽呢?

希望你唔好再諗唔開心既事喇, 正面D積極D, 比多D正能量你既屋企人, 讓歡樂可以從臨你屋企, 加油呀!!

[ 本帖最後由 寶寶龍 於 09-2-10 00:27 編輯 ]
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy