少年成長 今日: 0 | 主題: 16036

積分: 1489

1^#

發表於 18-5-23 11:03 |只看該作者 |倒序瀏覽 |打印

我個女上年開始最初有驚恐症，後來就變成焦慮加抑鬱，主因係佢唔識同同學溝通，返到學校無人啋佢亦唔知點理佢，因為佢有時會發顛大喊。
食咗藥一年多，無咩進展，已經開始見臨床心理學家又無咩進展。現在朝朝唔行返學，返到學校又肚痛又肚痾，一係就伏晌枱瞓足九堂，學校老師和同學已經好容忍佢，亦好怕佢....... 唔知點算好~ 有冇家長可以分享一下點做?

0 0 0

私人傳訊

積分: 15367

2^#

發表於 18-5-23 12:27 |只看該作者

女女幾大??

私人傳訊

積分: 1489

3^#

發表於 18-5-23 12:41 |只看該作者

回覆貓山公主的帖子

15歲~

私人傳訊

積分: 15367

4^#

發表於 18-5-23 13:36 |只看該作者

回覆 purple_girl 的帖子

對於呢類型情況, 不可太硬來, 因為佢地都唔想咁...
解決方法一定要有耐性, 同埋要小心一點...
當然搵到主因比較好.....

最初有驚恐症<---主因係佢唔識同同學溝通，返到學校無人啋佢亦唔知點理佢，因為佢有時會發顛大喊
咁佢小學時呢??
宜家15歲, 當14歲開始, 咁都已經中二到, 即係中一時無野??
小學時有冇朋友陪佢上中學???

慢慢薰陶下阿女, 佢主動性低, 明白到無得迫...
對於佢會大叫或者喊, 同學未可做主動,會怕佢, 阿女都要理解一下...
因為大家有感受不同...
我諗所有的出發點可能要追溯一下...
青春期D女仔有幾八婆, 幾咁容易反轉豬肚, 真係可能一個同學一句無心之失的說話, 已經可以將一個人推去崖邊...心結可能係個到...亦可能個件事, 個句說話好好好小事, 小事到你女覺得講出黎都俾人笑, 心結CAKE左係到...

臨床心理學家又無咩進展<--
我諗你女根本唔信任對方, 無將事實講出黎, 所以無咩進展..

食咗藥一年多<-- 可能年紀唔同, 我唔知點講,我有朋友個女食緊, 情況同你女差唔多, 食左半年, 初期個人呆呆濟濟, 同埋由於年紀細, 面皮還是比較厚, 所以食藥半年後, 情況係至少無再喊, 控制到自己, 叫做可以融入圈子之中.....

青春期係比賽難於處理...明白媽媽會擔心....
媽媽多點關心陪伴, 慢慢黎, 要讓女知道站到最後, 仍是有一個人會支持佢, 會陪伴佢, 會關心佢....站到最後, 原來我仍有地方需要我, 我不是一無事處的。

你有壓力或者上黎呻下...
未必好多同路人願意分享佢地的面對,或情況..
但你都可以舒暢一下,...

私人傳訊

積分: 1489

5^#

發表於 18-5-23 14:53 |只看該作者

貓山公主發表於 18-5-23 13:36
回覆 purple_girl 的帖子

對於呢類型情況, 不可太硬來, 因為佢地都唔想咁...

阿女小學都有喊，但就無咁誇張，本身小四有幾個傾得埋嘅同學，但小五分班後就無再聯絡。而同班中就無一個知心朋友。中一無咁樣，中二上學期同一個同學好好，但去到下學期，因為同呢個同學反面，就開始情緒失控。現在中三情況更甚。

佢話中三上學期試過跟一大班同學 (有男有女) 出去食飯，但無人理佢。我都有同佢分享中學時同同學相處矛盾嘅事，佢話至少我有幾個啱傾嘅朋友，佢一個都無.......講真，如果我係佢我都唔知點做。但之前發生爆喊，導致同學們都怕咗佢係改變唔到嘅事，之後又可以點做? 班同學都好照顧佢，以為佢唔舒服就尤佢瞓，咁樣都已經仁至義盡啦......唉~

私人傳訊

chris4ty

洋房

積分: 42

6^#

發表於 18-5-23 18:57 |只看該作者

一有抑鬱同焦慮就好難搞，好似兩個圓圈甘有部份PART 重疊左甘開藥個度會有小小麻煩要試好多COMBINATION 先可以搵到岩佢嘅藥
臨床個邊你一定要同囡囡傾唔岩即刻轉勉強去睇都係燒緊你錢

壓力源一定要盡量避免我個時自己都休左學一年真係唔可以隔硬要佢反學會好辛苦

私人傳訊

積分: 1489

7^#

發表於 18-5-24 09:38 |只看該作者

chris4ty 發表於 18-5-23 18:57
一有抑鬱同焦慮就好難搞，好似兩個圓圈甘有部份PART 重疊左甘開藥個度會有小小麻煩要試好多COMBINATION ...

壓力源應該係現時呢班同學，又或者係一個同學，因為阿女好在意呢個同學，本來佢兩個好friend, 但有一次被呢個同學出賣，所以反咗面，之後嗰位同學就痴住其他同學，而我阿女同其他同學又唔多啱傾，仲覺得其他人開始排擠佢。
臨床個邊今次應該係搵啱，但就一路都未可以解開到心結囉~

想問下，你咩事要休學? 休學一年咪即是要留班，學校可以容許咁做咩? 你再返學時無覺得壓力仲大咩?

私人傳訊

chris4ty

洋房

積分: 42

8^#

發表於 18-5-24 10:02 |只看該作者

purple_girl 發表於 18-5-24 09:38
壓力源應該係現時呢班同學，又或者係一個同學，因為阿女好在意呢個同學，本來佢兩個好friend, 但有一次被 ...

我係因為抑鬱同焦慮太嚴重所以要休學學校個時好體諒之後俾我重讀我覺得會好d 因為好似restart 部機甘咩都重頭黎過當重申再識朋友

私人傳訊

積分: 1489

9^#

發表於 18-5-24 10:23 |只看該作者

chris4ty 發表於 18-5-24 10:02
我係因為抑鬱同焦慮太嚴重所以要休學學校個時好體諒之後俾我重讀我覺得會好d 因為好似restart 部機甘 ...

但我個女好驚重新識過d朋友，唔想轉校，亦唔想留班，因為佢有兩個唔同班的好朋友，而且今年中三, 似乎係最辛苦的一年，如果重讀，又要面對多一次，仲慘! 所以我依家處於兩難。

私人傳訊

積分: 15367

10^#

發表於 18-5-24 10:31 |只看該作者

purple_girl 發表於 18-5-24 09:38
壓力源應該係現時呢班同學，又或者係一個同學，因為阿女好在意呢個同學，本來佢兩個好friend, 但有一次被 ...

中二上學期同一個同學好好，但去到下學期，因為同呢個同學反面，就開始情緒失控<-- MAIN POINT

佢話中三上如果我係佢我都唔知點做<-- 教佢再搵過其他人做朋友, 啱就啱, 唔啱都唔使勉強...人夾人, 就算大人出黎做都會有呢個問題要面對...早一點學會面對, 其實成長必經階段.

之前發生爆喊，導致同學們都怕咗佢係改變唔到嘅事，之後又可以點做 <-- 我想講其實人係好快會忘記呢D野, 喊其實好小事, 唔好太著重係呢個位...講真, 日日都有新鮮事, 學生又要玩又要考試, 又要比賽, 邊有咁多人會記住呢D野,

班同學都好照顧佢，以為佢唔舒服就, 尤佢瞓，咁樣都已經仁至義盡啦< --- 咁叫冷眼旁觀, 費事搞咁多野去理你個女...咁你個女咪更加孫立無援.....

壓力源應該係現時呢班同學，又或者係一個同學，因為阿女好在意呢個同學，本來佢兩個好friend, 但有一次被呢個同學出賣，所以反咗面<-- MAIN POINT,
反左面, 你女心裡其實好CARE呢個人, 或者呢件事....佢唔去面對同跨過, 唯有多少少鼓勵, 希望佢跨過可以鬆一口氣...跨過方法除左你陪住佢, 人地幫佢, 或者好似樓上位朋友咁, 休學一年都無所謂...遠離一些對自己情緒唔好的環境, 一定健康過強行留在自己唔舒服的地方...要跨過情緒的困擾, 對有呢方面問題的人黎講, 比年年考第一仲要難....因為考試有付出, 點都有收獲, 不在乎多少, 但情緒要跨過, 你付出心機, 耐性, 時間, 都未必有收獲...

覺得其他人開始排擠佢<-- 呢個係佢主觀感受, 真係好重要, 如果佢有HARD FEELING, 咁其實要試下去第二D地方搵朋友去平衡佢的情感, 你女情感無出口, 佢困住自己, 即管咁講,去散下心, 參加下一些比較舒服的活動, 或者佢如果肯...你同佢一齊做義工, 唔係要佢睇自己幾幸福, 要佢睇到, 佢自己仲有生存價值, 存在係有意義的

其實要鼓勵佢面對難處, 呢D所謂朋友, 出賣得你就已經唔係朋友, 除非你女係做錯事個一個, 否則, 被人出賣左, 下次咪醒D, 唔好咁易俾人出賣....

媽媽, 道理我諗你女咁大個, 佢唔係唔明, 只係欠實行個一步, 慢慢同佢一齊跨過去....人地跨一秒, 你陪佢跨1小時都好, 又唔會跨唔過的, 總可面對~~加油~

私人傳訊

積分: 1489

11^#

發表於 18-5-24 11:45 |只看該作者

貓山公主發表於 18-5-24 10:31
中二上學期同一個同學好好，但去到下學期，因為同呢個同學反面，就開始情緒失控 ...

多謝你詳盡的分析! 無錯，我相信係差一個實行的機會。只要有機會佢去做其他事，體會到自己存在價值就會改變到現況。其實阿女並非無朋友，佢好鐘意交朋友，佢參加好多活動都識到朋友，但晌自己個班，就真係無一個可以交到心。我都有勸佢，出賣佢嗰個人係衰人，可以絕交，但阿女話係自己衰，因為太重視呢段友誼.......佢唔明白，呢個世界有d人真係好賤，明明你無得罪佢,佢都會針對你，搞你!

你講得啱，喊又點，好小事，其他人好快會忘記! 呢個point 係我之前無向佢提過，我一定會提阿女!

私人傳訊