心聲留言今日: 1|主題: 17568

收藏本版

發帖

返回列表

跳至頁

查看: 4131 | 回覆: 3

好喜歡男人之間既相處 [複製鏈接]

zoie_w

珍珠宮

積分: 30906

1^#

發表於 18-8-15 12:24 |只看該作者 |倒序瀏覽 |打印

本帖最後由 zoie_w 於 18-8-15 12:26 編輯

好似曹永廉同蕭正楠咁, 好開心, 唔駛就住就住, 互窒講乜都得, 爽直又好笑

我好害怕跟女性朋友相處, 好像要特別照顧她們的感受，例如: 約聚餐, 其中一位成員去唔到, 已經喺GROUP度講了，之後我再問多次佢去唔去到，佢數左自己有咩活動要做, 成個行程表SEND比我地睇, 跟住仲話我無用心記住佢既行程, 言語之間想我會對佢嘅事要上心啲！咁佢話佢去唔到, 我答一個”哦”字, 佢話我可以SWEET D同扮SAD, 就咁一個哦字太硬綁綁, 佢已經唔止一次咁樣話我, 話我應該回應要SWEET D, 加EMOJI, 所以佢話我人緣唔好, D女仔唔鐘意同我做朋友

但我想問, 如果我回覆SWEET D,又或者係知道佢去唔到扮SAD, 加個哭樣既EMOJI, 咁佢係咪會去到呢? 咁既然事實都唔會改變, 點解我要SWEET D同扮SAD?

又有一次, 又係有節日活動, 大班人去, 呢個成員話唔想某一日去, 因得佢一個第日要早起上班, 但我話某一日去會多人D, 好玩D開心D, 佢就話如果我揀呢一日去, 佢要早走, 我係咪都一定要揀呢一日去? 佢係私下同我講,
我當時感覺到呢位成員好像比左壓力我咁, 唔通我唔可以講自己意願? 你唔想揀呢一日去, 就要我都要就你唔揀?
想問係咪同女仔相處就係要咁?

其實我心底裡好想可以好似男人相處咁, 好似會開心D咁, 定係我自己問題，　太硬綁綁，　即點都要扮下野咁，　女仔朋友會ＢＵＹ呢套？

0 0 0

私人傳訊

cedarcone

男爵府

積分: 7281

2^#

發表於 18-8-16 01:17 |只看該作者

我撐你 ! 同意你既立場。

相對那位女成員，多口水多做作，指指點點，如果做人女朋友，個男就慘。
回應一句“哦”! 我唔覺係硬繃繃，冇必要特別加添其他無聊野。

通常女性比較男性係煩啲，婆婆媽媽，左頭左勢。
每個人性格唔同，點解要改變性格去將就佢，佢都白痴似公主病喎!

私人傳訊

zoie_w

珍珠宮

積分: 30906

3^#

發表於 18-8-16 07:41 |只看該作者

cedarcone 發表於 18-8-16 01:17
我撐你 ! 同意你既立場。

相對那位女成員，多口水多做作，指指點點，如果做人女朋友，個男就慘。

本帖最後由 zoie_w 於 18-8-16 08:14 編輯

謝謝你明白我！

朋友之間相處講求夾唔夾，舒唔舒服，佢咁樣俾咗壓力我，就呢件事我有同佢反映過，我有同佢講過，我話你咁樣做會令到朋友感到好大壓力，但我諗佢只會諗自己好嘅方面，而唔會諗自己呢一方面係有問題，佢只會覺得係我嘅問題

而的確由細到大我都唔係咁受到女仔朋友歡迎，唔知係我唔識得同女仔相處，定係我嘅性格同一般女仔好唔同，我真係比較粗魯，同埋鍾意同男仔相處多啲，我真係會覺得開心好多，我冇同女仔相處嗰種要做好多其他野去迎合佢哋，例如某些成員病咗，來唔到，我要好似好關心佢咁，加啲emoji上去，有時可能我會一句：自己保重啦！睇咗醫生未啊？記得要戒口呀！嗰啲我就算了！冇特別要扮到好sweet 咁，或特別多門面野，因為覺得大家又唔係男女朋友，要咁sweet做咩啊，唔知係咪因為咁，所以我同女仔相處唔到，我鍾意比較男性化嘅相處多啲！

而家呢位朋友，會做一啲小動作，例如: 佢會同另一個女成員特別close ,會係個group度特別關心佢, 例如問佢幾時會出席幾時會見面,好掛住佢等等,但係就冇問我,對我講嘢亦都冇咁客氣, 倔左好多，好明顯果位女成員講啲乜野佢都會認同,同埋會好客氣,會奉承佢，我清楚呢啲係佢做嘅小動作,目的係令我覺得自己有問題,而佢仲有好多朋友

但係，其實呢位女成員都有同我抱怨過，同埋如果真正同佢相處過，就會知道佢出現乜嘢問題，所以我並唔覺得難過，我只會覺得佢咁大個人做呢啲小動作好幼稚，亦唔去檢討自己嘅問題，咁樣佢日後同任何人做朋友都會一樣係咁樣，可能我同佢熟啲，佢對我要求就高啲，有時我覺得我又唔係你男朋友，點解我要咁關注你呀，我有時自己啲嘢都唔記得咗，又點會要記得你啲嘢呢？其實佢而家對嗰位女成員做個啲嘢，以前啱啱同佢熟嗰陣，佢咪又係咁樣對我做過，可能佢覺得咁樣就係對朋友好，但我覺得相處先係最重要，而唔係呢啲門面嘢！對男仔對女仔對任何人都好，都唔應該比對方有壓力。