行到現在，好想開PO 紀錄下自己既經歷同埋希望有相同經歷睇左都會充滿正能量！！！
先講下自己既背景，岩岩大學畢業左幾年，工作都算順利但都幾大壓力，上年年頭係毫無預兆既情況之下發現自己生乳癌
話說自己係年頭既時候摸到乳房有粒瘤，咁即刻去公立醫院到排下期，佢話要等成個月先可以見醫生，在要等照超聲波，要等抽組織等等（我係到諗如果真係有咩事，咁我咪會死）我就去搵私家睇下啦，點知去照超聲波既時候醫生就同我講情況唔樂觀，要即刻搵醫生做手術先得，當時醫生咁同我講，我腦海真係一片空白，喊左好耐，我仲有好多野都未做，唔想咁快死住，咁我即刻上網做research搵到個專科都幾權威既醫生，個醫生真係幾好，會好詳細咁答問題，雖然都幾有霸氣（想知可以pm我）成個過程同公立好唔同，先講手術方面啦：
1. 公立係唔可以保留乳房，仲要切晒d淋巴結，醫生話切晒既話，手會水腫3-4倍，但私家會切完粒瘤即刻去化解睇下切清未，淋巴都一樣會去化驗，我只係切左六粒，結果原來無擴散淋巴
2. 服務方面真係無得比，就連痴膠布都好細心d護士，我都明白公立醫院既工作量太大，唔係佢地唔想提供好既服務
3. 時間都快好多，我諗等公立都要成半年，但我排私家係等左兩個星期only（之後做電療，聽過有人話自己屋企人係等唔切公立，過左身）
4. 傷口都復原得好快，我住左4晚就出得院，呢個醫生都幾出名，佢手勢都幾好，可能又或者自己後生復原得快
不過以我觀察，原來都真係有好多人有乳癌，我去檢查等醫生一個鐘，都有兩三個人排期想做手術，但好得返既機會係高，接受治療就得，當然個治療費用都幾大，我手術（私立），化療電療（係公立做），在加標杷藥（公立，自費，一針兩萬，要打17針）total費用都要幾十萬，順帶一提好彩之前買左份危疾，賠既錢夠醫同埋生活，個agent都幾盡責同幾細心（不過呢個都唔係重點，如果想要contact都可以pm我，利申：絕無收錢）
我開post係想同大家講下，要定期做下檢查，保持心境開朗（真係今日唔知聽日事），如果你都不幸有屋企人有咁既情況，我都想同大家講無論點都要有希望，一年前我都以為自己死硬，好彩當時我補習學生既家長（佢係年輕時都有過乳癌）好好，佢一直鼓勵我令到我有勇氣面對挑戰！所以我都想用呢個機會同大家Share 下，希望幫到大家！如果大家支持既話我下個post 會在講下化療，電療等等既過程
發表於 
返回列表
