吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 前度嘅男友現任老婆好煩，冤魂不散咁！ ...

自由講場今日: 982|主題: 1342912

收藏本版

發帖

返回列表

跳至頁

查看: 22534 | 回覆: 122

12 3 4 5...7

積分: 24737

1^#

發表於 18-3-21 19:00 |只看該作者 |倒序瀏覽 |打印

本帖最後由 miuling814 於 18-3-21 19:30 編輯

真係到咗唔開post呻下都唔得嘅時候，忍咗好耐！

前度男友，唔知幾多N年前，樣都接近忘記，只係拍過半年拖咁大把，乜都冇發生過，感情深極有限！

當年啱啱讀完中學來做嘢，同個男仔拍拖，半年來，見面唔算多，後來我對佢冇乜感覺就分咗手，但我唔知佢一直以前都有keep住我本日記同D相，分手後，我換咗電話號碼，冇再聯絡。

後來，我結婚（第1段婚姻），有小朋友，依然同前度冇聯絡過。

離婚後，再嫁俾現任老公。我一直都有用微信。年幾前，前度男友唔知點解搵到我嘅電話號碼同微信號碼，add咗我，就係咁，大家聯絡返，但講嘢加埋唔夠10句。

有1日，有個唔知乜人加咗我，我又冇乜留意，佢同我傾計，我問佢係邊個，佢又話識得我，係我以前嘅朋友之類。

哩個人，好關心我以前同前男友嘅事，有意冇意間，都會問起我以前嘅點滴，又問我以前做乜同前男友分手，我依家係咪仲係愛佢之類……古古怪怪咁，但我話已經冇印象，唔記得，冇乜點理佢。不過，哩個人都好關心我個朋友圈同FB。

最近，前男友搵我傾下計，佢話佢同老婆鬧交，原因係因為我。
我都一頭霧水，唔知佢噏乜。佢話佢老婆搵到我以前嘅日記簿同相，佢老婆吃醋，叫前度掉咗我D日記，但前度唔肯，佢老婆就話我哋有路。

我問前度男友，你做乜有我以前嘅日記？佢話係以前有一次出去食飯，我擺咗喺枱面，走時我唔記得拎，佢順手拎咗，因為佢好想知裡面寫乜。（但我對哩件事冇印象）

我叫前度掉咗我D嘢，唔好再留起，但佢話有紀念價值，唔肯，仲問我可唔可以約出來食飯，想親手俾返本日記我，但我拒絕。

後來，佢老婆whatsapp我，話我唔應該搵佢老公。但我清楚表明，係前度搵我，唔關我事，我冇搵過佢。但佢老婆繼續發癲，講咗好多難聽嘅話。我唔理佢，之後我將佢個電話號碼封鎖。

之後，嗰個之前加咗我朋友圈嘅人就開始搔擾我，我後來先發現原來嗰個人係佢老婆。

回覆返add人嗰part：

我冇乜add人㗎，上次佢老婆add我，我只係手快快唔小心㩒咗確認，㩒咗都知

0 0 0

私人傳訊

cinda72.

禁止訪問

積分: 60891

2^#

發表於 18-3-21 19:04 |只看該作者

回覆樓主:

提示: 作者被禁止或刪除內容自動屏蔽

私人傳訊

tansyneko

琥珀宮

積分: 152982

3^#

發表於 18-3-21 19:07 |只看該作者

回覆樓主:

block埋佢wechat la，連埋前度一齊block唔駛煩

私人傳訊

miuling814

侯爵府

積分: 24737

4^#

發表於 18-3-21 19:08 |只看該作者

回覆樓主:

有1次，我同我個好朋友講起哩件事。我好朋友同我講：當年我同前度分咗手，我轉咗電話號碼後，前度就開始周圍搵我，搵到我朋友，問知唔知我喺邊，電話號碼之類……我朋友冇講佢知。
佢同我朋友講，話放唔低我，想追返我，但我朋友叫佢死咗條心。

再過咗冇耐，佢搞大咗依家個老婆個肚，要結婚，又搵我朋友想知我下落，話想請我來飲，我朋友幫我拒絕咗佢，叫佢唔好再搵我。

朋友講，當年前度喺我講分手後冇耐，佢落吧借酒消愁，佢老婆就喺當時酒吧識嘅，當晚就搞埋一齊。
後來有咗，前度唔想認頭，但個女仔搵上門，前度個阿媽又恨抱孫恨到發燒，叫前度一定要娶佢，前度唔敢抗旨，所以就結婚。

私人傳訊

yurijm

珍珠宮

積分: 48652

5^#

發表於 18-3-21 19:10 |只看該作者

回覆樓主

一夜情搞大肚而結婚
原來真係有

私人傳訊

小寶貝兒

珍珠宮

積分: 30295

6^#

發表於 18-3-21 19:12 |只看該作者

直接D回佢老婆, 其實你已經差唔多唔記得左呢個人, 叫佢COOL掂自己老公, 唔好搵著你來搞啦!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

小金名

子爵府

積分: 10732

7^#

發表於 18-3-21 19:12 |只看該作者

miuling814 發表於 18-3-21 19:08
有1次，我同我個好朋友講起哩件事。我好朋友同我講：當年我同前度分咗手，我轉咗電話號碼後，前度就開始周 ...

咁都幾陰公⋯ 行錯一步就一世

私人傳訊

jasmine0527

翡翠宮

積分: 92886

2018復活節勳章開心吸收勳章我的育兒心得勳章玩具勳章畀面勳章 BK Milk勳章

8^#

發表於 18-3-21 19:15 |只看該作者

回覆樓主:

好似拍戲咁，好老土

私人傳訊

miuling814

侯爵府

積分: 24737

9^#

發表於 18-3-21 19:17 |只看該作者

回覆樓主:

我朋友講，前度咁多年來，時不時都會透過佢來想搵我，但我朋友醒，乜都話唔知，話大家已經各有家室，叫佢唔好搞咁多嘢。

我朋友話，前度婚後咁多年來，2公婆成日鬧交（因為我朋友同前度之間有共同朋友，所以我朋友多多少少都知道D事），前度老婆生咗個女，但前度阿媽恨要男孫，但前度自哩個女之後就唔肯同佢老婆生，所以前度阿媽亦唔鐘意佢新抱。

可笑嘅係，前度個老婆有時就會扮哩個扮嗰個來搵我，又會試下我對前度係咪仲有愛情可言。佢更加會叫佢D朋友加我，試我嘅又有，鬧我嘅又有！

我同佢老婆講過N次，叫佢唔好發癲，叫佢問下佢老公，我到底有冇搵過佢。我話我連佢老公個電話、微信都刪除咗，連佢老公係乜樣都早就唔記得，佢咁得閒來不斷加我，倒不如搵份工做，唔好日日幻想