Baby Kingdom - 親子王國 香港 討論區 › 首頁 › 單親天地› 我要離婚, 點攪?

單親天地

收藏本版
發帖
返回列表
跳至頁
我要離婚, 點攪? [複製鏈接]

首頁
12

尾頁
   0
angelmak


大宅

積分: 2974


1#
發表於 04-10-17 08:23 |只看該作者

我要離婚, 點攪?

Dear all,
我決定要離婚, 我可以從邊喥著手呢?
我宜家冇嘢做, 又冇積蓄, 仲要有個就嚟三歲嘅女!
我個女宜家讀緊幼兒園, 要交二千幾蚊學費~
攪離婚要幾耐呀? 當然快啲好啦! 我宜家得24歲, 我唔想再拖...
我媽咪係台灣人, 我想帶埋個女返去從頭開始!
希望你哋可以幫到我, 無限感激!
2個寶貝~雅詠&灝泯
私人傳訊

貞貞媽咪


民房

積分: 104


2#
發表於 04-10-17 20:00 |只看該作者

Re: 我要離婚, 點攪?

仲有無可以挽救的餘地,因為做單親媽媽唔係咁簡單ga,離婚唔難,學費都唔驚,不過你會好辛苦,你要想清楚呀,我現在都係單親媽媽呀
私人傳訊

hermanpapa


大宅

積分: 2788


3#
發表於 04-10-17 23:26 |只看該作者

Re: 我要離婚, 點攪?

為何要離婚？真的要想清楚，去臺灣的生活，也不是妳過去便可以解決問題。
私人傳訊

ylk3344


洋房

積分: 39


4#
發表於 04-10-18 13:44 |只看該作者

Re: 我要離婚, 點攪?

angelmak 寫道:
Dear all,
我決定要離婚, 我可以從邊喥著手呢?
我宜家冇嘢做, 又冇積蓄, 仲要有個就嚟三歲嘅女!
我個女宜家讀緊幼兒園, 要交二千幾蚊學費~
攪離婚要幾耐呀? 當然快啲好啦! 我宜家得24歲, 我唔想再拖...
我媽咪係台灣人, 我想帶埋個女返去從頭開始!
:-| 你要離婚一定有你o既原因..因為一個女人要離婚一定係去到無可保救o既地步...因為我都係過來人
我都係攪緊離婚...首先你要分居1年(如果係雙方同意的話)唔係就要2年....分居1年後先開始攪文件有小朋友同樓就仲麻煩...不過你都可以交比律師做..但係如果揾私人律師就會貴d囉...聽我前任老公d朋友話都攪左萬幾蚊(因為我有小朋友同樓)...而家如果你揾私人律師唔洗上法庭嫁啦..律師會幫你攪嫁啦~
不過如果無錢你可以去揾法律緩助都得呀!

遇到現在和相伴一生的人 要百分百感謝他愛你因為你們現在都得到幸福和真愛
私人傳訊

angelmak


大宅

積分: 2974


5#
發表於 04-10-19 11:40 |只看該作者

Re: 我要離婚, 點攪?

我都知做單親媽咪會好辛苦, 但係我決定離婚亦唔係話宜家至諗到!
事實上我老公到宜家都唔想同我離婚...不過我都同佢講過,
我真係再忍唔到啦!
佢太大男人, 我唔係冇同佢傾過, 但係次次同佢講, 佢就發我脾氣!
話佢唔得! 唔話佢又唔得!!!
記得同佢結咗婚得嗰一個月, 我星期六放假, 我本來諗住去買餸,
但係我奶奶叫我唔駛煮飯, 點知佢一番到嚟打咗我一巴...
唉...佢啲脾氣真係好差, 有時我講到啲嘢唔啱佢心水,
就亂揼嘢, 最近嗰次就將個電視揼去個玻璃櫃門喥,
成間房周圍都係玻璃, 我啲鄰居走晒過嚟安慰我,
事發之後佢走咗去幾日! 下咗啖氣, 就只有返嚟同我"對唔住囉!", 又當冇事發生過...
佢做太多嘢都理過我感受, 而且一啲都唔尊重我!
2個寶貝~雅詠&灝泯
私人傳訊

RubybearMom


民房

積分: 44


6#
發表於 04-10-19 13:45 |只看該作者

Re: 我要離婚, 點攪?

離婚是一個好難做的決定, 我都考慮了一年多才決定, 之前前亦浪費了2年多比機會大家重新開始, 但是一個人要改變佢的性格是很難的.

你最要考慮是小朋友的成長, 要有心理準備你要比其他媽咪付出雙倍的心血來照顧小朋友, 很辛苦

我不是叫你不要離婚, 因我是過來人, 只是要有心理準備這條路是很崎嶇的...
私人傳訊

hotdogpapa


大宅

積分: 1627


7#
發表於 04-10-19 14:13 |只看該作者

Re: 我要離婚, 點攪?

angelmak

唉！
一)有冇搵第三者(朋友、長輩、雙方家長)傾過、調庭過先？
二)有冇應真、詳細考慮清楚先？
三)咩原因先？
法庭只會接受以下情況之離婚申請：
a)配偶曾與人通姦，而呈請人認為無法忍受與他 / 她共同生活。
b)配偶的行為令人無法合理期望呈請人可與他 / 她共同生活。
c)在提出離婚呈請前，呈請人與配偶已分開居住最少連續1年，而其配偶也同意離婚。
d)在提出離婚呈請前，呈請人與配偶已分開居住最少連續2年。在這種情況下，毋須配偶同意離婚。
e)在提出離婚呈請前，呈請人已遭配偶遺棄最少連續一年。
四)妳得廿四歲，囡囡就三歲(應該又係一個未婚大肚個案吧！即係兩個心智可能尚未發育完全之下要結婚啦…即係兩個在未有經濟基礎下結婚啦…即係需要雙方父母照顧下結婚啦…雙方仲要一時間改變生活方式添！女人比較優勝是適應能力比男人強___而且妳又有個可愛寶寶做“推動力”！男人通常比女人接受能力低一點...所以你隻佬可能仲未曾適應“婚姻生活”，因為結婚後男性要面對的壓力不少：責任問題、金錢問題、朋友關係、工作問題、倫理觀念...我諗佢應該仲係一些沉迷遊戲機而思想未成熟既男人...兩個點解唔用溝通方式去解決？兩個點解唔用時間去解決？兩個點解唔尋求家人協助解決？兩個點解唔睇在囡囡份上？
五)離婚？要時間！當然要錢！點都要三、五千掛！
六)俾妳籌到錢，時間呢？就算雙方同意離婚、而子女撫養權又傾掂，一般都要九個月或以上時間...有冇諗過九個月兩母女點樣生活先？
七)如果期間有人玩野(對方唔同意離婚、對方唔同意囡囡撫養權等等…)妳預兩年好了！錢唔好計幾多了...
八)如果男方不答囡囡歸妳___點辦？法庭見？錢呢？又俾妳籌到錢或搵到綜援…法官會判囡囡俾一個冇工作冇積蓄之媽媽嗎？
九)以上又俾妳全部過哂關！妳跟媽媽(你老豆呢，莫非…)去到台灣又做乜工作呢？有戶口嗎？有學歷嗎？有人照顧囡囡嗎？搵過另外一隻佬嗎？(一蟹不如一蟹又點丫？囡囡呢，點丫？...)
十)平心靜氣想一想吧！好多問題都可以解決__當然要雙方一人讓一步！唔好諗住年輕就有優勢、唔好諗住仲有大把青春…玩遊戲機就係唔岩可以reset過玩過一鋪，人生不一樣的！
十一)兩個人一齊對住可愛既囡囡傾下，相信咩事都可以解決的！搵隻死佬傾下、打佢兩拳吧！看看下了火未？希望雙方經一事長一智吧！下下講離婚，幾時講到六、七十歲？？？
傾掂左、解決了、有機會請我飲杯咖啡吧！
私人傳訊

angelmak


大宅

積分: 2974


8#
發表於 04-10-19 16:15 |只看該作者

Re: 我要離婚, 點攪?

我哋係為咗個女至結婚, 而且佢當初只係想用結婚嚟留我喺身邊!
佢拍拖嗰時真係對我好好, 如果唔係我都唔會揀佢!
"我以前都唔係一個出去玩嘅o靚妹, 只係佢佔有慾太強~
事實上喺我身邊嘅人十居其九都對我有意思,
但係我覺得我同朋友出街都冇問題, 就連女仔都唔得!"
我知佢係愛我, 緊我嘅, 但係佢自己控制唔到自己嘅脾氣...
其實我諗係我老公某方面唔夠成熟, 當然我都係啦!
我哋嘅朋友都話唔知點同佢溝通, 太主觀啦佢!
有好多嘢我都唔知點講... :cry:
2個寶貝~雅詠&灝泯
私人傳訊

RubybearMom


民房

積分: 44


9#
發表於 04-10-19 16:27 |只看該作者

Re: 我要離婚, 點攪?

其實兩公婆吵架, 最受影響的是小朋友, 如小朋友長期生活在一個吵吵鬧鬧的家裡面, 心理上的影響比生活在單親家庭更大, 因小朋友是需要一個穩定的環境的.

你試一試同佢講, 看看他明不明白, 如沒改善, 他冇得救了...
私人傳訊

hotdogpapa


大宅

積分: 1627


10#
發表於 04-10-20 22:45 |只看該作者

Re: 我要離婚, 點攪?

angelmak
既然知道了問題所在，那不難解決！
雙方在心平氣和之時候，搵一個“舒適”既環境(海灘野餐、山頂燒烤如何？)，帶同囡囡慢慢傾下…首先妳要表示清楚、明白、了解、同情丈夫之處境並提出妳要改善之問題！相方坦承相向，何事不可為？
私人傳訊

kerojojo


複式洋房

積分: 160


11#
發表於 04-10-21 13:32 |只看該作者

Re: 我要離婚, 點攪?

就算撫養權判比你, 要帶囡囡離開香港是要得到對方同意的.
私人傳訊

maggielau0705


珍珠宮

積分: 41784

好媽媽勳章


12#
發表於 04-10-28 18:17 |只看該作者

Re: 我要離婚, 點攪?

angelmak,
你老公脾氣咁大,如果雙方同意就會容易攪,如果佢唔同意果囡跟你就難攪,自己申請都好易,法律援助就唔好搵,要等佢批你都等幾個月以上,而且不是不用比錢,他們會先收你2-3千蚊架!你真係諗清楚先攪吧!他不同意,你單方面申請時間會耐d.費手續費都是你比埋佢果份的!還有就算你囡判左跟你,你都不可以帶她去外國的!一定要佢爸爸同意架!


私人傳訊

winhocream


民房

積分: 28


13#
發表於 04-10-29 01:13 |只看該作者

Re: 我要離婚, 點攪?

係咪一定要分居一年先可以開始提出申請??咁呢一年內咪只有等??我好想可以快D解決(因為我o向呢十年內想離婚過好多次亦心軟過好多次)
還有，請問如果分居其間女方買樓(同個仔仔一齊住)，會唔會比男方分o左一半呢?
私人傳訊

maggielau0705


珍珠宮

積分: 41784

好媽媽勳章


14#
發表於 04-10-29 01:21 |只看該作者

Re: 我要離婚, 點攪?

winhocream,
如果分居其間女方買樓(同個仔仔一齊住)，只要有証明你有錢過男方.男方是可以申請女方給回贍養費給男方,不過不一定批.另外分居一年,是雙方同意才可申請,如單方面申請要已分居2年才可申請.你未到分居時間是不能入表申請的.所以你只有等待.明白未! 如再有問題就e-mail 我喇!
[email protected]


私人傳訊

maggielau0705


珍珠宮

積分: 41784

好媽媽勳章


15#
發表於 04-10-29 01:26 |只看該作者

Re: 我要離婚, 點攪?

winhocream ,
還有如果在分居期間你能夠取得照顧你仔仔,那對你之後取得撫養權有坑幫助,因為仔仔跟開你,法庭如果覺得你照顧得仔仔好,多數都會判給你.明白未!


私人傳訊

winhocream


民房

積分: 28


16#
發表於 04-10-29 02:31 |只看該作者

Re: 我要離婚, 點攪?

首先，唔該maggielau0705先!!個仔o既撫養權我反而冇唔担心，因為，十年來個仔都係我全職照顧，個仔本身都唔係咁鍾意佢爸爸(因為佢爸爸成日無啦啦鬧佢)。而佢爸爸亦都唔係咁鍾意細路，爭就應該唔會同我爭，怕就怕佢爸爸到時為啖氣同我爭咋!我最怕就係我的確係有錢過佢，亦可能會在分居期間買樓同個仔一齊住。我真係好驚佢會分o左份去，因為，我到時係靠o個D積蓄去生活(佢爸爸應該都唔會比到贍養費我)，遲D再出去搵工o野做。
咁分居o個度點證明呀?
私人傳訊

maggielau0705


珍珠宮

積分: 41784

好媽媽勳章


17#
發表於 04-10-29 12:33 |只看該作者

Re: 我要離婚, 點攪?

winhocream ,
唔洗多謝我! 只是女人一定幫女人的~
可能會在分居期間買樓同個仔一齊住!-->佢如果沒有搵律師,應該是不知道可以掉反轉頭問你拿贍養費,不過層樓就應該唔會比佢分到!還有如果你的財政只夠供給你和仔仔平時的生活費,應該法庭亦不會批到你給贍養費給他(如果他識申請),另外只要你和仔仔離開了,不和他住.你是有新地方住,到時到時間申請,你就要寫明幾年幾月幾日離開搬左去邊!就可以,或是你想再保險一點就可以先到家事法庭(在灣仔)拿一張分居協議書,叫他簽名,你自己保存好,就可以了!還有如果你怕他知道你新居,你到時申請填資料時,是要填現居所地址,你可以填你家人或親戚又可收到信的地址(香港/不能海外).
因為你填的資料對方是會收到一份的.明白未!


私人傳訊

yiu836


複式洋房

積分: 105


18#
發表於 04-10-29 16:04 |只看該作者

Re: 我要離婚, 點攪?

日日擔心佢發脾氣的日子，一定很生苦！壓力好大！我同你一樣！
私人傳訊

easybring


伯爵府

積分: 16923

好媽媽勳章


19#
發表於 04-10-29 23:25 |只看該作者

Re: 我要離婚, 點攪?

angelmak,

你老公係唔成熟，可唔可以去教會(我唔係教徒)?或者去聽下人生哲學，人與人相逢係可貴的。會唔會慢慢教下佢會好d。買d書佢睇。或者，可唔可以飛去台灣分開下，留底信同d書畀佢睇，反醒下。當分居一年兩年，到時睇下點再算，可能唔洗離婚咁可惜。

主觀
私人傳訊

angelmak


大宅

積分: 2974


20#
發表於 04-11-1 17:55 |只看該作者

Re: 我要離婚, 點攪?

chanhocpa:
其實佢都會打我o家! 不過一兩巴...宜家因為有啲Friends(又有隔離鄰舍)撐我, 佢就唔敢亂嚟~
我都有諗過行開吓, 但係個女已經返緊學, 而且仲讀得好好,
今個星期至適應學校生活, 我又點可以咁自私唔顧佢嘅學業?!
佢知我今次好堅決, 所以Le幾日又對我好好咁...但係我同佢講我唔係講吓就算,
我係認真, 唔會原諒佢! (其實都有啲心軟... )
2個寶貝~雅詠&灝泯
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見