吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 照顧活躍小朋友的壓力，長篇。

自由講場今日: 3634|主題: 1347313

收藏本版

發帖

返回列表

跳至頁

查看: 7470 | 回覆: 52

12 3

積分: 9590

1^#

發表於 18-3-19 22:08 |只看該作者 |倒序瀏覽 |打印

見到外婆殺死外孫，好難過，外婆一定唔岩，但獨自照顧一個超活躍小朋友既辛苦，真係令人好大壓力。
我仔而家兩歲九個月，細個時好乖好可愛，唔知由幾時開始無時停，故意作對唱反調，返上午n班，每日午睡後就會去公園放電1-2小時，佢係超級活躍果種小朋友，望少眼可以跑左去，爬到好高，係好高既地方跳落黎，或者見到人有野食有野玩就問人拎，就算人地唔高興都係咁跟住，見到咩都要攪，要人貼人咁跟住，不停同佢講道理，經常碌地，去到邊碌到邊。
每次出門都約法三章，但每次都犯規，我對佢去街玩既要求只係唔好攪到人，唔好有危險，但我一秒都唔敢放鬆佢都成日仆到呢度於果度腫

家務再減，每日都要買餸煮三餐，曬衫收衫掃地拖地，我都會趁佢返左學或者訓左做，每日陪玩陪食陪訓陪放電，每日只有煮飯同洗碗呢一個鐘左右時間要佢自己係廳玩，但佢都會不停拍門，已經盡量快手做，有時真係好炆

訓覺以前都ok，呢排戒奶嘴，每日一到訓覺時間，不停又唱又跳又坐起身又要痾屎痾尿飲水呢樣果樣

、起碼要半個鐘至一個鐘先訓

每日最放鬆既時間係早上湊左返學可以食半個鐘早餐，晚上佢訓左，做埋d家務，冲涼之後大概10:30-12:30呢兩個鐘可以hea下，呢兩個鐘又食零食又飲酒，呢一年我肥左接近二十磅

媽媽大病完之後身體唔好，99一個月幫手湊一次半日都ee哦哦，有時湊到炆同老公講，十次有九次都鬧交，想搵個人傾下都無

我曾經懷疑過仔仔有過度活躍症，同n班班主任傾過，佢係學校係乖既，肯聽指令，食茶點坐定定，係有時會故意唱反調，老師認為佢性格比較反叛，活躍，但學野快，同同學相處好，有領導能力，並唔係有問題，只係性格係咁，鐘意蝦媽媽，建議我k1讀全日，大個d再做檢查。
有時個人真係好累好煩好炆，用盡方法，佢都係一時時，有段時間會好乖好合作，有時又成支頂心杉激到死

0 0 0

私人傳訊

ricky0223

男爵府

積分: 9590

2^#

發表於 18-3-19 22:11 |只看該作者

回覆樓主：

本帖最後由 ricky0223 於 18-3-19 23:51 編輯

有同路人嗎？好羨慕人地小朋友咁乖，叫得聽，我呢個越叫越走

而家先兩歲幾，未來二十年真係唔知點過

我諗其他人唔會明，每日都要對住都要面對，帶來出街外人望住你果種異樣眼光，身邊人一聽到就即刻唔耐煩問你又咩事呀，連親人都唔明白，湊個小朋友有幾辛苦果種苦悶，我有時太激心都好想一走了之，每日望住仔仔訓左個可愛樣都後悔對佢咁惡，但聽日又忍唔住果種難受

有無後悔？我唔識答，但自己生既，除非我死左，否則我點可以唔理佢？

私人傳訊

~緣~

子爵府

積分: 11293

3^#

發表於 18-3-19 22:13 |只看該作者

ricky0223 發表於 18-3-19 22:11
有同路人嗎？好羨慕人地小朋友咁乖，叫得聽，我呢個越叫越走
而家先兩歲幾，未來二十年真係唔知點過: ...

只有正確嘅方法教導,一定可以教好小朋友,加油

私人傳訊

happypiano

侯爵府

積分: 24395

醒目開學勳章

4^#

發表於 18-3-19 22:15 |只看該作者

雖常幫唔到你, 但我明你有幾辛苦, 係精神同肉體上既辛苦. 希望你加油, 倦就上黎呻下, 呻完又再RESET過重新開始.

私人傳訊

happygirl25

大宅

積分: 1460

5^#

發表於 18-3-19 22:27 |只看該作者

ricky0223 發表於 18-3-19 22:08
見到外婆殺死外孫，好難過，外婆一定唔岩，但獨自照顧一個超活躍小朋友既辛苦，真係令人好大壓力。
我仔而 ...

我bb歲半都好活潑，學野快，不過係識驚姐。同好難比其他人湊，好痴媽媽，又訓得少。我自己相信e類b湊得好大個左會好聰明。

私人傳訊

dollybaby

大宅

積分: 1165

6^#

發表於 18-3-19 22:32 |只看該作者

回覆樓主:

我完全明白你，因我小朋友都係咁。我之前亦曾經懷疑過佢有過度活躍症，有去過健康院搵過姑娘，但姑娘說他應該不是，只是性格如此，但平時湊得已經非常辛苦，但怪在他也是在學校是比家乖，在家就十分百厭，又會作對。
仔仔好動已經比其他小朋友照顧吃力，所以十分同情小朋友患有此症的家長，他們的壓力還比我們大很多。

私人傳訊

hhz

男爵府

積分: 8856

我的育兒心得勳章

7^#

發表於 18-3-19 22:33 |只看該作者

ricky0223 發表於 18-3-19 22:08
見到外婆殺死外孫，好難過，外婆一定唔岩，但獨自照顧一個超活躍小朋友既辛苦，真係令人好大壓力。
我仔而 ...

我仔大你仔半歲，除左精力無你仔咁旺盛之外，其他都類似，再加唔瞓晏睡，再加non stop嘅十萬個為什麼。

有性命危險個啲你緊張係應該，係公園問人攞野個啲由得佢，俾佢撞下板可能仲有效。

大家一齊努力！

私人傳訊

ricky0223

男爵府

積分: 9590

8^#

發表於 18-3-19 22:34 |只看該作者

~緣~ 發表於 18-3-19 22:13
只有正確嘅方法教導,一定可以教好小朋友,加油

唉，我都唔知，試過n咁多種方法，講道理係最無用既，由兩歲半開始反駁我，例如咁樣會痛，佢話我兩歲大個，唔痛，叫佢咁樣唔岩，佢話大哥哥都係咁，激死。
罰佢企埋一邊，罰佢無得食水果，罰佢無街去，果排乖獎佢去波波池，迪士尼，麥當勞，或者乖就獎一個印，都係咁，一時時，有時候乖，有時激到暈，有段時間一阻止佢仲大巴大巴咁打我

根本佢明知咁唔岩，事後問佢邊度做得唔岩，要點做先好，佢又可以長篇大論

有時真係激到眼前一陣陣發黑抖唔到氣，喊過好多次

但係老師同99面前又好乖，係爸爸面前都唔敢亂黎，唯一係我

私人傳訊

hhz

男爵府

積分: 8856

我的育兒心得勳章

9^#

發表於 18-3-19 22:42 |只看該作者

happygirl25 發表於 18-3-19 22:27
我bb歲半都好活潑，學野快，不過係識驚姐。同好難比其他人湊，好痴媽媽，又訓得少。我自己相信e類b湊得好 ...

我個個又係痴到癲，越大越痴身。連去樓下做facial 都唔畀呀！

私人傳訊

ricky0223

男爵府

積分: 9590

10^#

發表於 18-3-19 22:46 |只看該作者

回覆樓主

真係嚇到個心離一離

私人傳訊

callmebabe

伯爵府

積分: 17340

11^#

發表於 18-3-19 22:48 |只看該作者

ricky0223 發表於 18-3-19 22:08
見到外婆殺死外孫，好難過，外婆一定唔岩，但獨自照顧一個超活躍小朋友既辛苦，真係令人好大壓力。
我仔而 ...

唔好只聽老師意見，建議你去健康院做評估再Queue 叫醫生

私人傳訊

~緣~

子爵府

積分: 11293

12^#

發表於 18-3-19 22:52 |只看該作者

ricky0223 發表於 18-3-19 22:34
唉，我都唔知，試過n咁多種方法，講道理係最無用既，由兩歲半開始反駁我，例如咁樣會痛，佢話我兩歲大個， ...

佢蝦你,食住你,坊間有好多行為治療課程其實可以留意下,我小朋友都係偏向自閉嘅,後來上咗行為治療,而家同正常小朋友無分別而且好多服務唔係你想像中咁貴, 因為我啲服務都係健康院轉介所以我幫唔到你你可以同健康院講返佢會幫你轉介

私人傳訊

~sunshine~

伯爵府

積分: 16821

13^#

發表於 18-3-19 22:57 |只看該作者

回覆樓主

我終於搵到同路人！睇文字我以為你講緊我個仔！！
我仔而家四歲半，同你仔有八，九成相似，性格屬於超活躍加反叛型，你講東佢做西，非常有自已主見，完全唔聽你講野，極高探索精神！但我知呢類小朋友唔係過度活躍症，而係非常聰明，所以求知慾好強，乜野都想要知。

我仔由一歲識行開始就係我既惡夢開始，佢每日都挑戰我條底線，激到我嘔血！
到而家去公園我都要人釘人咁跟到實，因為一睇少一眼佢就去做危險動作，滑梯上面跳落黎，爬鐵架既外圍⋯

不過我慢慢都化喇，學習放鬆自己，唔可以樣樣管太緊，因為呢類小朋友係真係越講只有越唔聽！

你講既「話佢知咁樣會痛佢話唔痛」，我仔係一模一樣，叫佢唔好咁高跳落黎，跌親會好痛，佢話我唔會跌親既，唔會痛！

我其實真係都就快痴線！我耐唔耐都會頂唔順而爆喊！都會問自己點解人地既小朋友咁乖，自己生果個完全唔聽話！但爆喊過後諗返其實佢都有乖既時候！

而且我從來都諗住一個宗旨，孩子既童年只得一次，而且孩子需要媽媽既日子只會不斷遞減！所以雖然每一日都好激氣，但都要提醒自己要珍惜。

一齊加油！！

私人傳訊

selinako^^

翡翠宮

積分: 98017

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章親子王國15週年勳章

14^#

發表於 18-3-19 23:00 |只看該作者

算我直言,
見過2個過度活躍症既學生
第一個, 5, 6年前
個突然企係張櫈度再想企上枱,
再唔係, 個女仔出廁所, 佢又跟埋去, 仲想睇下度門可唔可以推開
印象係2個

另一個係直家
佢地會係電梯, 拉實扶手, 一跳..對腳撐住lift 身, 再跳落地
再唔係, 訓係LIFT 度轉
試過求其按一層樓, 開門大叫, 再閂山

好恐怖

私人傳訊

C.Humphrey

翡翠宮

積分: 84607

牛年勳章

15^#

發表於 18-3-19 23:07 |只看該作者

回覆樓主

我覺得你仔仔好醒，可能想引人注意，如果佢學校乖乖守規矩，不如考慮老師建議讀全日，你自己又可以無咁大壓力

私人傳訊

ricky0223

男爵府

積分: 9590

16^#

發表於 18-3-19 23:20 |只看該作者

~sunshine~ 發表於 18-3-19 22:57
我終於搵到同路人！睇文字我以為你講緊我個仔！！
我仔而家四歲半，同你仔有八，九成相似，性格屬 ...

好想同你give me five ，佢就係咩都想知咩都想試，又中意模仿人，好有主見，但佢係一時時，有時真係好乖好得人錫，咁細個已經問到我口啞啞。
但實在係太活躍，有時罰佢只可以係屋企睇書玩玩具，佢知衰自己一個玩個幾鐘又會入房問媽媽嬲完未，錫返媽媽我又心軟，有時好沮喪好激心，小部分乖既時候又好心甜

私人傳訊

紫色線

伯爵府

積分: 18545

HiPP勳章(2)

17^#

發表於 18-3-19 23:23 |只看該作者

回覆樓主:

大仔2歲7個月同你仔一樣
但讀緊全日N班
我一日咆哮廿次嬲十次佢都唔驚
今日學校旅行其他3個同學仔媽咪一叫走離開遊樂場都乖乖跟係我仔我叫咗N次之後我自己走咗去佢都唔跟埋上嚟行到好遠都唔搵我行返去搵佢仲玩得好開心
又逼我發癲返到嚟又係叫佢唔可以打人教咗幾個月都無進展

真心好攰仲有個11個月細仔要照顧