少年成長

跳至

首頁
1

尾頁
   0


別墅

積分: 523


1#
發表於 09-4-6 12:58 |只看該作者
我囝囝依家接近3歲, 由細到大都好硬頸, 包拗頸, 易衝動, 易忟憎, 根據佢性格如果用鬧用打, 佢仲會發脾氣, 所以佢曳曳時我都會用軟功(唔理佢, 等佢無咁忟時用平常語氣同佢傾, 好多時佢好快就收聲, 仲SAY SORRY)基本上平日佢都算OK乖, 算聽話, 好少扭計

不過我擔心的係佢扭計發緊脾氣時嘅情況, 同平日係兩個人咁, 好似佢曳緊時要我抱, 我一定唔會理佢, 叫佢曳完先再傾, 佢會聲嘶力竭咁喊(呀~~呀~~咁喊), 好似癲左咁, 又搥地...好似精神分裂咁~~我知道如果要佢收聲, 只要我去抱佢就得, 但我唔想俾佢覺得用呢個方法就可以得手.....

係佢有病, 定係我咁做係唔正確呢? 我好驚佢有D咩症, 不過佢平時真係好正常, 出街好多時都俾人讚乖, 就算佢扭計都唔係經常癲晒咁扭, 只係久唔久又係咁...我應該點做呢?


大宅

積分: 4444


2#
發表於 09-4-7 14:52 |只看該作者
你做得好好, 唔可以俾佢扭計扭贏你. 我個b都係, 一扭計就發神經, 不個我唔俾佢扭贏(基本上十次有八次半都可以做到), 到佢而家大d就開始好轉. 不用太擔心.

原帖由 家希媽媽 於 09-4-6 12:58 發表
我囝囝依家接近3歲, 由細到大都好硬頸, 包拗頸, 易衝動, 易忟憎, 根據佢性格如果用鬧用打, 佢仲會發脾氣, 所以佢曳曳時我都會用軟功(唔理佢, 等佢無咁忟時用平常語氣同佢傾, 好多時佢好快就收聲, 仲SAY SORRY)基本上 ...


別墅

積分: 523


3#
發表於 09-4-8 12:09 |只看該作者
多謝你呀~

有時我都唔知自己做得啱唔啱~好似有時佢唔夠訓(佢有鼻敏感, 晚晚半夜佢就會塞醒左), 但又要起身返學, 佢就會扭計(多數癲晒咁扭計都係朝早), 唔肯出房唔肯換衫, 我地兩個都要返工, 根本唔可以俾時間佢咁, 唯有唔理佢幫佢換衫, 佢就係會癲左咁喊要我抱, 直到出門口, 有時d街坊就話"細路唔夠訓就會咁喇, 抱下佢就無事喇", 攪到我都唔知點好(因為一早我都唔想佢嘈住人, 但我又唔想縱佢, 都幾矛盾)

好彩佢都唔係經常性發癲, 如果唔係遲早俾人投訴

首頁
1

尾頁

跳至