吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 超長篇_好無奈咁講算係咩意思？c6+99問題）99問題拉到 ...

婆媳關係今日: 6|主題: 27758

收藏本版

發帖

返回列表

跳至頁

查看: 4169 | 回覆: 8

超長篇_好無奈咁講算係咩意思？c6+99問題）99問題拉到最底 [複製鏈接]

Ngamimi

別墅

積分: 857

1^#

發表於 18-7-26 05:30 |只看該作者 |倒序瀏覽 |打印

本帖最後由 Ngamimi 於 18-7-26 05:45 編輯

話說今日同老公鬧交佢話我咩唔當佢爸媽係爸媽，咩冇佢地位乜嘢，話覺得有我咁嘅老婆望到覺得好慚愧，我懷疑佢有被迫害妄想症.....成日諗埋哂啲嘢都係完全唔係事實嘅嘢

我地都好後生，其實話細又唔細，但佢仲好似個細路咁，照顧自己都唔掂，又從來冇照顧過個仔，冇換過片，淨係我整親手先沖過幾次涼。
重點係！我同佢爸媽，我自己覺得相處冇問題，都融洽，佢地超錫我同bb，我內心都好好好感激佢地，但我始終由細到大都好少同親戚熟個啲，一熟熟係熟到串黎串去個種，所以我唔知係我表達方式有問題定點。而令到佢呢個幾乎日日唔係屋企嘅人，淨係番黎食晚飯訓覺就冇時間都唔願意投放時間係我同bb身上嘅人，而覺得我係好唔鍾意佢阿爸媽，唔鍾意到要咩逃避佢地，但其實完全係冇囉...我唔知到底係佢阿爸媽同佢有咩不滿定係點，總之佢講到好嚴重咁，但我自己覺得同佢地爸媽相處係毫無問題。只係我成日都係娘家，因為我對住佢真係好辛苦，佢完全唔會理bb，我漸漸好嬲好憎佢。6299比較少見bb，呢點會有不滿，我都好理解，所以每次我番去都會盡量俾阿b佢地，同其實基本上我起身就會見到99，佢日日都會黎坐陣睇阿b，我基本上同阿b零相處時間，我都無所謂，都會理解，但依家點解老公可以話覺得我地見唔夠，要我每日番佢媽度食飯黎增進感情？
6299對我同bb都超級好，好到我都無地自容，唔識點可以報答佢地，我覺得佢地錫我多過我老公錫我...我成日都諗點做可以多謝佢地。
我太多嘢講...太唔開心太混亂，打極到未到大重點...
——-
有次夜晚7、8點個啲時間，得我同99係屋企，bb喊飲奶，咁我就如常地入房入奶，我係一路禁電話，bb自己啜咁啦，咁bb飲飲下訓咗好正常姐下話，跟住一出房門，99:下！你做咩整訓佢啊？我個下反應唔黎：下？（個下真唔明）99應該心諗自己講錯嘢？：冇嘢冇嘢我終於get到：哦下？！唔係啊佢飲奶自己訓㗎。我個下其實好sad

0 0 0

私人傳訊

Ngamimi

別墅

積分: 857

2^#

發表於 18-7-26 05:40 |只看該作者

回覆樓主：

本帖最後由 Ngamimi 於 18-7-26 05:40 編輯

大佬啊！bb飲奶訓著係正常不過嘅事囉。其實佢咁講咩意思？佢覺得我特登整訓個孫唔俾你同佢挽？（因為平時佢會夾硬拍阿b訓覺）我覺得係咁囉....其實我收咗係心入面好耐，因為每次一講呢啲事，個垃圾笨X老公就會覺得我係講佢屋企人壞話，我其實都冇講過幾多次，我地結婚先一年多啲，真係相處其實都唔多時間，個b先9個月，佢今日就係度鬧我，係今日鬧交我先講番出黎，佢就話：「呢句野係話緊你？、咁癲既、嘩有妄想症係邊個、明明係一句無聊既廢話」
X!到底係我有問題定佢有問題？

私人傳訊

Ngamimi

別墅

積分: 857

3^#

發表於 18-7-26 05:57 |只看該作者

回覆樓主

仲有bb8個月時已試過一次，62要放bb落單車個細路仔架度遊車河.....我見到真係好X驚，完全阻止唔到-_-62抱走bb個下我就已經好驚，我就好驚青咁同99講唔好啦～抱去行下得啦，推bb車都得㗎嘛～
跟住99就行咗出去同62講咗幾句，頂...都係坐咗落去....小！bb黎㗎咋，佢個時都唔識捉住嘢坐㗎！痴X線！我真係好鬼驚囉！
係我生人唔生膽？你地會唔會俾？
第二次9個月，62黎我地度抱bb落街挽，咁正正常常抱住當然我ok，頂，點知又係坐單車，佢一開始仲癲到想直接放佢係籃度，我話唔好啦，個垃圾廢柴老公終於開聲話唔好，叫會踩有細路櫈坐嘅黎，佢先轉。咁我當然都係唔想啦，我真係覺得好危險囉....我覺得一個唔小心有咩意外，真係會跌死bb...而個垃圾老公就話，踩單車點會有意外啊？咁你唔好話突然有花盆跌落黎？（講咗啲誇張冇關係嘅例子）我真係好無奈，完全唔識同佢溝通，佢地完全冇安全意識...
跟住今日個垃圾老公：「我爸同個孫踏單車幾開心你又知唔知，個bb未出世佢已經買左個舊野」
我：「我都想佢地一齊挽我咪建議佢地去公園挽」

私人傳訊

Solarflare

男爵府

積分: 7514

4^#

發表於 18-7-26 10:39 |只看該作者

你經歷過既同我好似。
我62又係試過唔理我呢個阿媽反對帶bb做危險既野。c6仲要指責我做乜話佢爸媽。跟本一啲都無理過我既感受。
樓主。有問題既係你老公, 佢無尊重過你呢個媽咪, 由得你膽心, 佢完全無代入過你既感受。
62 99 既安全意識當然有問題。你老公需要正視你既感受, 代表你去同62 99溝通。
男人唔同女人。佢地無經歷十月懷胎果種痛。bb一出世, 媽媽會覺得個bb係自已既, 要保護佢絕對既安全。男人呢? 佢會覺得個bb係"大家的"。大家一齊湊, 大家一齊玩, 阿媽只係呢個 "大家" 既其中一份子。所以係無超然既地位。
去到呢啲位, 個阿媽當然會發顛。BB係我既, 佢既安全當然係我話事。
Jm, 要你老公去尊重你呢個阿媽。你必須明確表達 "我對bb既事有最終話事權"。無論 62 99對你點好, 都唔可代表佢地唔使尊重你呢個阿媽既意願。

令啲自信同氣場出黎。同你老公交涉。

私人傳訊

156156

複式洋房

積分: 267

5^#

發表於 18-7-26 18:48 |只看該作者

回覆樓主

6299係錫呀，不過冇浦，bb軟林林坐單車
佢99歲果陣車佢坐呀笨。始終有咩事，媽媽最痛心，我會出手唔比

你老公唔識做人老豆，咩責任都比你take晒，平時有冇話試下比佢湊，分d細task比佢做咁?同埋佢本身鍾唔鐘意小朋友?都會影響佢投入程度

我諗因爲平時媽媽緊張同老公講6299唔好做乜做乜，所以令佢覺得講佢老豆老母壞話

私人傳訊

heidys

子爵府

積分: 12806

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

6^#

發表於 18-7-27 09:03 |只看該作者

回覆樓主:

溝通問題，大家用心去聽人講乜，不用簡單複雜化。
BB 太細玩單車，媽媽跟埋去安心點。

我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG

私人傳訊

做個靚太

水晶宮

積分: 50354

7^#

發表於 18-7-27 11:24 |只看該作者

回覆樓主:

錫同玩係兩回事喎！
每個bb進度唔同，點可以夾硬尼架！
況且6299好錫你，咁係咪你想要先？一廂情願付出，唔值錢，無得夾硬要人感激！
你老公就算吧啦～又係D媽寶，同佢講多都係浪費口水，叫佢自己學識獨立先再嘈啦！

私人傳訊

Solarflare

男爵府

積分: 7514

8^#

發表於 18-7-27 12:30 |只看該作者

本帖最後由 Solarflare 於 18-7-27 12:31 編輯

做個靚太發表於 18-7-27 11:24
錫同玩係兩回事喎！
每個bb進度唔同，點可以夾硬尼架！
況且6299好錫你，咁係咪你想要先？一廂情願付出，唔 ...

好同意你果句一廂情願付出。然後要人感激。
我都比人迫過好多次, 叫我感激, 感恩。但有啲野跟本係佢地夾硬黎, 佢地 "覺得" 係幫緊我, 其實我好唔想佢地做。
有時 62 99 "付出" 左好多, 但未必係你想要既野, 佢地都 expect 你會感謝佢地。但其實心入面好想同佢地反枱, 因為佢地既一廂情願, 令我既自立自主權無晒。我只可以做一隻木偶聽聽話話。咁呢啲恩惠我情願唔要。