心聲留言

跳至

首頁
1

尾頁
   0


大宅

積分: 2887


1#
發表於 04-10-20 13:54 |只看該作者

你愛你的父母嗎?點愛法?

我父母健在,其實我好愛他們,特別係我做人媽媽之後,更覺他們對我所付出的所有.

但有時都好對唔住佢地,例如:
1)會對他們的〔囉唆〕覺得煩躁,會較無禮貌的回應;
2)我無錢時要問佢地借,借左其實都好耐無錢還;
3)唔知點回報佢2老,只懂得叫佢重健康�晚晚陪佢地食飯,佢有咩須要我會盡量滿足佢,搬屋搬係佢附近,比晒屋企的水�電煤之類;
4)會間中頂嘴,
5)....

好多好多,真好希望可以報答佢地.





侯爵府

積分: 24705

好媽媽勳章


2#
發表於 04-10-20 16:17 |只看該作者

Re: 你愛你的父母嗎?點愛法?

我都係.....
1)會對他們的〔囉唆〕覺得煩躁,會較無禮貌的回應;=>好大聲回應
2)我無錢時要問佢地借,借左其實都好耐無錢還;=>從來都無還過!!
3)唔知點回報佢2老,只懂得叫佢重健康=>很久(2,3年)沒去外家食飯,
4)會間中頂嘴,=>经常係電話頂嘴
5)我媽咪重曰曰上我屋企帮我清潔,洗衣服,同埋煮晚飯比我同老公食
......但其實我好愛佢!


男爵府

積分: 6308


3#
發表於 04-10-20 17:03 |只看該作者

Re: 你愛你的父母嗎?點愛法?

我可以話我一d都唔愛佢哋,我阿媽係我六歲時已經走咗,足足廿幾年冇見過佢,至於我老豆係重男輕女既人,我做女不嬲都賤過泥,由細到大,家務由我一手包辦唔止,連出氣袋都做埋,周不時放工返黎一唔高興,就攞起支棍係咁毆,毆到皮開肉爛,重要睇住d細佬有飯食而我冇,到我結咗婚,佢依然都好憎我(因為佢話我似我阿媽),一日到黑都咒我離婚,當初我要結婚佢只係講咗一句:你唔好比我睇死你哋呀,你哋一定唔夠兩年就離婚(到十二月我同我老公就結咗婚六年啦)!就係因為佢呢句說話,我就算同我老公有咩問題我都唔會同佢講,同佢講佢咪會當住我個仔面前話我:抵x死,唔死都冇x用,講d說話極盡侮辱,幾難聽都有,咁你叫我重點可以愛我既父母呀,我唔憎佢哋已經好好啦!


侯爵府

積分: 24705

好媽媽勳章


4#
發表於 04-10-20 17:34 |只看該作者

Re: 你愛你的父母嗎?點愛法?

溫柔
嘩!既然不愛護自己的仔女,就吾好生啦!(吾如意思)
妳老豆係吾係潮州/福建 人?


子爵府

積分: 11405

好媽媽勳章


5#
發表於 04-10-20 18:04 |只看該作者

Re: 你愛你的父母嗎?點愛法?

我幾兄弟姊妹都好愛我爸爸, 因為媽咪響我地細個時已經唔同我地一齊住, 所以對爸爸感情特別好.

我好愛我爸爸, 比我老公還要多好多(所以我老公好識討好佢), 不過相比之下, 我最細既妹妹比我更愛阿爸.

佢成廿幾歲人, 有時出街食飯仲會拖住阿爸隻手. 有年父親節, 我只係出錢請食飯, 我細妹佢就靜靜雞拎左阿爸副老花眼鏡去配過副新既比佢. 阿爸手爆擦, 佢會捉住阿爸隻手幫佢"茶"cream同按摩.


男爵府

積分: 5774


6#
發表於 04-10-20 21:20 |只看該作者

Re: 你愛你的父母嗎?點愛法?

阿早!

You and your sister's behaviour touched my heart.


大宅

積分: 1253


7#
發表於 04-10-21 09:25 |只看該作者

Re: 你愛你的父母嗎?點愛法?

好記得"亞信的故事"主題曲有兩句:"誰會珍惜當你還擁有,將要逝去總想挽留"。

我同父母既感情可以話係好含蓄,大家都唔會點開口話"我好錫你,好愛你"之類既說話。但係當我爸爸喺十幾年前發現有cancer,做完手術之後反複入過幾次醫院,喺某次再入院我同細佬去採佢時,佢捉住我地兩個隻手,爸爸隻手雖然好粗鞋,但係個種溫暖感覺我真係到依家重記得,個剎那我感覺到爸爸係幾咁愛我地,幾唔捨得離開我地。我到依家都好後悔無同佢講聲"爸爸我愛你"。依家自己為人母親,才體會到做父母的偉大。

"樹欲靜而風不息,子欲養而親不在"呢兩句話我深同感受,希望大家真係珍惜同父母相處既日子。


公爵府

積分: 26926

父親節2025勳章 2025勳章 2025勳章蛇年勳章 2024年龍年勳章 牛年勳章 2018復活節勳章 醒目開學勳章 畀面勳章 親子王國15週年勳章


8#
發表於 04-10-21 10:59 |只看該作者

Re: 你愛你的父母嗎?點愛法?

我覺得自己都算幾愛我父母 ...
但佢地 maybe 覺得我好煩 ... 成日管住佢地 !

* 我由出世到我結婚, 我父母都供給我可算無憂既生活, 我覺得嫁左,有能力就應該對佢地付出 d 去照顧返佢地.


子爵府

積分: 11405

好媽媽勳章


9#
發表於 04-10-21 11:37 |只看該作者

Re: 你愛你的父母嗎?點愛法?

yuenwa 寫道:
阿早!

You and your sister's behaviour touched my heart.


無法啦, 阿爸身兼母職, 我地都比左雙份既愛佢. 見佢愈來愈老, 有時諗到佢會離開我地都會好唔開心.


男爵府

積分: 7751

畀面勳章


10#
發表於 04-10-21 11:46 |只看該作者

Re: 你愛你的父母嗎?點愛法?

我地三姊妹好錫媽媽,佢39歲嗰時....我地已經唔比佢做嘢喇...今年60歲lu,雖然我有自己家庭,但係我每日都會打個電話比媽媽,每個月都定時比家用......起居飲食,我妹妹更加照顧到無微不至.....我信因果嫁.....我都希望弟時兩個女都係咁愛我


洋房

積分: 77


11#
發表於 04-10-21 13:50 |只看該作者

Re: 你愛你的父母嗎?點愛法?

我知我爸媽對我好好, 我都好愛佢地, 無奈我地冇乜錢, 比唔到好好既野佢地...
前幾日我夢到我爸唔係度, 醒返都仲喊左好耐, 依家想起都會喊... 可能我想到佢開發始老, 好驚佢會走...
我知呢個係無可改變既事實, 總有一日, 但真係好驚, 佢地係我心靈上的依靠... :cry:
[img align=right]http://www.rphotobase.com/celia830/img,94243[/img]


別墅

積分: 700


12#
發表於 04-10-21 18:05 |只看該作者

Re: 你愛你的父母嗎?點愛法?

對住我爸爸媽咪............我大概怨多過愛
從來我都覺得我父母給我的愛太少太少了.....
但我不至於完全不愛他們 :-(
:-D 幸福是當我擁有你 :-D http://tw.pg.photos.yahoo.com/ph/fibe001/album?.dir=/861c


洋房

積分: 73


13#
發表於 04-10-23 17:38 |只看該作者

Re: 你愛你的父母嗎?點愛法?

我好疼我父母同弟妹, 每當看見父母一年比一年老時, 心總是痛的. 所以盡可能讓他們開心.
I love my 超可愛dog BB


伯爵府

積分: 18456


14#
發表於 04-10-24 12:20 |只看該作者

Re: 你愛你的父母嗎?點愛法?

我本身是一個比較靜的人,就算我如何愛我的父母都不會用說話去表達,唯有用行動去代表我的一切,我記得有一次,和父母去泰國旅行,由出發當天至旅程的完結,都會非常照顧父母,而係旅程的數天,媽媽突然間跟我說:「老豆覺得你大個左。」我聽完尼句說話後都覺得有點飄飄然,因為我在父母的心目中原來是個小女孩!

在家中,當我不用上班既時候,我就會將屋企打掃得一塵不染,不讓父母們擔心及勞累,而我亦希望他們回來時也得到他們的稱讚,有空閒時也會親自下廚讓一家人享受一頓豐富的晚膳。

到了現在,結了婚,做左人媽媽,可惜的是爸爸已再不能與我們一起,因為爸爸在兩年前因cancer離我們而去,我也記得當我們一家人在醫院的時候,看見爸爸的眼神捨不得離開我們,難道我們不是嗎?唯有好好珍惜一家人相聚的時間吧,雖然日子不多。

到了現在,我們將給爸爸的愛獻給媽媽,也知道爸爸的離世對媽媽也有很大的打擊,唯有盡量抽出更多的時間陪伴母親,希望媽媽也同樣快樂!

1314 寫道:
好記得"亞信的故事"主題曲有兩句:"誰會珍惜當你還擁有,將要逝去總想挽留"。

我同父母既感情可以話係好含蓄,大家都唔會點開口話"我好錫你,好愛你"之類既說話。但係當我爸爸喺十幾年前發現有cancer,做完手術之後反複入過幾次醫院,喺某次再入院我同細佬去採佢時,佢捉住我地兩個隻手,爸爸隻手雖然好粗鞋,但係個種溫暖感覺我真係到依家重記得,個剎那我感覺到爸爸係幾咁愛我地,幾唔捨得離開我地。我到依家都好後悔無同佢講聲"爸爸我愛你"。依家自己為人母親,才體會到做父母的偉大。

"樹欲靜而風不息,子欲養而親不在"呢兩句話我深同感受,希望大家真係珍惜同父母相處既日子。
世間最美妙的事情,就是擁有一個溫馨的家庭。我們可自然從容地回到家中,無拘無束地被家庭接納為其中的成員。 ;-) (維斯各特)


大宅

積分: 2974


15#
發表於 04-10-25 11:17 |只看該作者

Re: 你愛你的父母嗎?點愛法?

講起自己都覺得唔好意思~
有時睇見佢哋一日老過一日, 真係好驚佢哋隨時會走...
自己宜家都比唔到家用佢哋, 只係一個星期會同個女出去一次咋!
不過我日日都會打電話返去, 其實冇嘢講, 只係講兩句...
2個寶貝~雅詠&灝泯


別墅

積分: 540


16#
發表於 04-10-26 02:13 |只看該作者

Re: 你愛你的父母嗎?點愛法?

我好愛好愛我的父母同細佬,對佢地仲好過對老公
我細個個陣成日都覺得爸爸媽咪錫細佬多個自己,所以成日都好唔開心,直至出梨做野,識嫁人多咗,發覺原來自己的父母好錫自己,有時見到人地父母對子女的態度,先發覺父母對自己是十分好,好包容自己,我結婚個陣,爸爸開心到眼有淚光,我個一刻好想攬住佢,但因為大家都是比較含蓄,只是大家心有靈通就得,到而家生咗個囡,更加覺得母愛是何等偉大,我現在每日早午晚都會打一個電話給媽咪,雖然沒有什麼特別事要講,但好似已經是"指定動作",只是短短的幾分鐘,但已感覺很好,我每星期都會一家三口去跟爸爸媽咪食飯,我覺得要珍惜你眼前擁有,不要到失去才去後悔,還有一樣,我相信"因果",你點對父母,將來仔女就會點對你
最後個句都係"珍惜眼前人"


別墅

積分: 525


17#
發表於 04-10-26 16:56 |只看該作者

Re: 你愛你的父母嗎?點愛法?

好羡慕你地同父母感情咁好, 我由細到大父母都無點理我, 所以同佢地好生疏, 雖然個個禮拜都有一日去阿媽度食飯, 但同佢無野講. 好悶.


大宅

積分: 1270


18#
發表於 04-10-27 14:38 |只看該作者

Re: 你愛你的父母嗎?點愛法?

看著媽媽每天勞勞役役地為了子女<已不是小孩子>. 把弟妹們寵得太自私, 太不懂事, 一般的人家父母應是亨福的時侯. 有時我又覺得是養母自己拿來太過慈母. 我不是她親生, 多年的相對有一定感情. 他們對我不是太好也唔算太差, 總之好的東西沒我份, 好在我都很亞Q, 雖然在養父母心目中只能占據小小角落. 記得22歲那一年我病了入院, 出院后她才開始對我關心, 以為我睡了為我加添被子, 那一刻被溶化感動了. 總括來講我是愛她的. 只是沒法子改變她喜歡勞勞役役地為子女的性格. 教她亨受餘生.
喜歡的金句:
己所不欲.勿施於人
世界本來就不公平,但快樂卻是公平的,只要你知足.
一個人的快樂, 不是因為他擁有得多, 而是因為他計較得少

首頁
1

尾頁

跳至
Presslogic Logo
Baby Kingdom Logo