婆媳關係今日: 0|主題: 27784

收藏本版

發帖

返回列表

跳至頁

查看: 5517 | 回覆: 4

唔係99問題, 係自己丫媽! [複製鏈接]

yi615615

大宅

積分: 1150

1^#

發表於 18-11-3 10:04 |只看該作者 |倒序瀏覽 |打印

丫媽都超鍚我仔, 專登會由青衣入黎元朗接我仔放學跟住又帶佢出青衣在屋企附近D商場同公園玩, 就係為左唔想佢成日屈係屋企對住工人(我仔K1)...
我知我媽同我屋企人都超錫我仔同埋真係好肯幫我湊, 但問題係佢地已經去到縱的地步，例如我囝叫買咩食買都會照做，食飯玩住玩具唔坐定定甘食，昨晚仲要比我發現佢地比佢用ＩＰＡＤ玩遊戲一路食飯等等。
講真我係ＰＴＭ平時真真正正對到／教育到的時間不多，只有放工後同埋星期六日。主力都係姐姐＋婆婆一星期湊２日甘。但丫仔大過開始愈黎愈知事，會不停講點解婆婆屋企可以在自己屋企就唔可以點點點，又會話婆婆買野比佢點解我唔買野比佢，咩都話婆婆比點解媽咪唔比。
每一次的教育都好似我永遠係衰人，永遠禁止個丫做野。
曾經同我丫媽反映但佢永遠都係哦哦哦又話個仔仲細，老公又會比壓力我，我都唔知可以點。。。
應該點樣講或者點樣做先可以令情況有所改善？

0 0 0

私人傳訊

anyuser18

子爵府

積分: 14110

2^#

發表於 18-11-3 10:36 |只看該作者

yi615615 發表於 18-11-3 10:04
丫媽都超鍚我仔, 專登會由青衣入黎元朗接我仔放學跟住又帶佢出青衣在屋企附近D商場同公園玩, 就係為左唔想 ...

如果老公同你一致
咁你應該對你媽強硬少少
佢若完全唔肯跟，就唔好上來，因為會影響夫妻關係
你掉轉角色諗，如果縱嗰個係奶奶，講極唔聽，你都唔想佢再影響你屋企。

另外，個仔雖然細，但都要教佢。佢識問係好事，你應耐心逐樣教識佢，例如點解婆婆話飲得汽水，媽媽話唔得？佢自己認為得定唔得？已經要教。小朋友係會接觸好多人同事，返學都有唔同說法，你都係要教識佢自己要學識咩要做咩唔好做。呢樣無論嗰個係咪你媽你都要教。