親子旅遊 今日: 0|主題: 161669

今次黎韓國揀左住弘大Hotel the-ore, 係Agoda見到間房好似幾乾淨張床好似好舒服咁，睇左啲評價好似都唔錯就Book左。

間酒店有啲難搵，要係條巷到入去先搵到個門口。

入到去有2部Lift，一部係直接上酒店房，一部係上counter check-in。

張床幾乎佔左間房既2/3，係幾舒服既但係行既位唔多，個gip一打開就冇晒位。

個廁所就好細，而且冇乾濕分離，又冇浴簾隔一隔，啲乾淨衫拎左入黎之後會濕，沖完涼好似水舞間咁，唔推薦大家住，不過間房算平，唔介意廁所問題既話呢到都冇咩大問題既。

Lunch去左食弘大好出名既GOGO排骨，店入面有個識講普通話既staff同我地講解個menu．

啲小菜係免費任添，成餐雖然唔平但好好食，下次有機會再黎一定會再食過。

食完飯原本行程係Plan係弘大行街，但係點知撞正韓國梅雨季，落勁大雨，所以就去左個室內既Trick Eye Museum諗住影下相hea下等細雨啲先再去行街。

Museum個門口唔係好顯眼，睇落好似好細咁但估唔到原來都幾大。

未入到去比錢已經有好多位可以影相

除左影相之外仲有啲機可以玩下同畫肖像畫。

1張票包2個館,Trick Eye Museum同Ice Museum,首先就去左Trick Eye Museum先。

入到去之後會有介紹點樣影同要download個apps。

每一個作品都有示範，諗唔到點影可以跟住佢做。

用左個Apps之後影相會有啲識旭既AR effect同聲音，所以拍片會好玩啲。比啲對比圖你地睇下

Before:

After:

仲有啲photo point係地下教你係邊個角度影最好

除左artwork之外仲有啲模型影，唔怕影到悶。

本身岩岩開始影既時候仲好老尷，但見到其實個個都係到擺post就開始好放心咁影。

係Trick Eye Museum影完相就去左Ice Museum到玩。

入面有好多唔同既冰雕影，有啲仲會轉色，但真係好凍，急急腳影完就出返去啦

呢個滑梯一定要玩!

去完個museum細雨左啲，就去左食C27食cheese cake。

呢到有成27款cheesecake，款款都好似好好食，但一個要成$50-60港幣，不過一場黎到，冇理由唔食既。

最後叫左3個蛋糕，本身以為Oreo個個會係最好食，但個人認為原味(姐係左手邊個個)係最好食，個蛋糕超軟，芝士味唔會重到好漏。

食完蛋糕差唔多停雨，終於可以去行街

呢間Folder有啲似abc-mart，都係賣nike,adidas,new balance,fila呢啲運動牌子既波鞋呀，帽呀，衫褲呀呢啲野，係到買左頂new balance既帽，係abc-mart搵唔到想買既野可以黎呢到睇睇。

黎到韓國就梗係要食炸醬麵啦

所以晚餐就去左呢間香港飯店0410食炸醬麵啦!

第一次黎韓國既時候食過一間好難食既炸醬麵，搞到我以為炸醬麵啦好難食，係朋友既強烈推介下先去食。一食先知原來炸醬麵係咁好食嫁，上次食個個勁大浸臭腳味，諗起都想嘔。