miffy 寫道:
我工人走o左3個禮拜, 我轉做全職媽咪, 我幫仔仔轉大人飯, 我煮乜佢都唔食, 生果唔食, 菜唔食, 我日日追佢食飯飲湯都攪2粒鐘, 佢唔鍾意食時仲四圍吐落地, 飯又吐, 湯又吐, 菊花茶又吐, 我日日都發脾氣鬧佢。
我工人揍了我仔兩年, 佢乜都食, 餐餐食一大碗飯仔, 菜又食, 生果又食, 兩年黎只病過3次 (發過1次燒, 2次傷風), 我揍佢3個禮拜, 我仔一個禮拜才大便一次 (仲要係我用甘油條幫佢放), 佢瘦o左好多, 今晚仲無端端發燒......我見佢目訓o係床度, 隻眼打開一半, 無氣力o甘同我講 "媽咪, hot ar, hot ar"....只係3個禮拜, 點解我o甘無用揍個仔揍成o甘????
miffy 寫道:
mrs ng, 栗子, marcomama
佢目訓o左, 無食退燒水, 佢而家38度, 敷緊冰墊, 我好擔心呀, 唔知係咪尋日下晝去波波池比小朋友惹到病。
我見佢日日唔肯食飯, 連續幾個禮拜便秘, 塊面生o左d粒粒 (可能腸胃唔好所以生), 而家仲病埋, 我真係好失敗。
佢有食蕉, 但仍然便秘得好緊要, 侒侒以前鍾意食木瓜和蘋果, 唔知點解, 佢而家唔肯食。
佢日日唔肯食野, 仲慌我做唔死, 四圍搗蛋, 由朝到晚纏到我實我乜都做唔到, 屋企成堆家務做, 我老公返黎, 會話"媽咪, 侒侒今日又跌親?", "媽咪, 你幾多日無拖地?", "媽咪, 你無抹過窗?".....
雖然我日日見到侒侒好開心, 但有時覺得佢好煩, 我日日煮飯做家務又覺得好悶.....總之我揍唔掂個仔, 攪唔掂頭家。
發表於 
返回列表
