自由講場今日: 2096|主題: 1352851

收藏本版

發帖

返回列表

跳至頁

查看: 638 | 回覆: 1

鲶魚的故事(轉自fb) [複製鏈接]

森永牛乳

子爵府

積分: 14380

1^#

發表於 17-12-22 08:11 |只看該作者 |倒序瀏覽 |打印

【鯰魚的故事】之【蛋白粟米汁香脆紅魚柳碟頭飯】(我煮的同鯰魚無關)
【鯰魚】一種極之粗生的淡水魚種 , 基本上所有淡水湖 , 河流 , 水塘 , 溪澗甚至臭坑渠都會發現其蹤影 , 網上流傳鯰魚是污糟邋遢的坑渠魚 , 無數病菌毒素藏在魚肉中 , 其實並不完全正確 , 鯰魚其實有好多品種 , 養殖的食用品種是非常衛生而且價格低廉 , 順德廚師烹調鯰魚的功夫亦非常了得 , 例如:煎焗西江鉗魚 , 西江鉗亦係鯰魚的其中一個品種 , 算係矜貴罕有的野生河鮮 , 肉質細嫩肥美 , 但如果要學網上的傻人專登去介紹試食坑渠鯰魚之後就一棒打沉所有鯰魚就有點說不通 , 因為明知臭坑渠都釣鯰魚來食 , 真係傻人所為 .....
【鯰魚】已成為大量的魚類加工食材 , 例如 : 魚蛋 , 魚肉燒賣 , 鱈魚絲零食 , 魚丸類製品等都離不開鯰魚 , 如果睇過網上的鯰魚傳聞有心理壓力就以上都不要吃了 .....
【鯰魚】有得選擇的話我都不會選擇做食材 , 因為魚味淡 , 魚肉削 , 容易碎 , 但勝在價格超平 , 通常只可做煎炸魚 , 不可用來炒球 , 有好多食肆為左節省成本會用鯰魚冒充斑塊斑片 , 一般茶記小菜八成以上會用鯰魚來做粟米斑塊 , 咕嚕斑球等 , 有酒樓更無良到豆腐斑腩飯全用鯰魚 , 但收費竟然係斑腩價錢 , 我更親身試過叫火腩大鱔煲 , 送來的竟然係細條的鯰魚斬細件扮成大鱔 , 未食已比我即時拆穿要佢退走 , 其實根本唔需要欺騙食客 , 老實 d , 鯰魚飯$50 , 石斑飯$100 , 無問題的 , 起碼知道係我比幾錢食 d 乜嘢 , 咁欺騙食客 , 只會流失一班會消費兼識食的食客 , 留得住食只係唔要求食物質素的低消費食客 , 最終只會做得多賺得少 , 沒有最笨 , 只有更笨 .....
通常我都唔會出街外食粟米斑塊 , 因為都無乜機會真係食到斑塊 , 八十幾元一個例牌 , 一樣係鯰魚 , 食完一肚氣 , 所以我會選擇自己整 , 簡單雪櫃揾包急凍紅魚柳 , 去骨切件 , 加味上粉炸香脆 , 用粟米蓉打個蛋白汁 , 淋係熱辣辣白飯上 , 咁就一個晚餐了 , 何必去街外食d質素好似買六合彩的粟米斑塊 ....