婆媳關係 今日: 0 | 主題: 27770

積分: 2022

1^#

發表於 09-4-6 13:04 |只看該作者 |倒序瀏覽 |打印

我同老公工作好忙, 我自己日頭有份文職full time 工作時間不太長朝九晚七左右.
兩個月前老公開了間小廚, 我就晚晚去幫手. 如是者晚晚二點幾三點訓. 個人已經好唔夠時間休息.
囡囡出世開始就交由99照顧, 我會weedend (星期五晚至星期日就自己湊囡), 但現在已改為一星期一日, 只可以星期六晚湊到星期日.

星期日飲茶99同我講, 佢要去旅行, 一係我請假一係佢帶囡囡一齊去!! 上年佢己經去了台灣一次, 其實現在我所放的假, 全部留比99去旅行用. 但佢一年去咁多次, 間公司唔係我開, 我唔可以話放就放. 而且今次99係通知我. 以前佢都會好好咁話, 如果我放唔到假佢就唔去. 今個復活節假佢本身都想帶囡囡番大陸, 不過老公已經阻止了. 都唔明點解要帶人個囡去玩?? 你去玩, 你咪自己去, 我都無話唔湊囡. 可能我太懶?? 一個人要個一份工, 跟住回家要做工人, 夜d要去老公鋪頭幫手.
放假我都無去玩只係做做做, 終於星期六晚可以湊囡.

有時我都好怪自己, 生個囡出來點解無時間見佢.
但又想唔係現在辛苦d, 搵多d錢, 將來可能更辛苦!!

我99一年去咁多次旅行, 我邊有咁多假放?? 再者我自私, 亦擔心囡囡外遊, 我一直想囡囡第一次外遊係我地一家三口去. 我個囡歲半都未夠, 佢都去過澳門, 上星期就回鄉拜山. 不過次次都係一家三口, 今次囡囡第一次搭fly機. 而且又無爸爸, 媽媽係度, 而99又大頭蝦, 係香港有工人幫佢手, 囡囡換片. 沖涼, 煲粥, 洗奶樽都唔係佢做, 佢連個電煲點用都唔知, 我點放心囡囡去旅行. 當然去旅行就唔會日日煲粥, 亦唔會帶個奶煲好.
不過始終覺得係香港都唔係佢一個人照顧囡囡, 至少有個工人. 現在去度日本, 一陣佢又自己估住睇野, 又亂比野我個囡食. 佢地辛辣麵, 提子趕, 糖, 咖喱魚旦, 膠仔, 九屎垃圾都比我個囡食.

好多時我都唔知, 講真唔係自己湊, 你點講都無用, 你話唔比, 係你背後個囡都唔知食幾多. 但佢只係一歲多d!!

其實我唔知自己想講甚麼??
各位可否比d意見我?? 我應該由99帶囡囡去日本??
還是怎樣做?? 我覺得佢都好唔尊重我, 個囡係我但佢係以通知我的口吻話我知, 一係你請假otherwise 佢帶我個囡一齊去.

0 0 0

私人傳訊

積分: 2022

2^#

發表於 09-4-6 13:07 |只看該作者

其實我有想過唔比囡囡申請passport , 又或者99去旅行我搵人幫我湊囡囡幾日!

咁就99又可以去旅行, 囡囡又可以有人照顧, 不過講真就唔係好放心, 又或者叫99工人照顧囡囡, 係香港99去街都係由工人睇住個囡.

我可以點呀, 由99話點就點. 其實我想佢知道我有個囡最終話事權!! 我係咪好自私???
有人帶個囡去旅行都唔肯??????

私人傳訊

chaklongma

積分: 5958

3^#

發表於 09-4-6 13:30 |只看該作者

我都唔明你驚咩
你99去旅行咪去囉
個女向香港
你有工人架ma, 咪工人湊囉
我兩公婆返工都係工人一個人湊仔架啦
如果工人唔同你地住嘅
你99去咗旅行果妁日咪叫工人同個女返你自己屋企幾日囉
呢d野唔使咁緊張

你個女都歲幾咯, 個工人虾唔到佢嘅
你可以成日打返屋企check 吓佢架ma
放心啦~~~~~~

私人傳訊

ying2

積分: 8253

好媽媽勳章

4^#

發表於 09-4-6 13:55 |只看該作者

原帖由 C9WONG 於 09-4-6 13:07 發表
其實我有想過唔比囡囡申請passport , 又或者99去旅行我搵人幫我湊囡囡幾日!

咁就99又可以去旅行, 囡囡又可以有人照顧, 不過講真就唔係好放心, 又或者叫99工人照顧囡囡, 係香港99去街都係由工人睇住個囡.

我可以點 ...

其實你放囡囡去育嬰院得唔得? 你唔出舖頭幫手可唔可以? 或者出少幾日? 咁你放工起碼可以湊返個囡. 工人自己不能湊女嗎? 有好多媽咪都係返工工人在家湊女.
講真,你咁少時間對住個女,佢會令願跟嫲嫲多d,你都冇得呷醋,佢歲幾已經懂性,你真係要對佢多d呀! 雖然你話身不由已,但其實唔係好付責任,你都原全理唔到佢嘅!
你99都幾十歲,佢行得走得梗係由佢去玩吓,你亦不能因為你エ作唔畀佢去旅行. 我諗你同佢講你請唔到假,但會揾到人湊睇吓佢乜反應先,我諗佢唔會堅持帶孫女去旅行,佢都係諗住你冇人湊佢先帶埋佢啫. 當然畀着我揀梗係自己一家人帶亞囡佢去旅行啦,其他人帶真係一萬個唔放心,萬一亞囡唔舒服佢識唔識照顧? 如果唔見咗真係喊都冇謂! 但你地又可以幾時帶亞囡去? 依家連見面都冇時間! 佢幾時識行識爬識講嘢都睇唔到

錢多多都揾唔晒,夠用就算,錯過晒呢d保貴時刻真係追唔返.
因為你畀99湊孫,所以好多嘢真係冇得好講,老人家嗰套,佢畀乜佢食你唔知,只可以在你見到時加以提點,你激嬲99佢同你作對或者教個孫講d乜仲幣! 所以放在育嬰院或エ人在家湊仲好,起碼有say.

[ 本帖最後由 ying2 於 09-4-6 13:58 編輯 ]

私人傳訊

積分: 2022

5^#

發表於 09-4-6 14:11 |只看該作者

係啦, 其實我都唔會阻止99去玩, 亦阻止唔到!!
如果99去旅行, 囡囡係香港工人照顧, 其實都無問題!! 只係99話要帶個囡一齊去, 我就反對!! 或者我可以同99講講. 最多個幾日叫老公辛苦d, 我唔去鋪頭幫手!!

.

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

6^#

發表於 09-4-6 14:31 |只看該作者

樓主唔好咁嬲, 或者咁諗, 99响去旅行之前同你講聲都算有交帶, 好過聲都唔聲轉個頭帶咗你個女出門~

99都一把年紀, 平時湊小朋友都已經好累...而家積極D諗下點樣安排下囡囡仲好.

私人傳訊

積分: 2022

7^#

發表於 09-4-6 14:56 |只看該作者

其實都唔係嬲, 係擔心多d !! 我都想過由99帶囡囡去玩, 不過始終唔放心!!

私人傳訊

KoyeBaby

子爵府

積分: 12894

醒目開學勳章畀面勳章

8^#

發表於 09-4-6 15:21 |只看該作者

你可以同99講"去旅行係relax嘅,帶埋個bb就玩唔到架啦!bb有工人湊無問題放心,你玩得開心d啦~",咁答咪得體d囉!講真,俾我都唔放心俾老人家自己帶個bb出遠門,你咁諗都好正常~不過真係唔需要咁煩惱,你都話你係媽媽,最終決定權喺你度架!

私人傳訊

積分: 2022

9^#

發表於 09-4-6 16:00 |只看該作者

KoyeBaby , THANKS!!
我想我會以拖字決, 到99真係問我, 我就話請唔到假, 叫工人湊個囡. 相信62都唔會比99帶個孫囡去旅行. 我99有時係傻傻地, 但心地係無野. 個人又大頭蝦, 試過一係唔記得帶奶樽, 一係唔記得帶尿片.

私人傳訊

我愛Corina

瑪瑙宮

積分: 138290

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

10^#

發表於 09-4-6 23:11 |只看該作者

你奶奶咁好呀,肯帶你個女去旅行...我個女都係歲幾,我話請埋奶奶一齊去PARIS佢都唔肯,話小朋友咁煩,帶佢去旅行仲慘過係屋企....

不如一係你返少幾日鋪頭,一係請埋個工人去旅行.....

私人傳訊

littlesister

琥珀宮

積分: 158843

畀面勳章

11^#

發表於 09-4-7 00:11 |只看該作者

既然有工人又駛咩咁擔心呢, 咪叫99工人去你屋企, 日間工人揍, 晚間你(睇少幾日舖)+工人揍囉, 咁咪仲好, 你又可以晚晚見個女, 99又玩得自在d, 講真你99算係咁, 帶個b去旅行唔少野架, 剩係帶野都帶死, 跟本冇得玩, 所以你唔好唔開心啦

私人傳訊

Cat1218

積分: 1690

12^#

發表於 09-4-7 01:06 |只看該作者

原帖由 C9WONG 於 09-4-6 13:04 發表
我同老公工作好忙, 我自己日頭有份文職full time 工作時間不太長朝九晚七左右.
兩個月前老公開了間小廚, 我就晚晚去幫手. 如是者晚晚二點幾三點訓. 個人已經好唔夠時間休息.
囡囡出世開始就交由99照顧, 我會weedend ...

當然唔好俾女女去啦,好危險的,請你媽咪來幫手睇幾日囉,如果真係請唔到,你自己就放病假照顧女女囉.

私人傳訊

積分: 2022

13^#

發表於 09-4-7 16:35 |只看該作者

謝謝各位, 我就係煩惱囡囡去唔去好!!
我心就十萬個不放心, 但又怕係自己自私!!
唔知點解我99成日話個孫週圍去, 上次真係比佢激死我.
佢話帶個孫去加拿大讀幼稚園, 好彩佢d囡都話佢, 咁樣會影響心理, 因為得一個親人, 爸爸媽媽, 所有親戚都係香港.

有時99講野係唔經大腦, 不過佢無心, 但聽者我好mind !! 不過佢始終係長輩, 又知道佢份人其實無野, 只好忍得就忍. 99肯幫我湊囡已經幫了我和老公好大忙!!

私人傳訊

ABBC

子爵府

積分: 13533

14^#

發表於 09-4-7 16:43 |只看該作者

樓主~~俾99睇係咁架喇..!!何況你99真係好好囉..起碼佢會去玩都帶埋你個囡去丫..你都話有個工人..o係屋企都唔使話唔放心...唔似我咁..就真係無人睇果隻丫..我唔明你在怪你99o的咩野囉!你唔想可以叫佢唔使帶你個囡..同埋做人父母就係咁架喇..o的假係俾佢地架喇喎...同埋你99都咁老喇...你去旅行幾多係佢既事..你有工人喇..做既野唔通都要你99分擔咩?咁請個工人黎做咩?ps.我只係講道理..唔係有挑釁成份~!!

私人傳訊

eshiro

積分: 6247

15^#

發表於 09-4-7 16:45 |只看該作者

C9WONG,

huh? no need to think la... "換片. 沖涼, 煲粥, 洗奶樽都唔係佢做, 佢連個電煲點用都唔知" <-- of course 囡囡 can't go with her la~

D 99 sometimes is really out of their mind... thinking the grandchildren is their own children... or treat them like a pet... "成日話個孫週圍去".. giving them snack all the time.... my 99 will give my son dried raisen when she picked him up from the school bus.................. really don't know what she is thinking.. like picking up a pet.

原帖由 C9WONG 於 09-4-7 16:35 發表
謝謝各位, 我就係煩惱囡囡去唔去好!!
我心就十萬個不放心, 但又怕係自己自私!!
唔知點解我99成日話個孫週圍去, 上次真係比佢激死我.
佢話帶個孫去加拿大讀幼稚園, 好彩佢d囡都話佢, 咁樣會影響心理, 因為得一個親人, ...

私人傳訊

kellyly

侯爵府

積分: 24623

好媽媽勳章畀面勳章

16^#

發表於 09-4-7 17:11 |只看該作者

原帖由 chaklongma 於 6/4/2009 13:30 發表
我都唔明你驚咩
你99去旅行咪去囉
個女向香港
你有工人架ma, 咪工人湊囉
我兩公婆返工都係工人一個人湊仔架啦
如果工人唔同你地住嘅
你99去咗旅行果妁日咪叫工人同個女返你自己屋企幾日囉
呢d野唔使咁緊張

你個女都 ...

係lor有工人仲煩d咩呢又唔係無人湊
你咪叫你99照去lor無問題ka

私人傳訊

peggy@_@

積分: 5707

17^#

發表於 09-4-8 04:24 |只看該作者

原帖由 C9WONG 於 09-4-6 14:11 發表
係啦, 其實我都唔會阻止99去玩, 亦阻止唔到!!
如果99去旅行, 囡囡係香港工人照顧, 其實都無問題!! 只係99話要帶個囡一齊去, 我就反對!! 或者我可以同99講講. 最多個幾日叫老公辛苦d, 我唔去鋪頭幫手!!

. ...

無錯,比我都會咁做,最多係99到瞓幾晚囉!要比99知到邊個先係呀媽,邊個話事!
我都係同99一家c6.呀女講,媽咪話唔比邊個夠膽比,唔好話99啦,連呀女e+(35m)想食咩都會問我比唔比先啦!

[ 本帖最後由 peggy@_@ 於 09-4-8 04:25 編輯 ]

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

18^#

發表於 09-4-11 00:17 |只看該作者

你99都算係咁, 去旅行都預埋你個b去, 其實bb咁細, 帶埋去旅行, 帶果個都好辛苦的, 我係你, 就同99講, 想佢玩得舒服d, 留返bb在香港, 比自己阿媽湊又好, 工人湊又好, 你自己都唔駛咁擔心。

講開又講, 我99 365日都照顧我叔仔個女, 唔好話去旅行, 想話去下天壇大佛都好難, 有時我覺得我叔仔兩公婆好自私, 個b由day one 至宜家幾歲, 一日都冇湊過佢, even星期6日唔駛返工, 都各自去左玩打麻雀, 都唔知點做人父母, 宜家仲話會生第2個, 呢d人咁冇責任心, 生一個唔夠, 仲要生第2個...

老人家咁大年紀, 去下旅行都好應該, 有時工作係好忙, 我自己都係full time 返工的, 但bb係自己生出黎, 自己責任最大, 冇理由要人地就自己的。

私人傳訊

積分: 2022

19^#

發表於 09-4-15 12:40 |只看該作者

我99仍然話要帶個囡去旅行, 佢同我講有好多人一齊去會有人照顧個囡. (但d人只會幫手同我個囡玩, 到真係要食, 要訓, 要沖涼又點??) 囡囡係外邊點訓, 會否不習慣?? d 水又如何?? 食又點?? 種種問題. 我一路都唔明, 佢做過人mami 以前老公都係由嫲嫲照顧, 點解99都唔明白我??
總之我點都唔會放心. 而且係香港真係有個工人幫佢手, 好多野佢都唔需操心. 好似個囡的用品, 沖涼, 換衫, 尿片, 奶粉, 全部都係我同工作準備比佢.

雖然去旅行都係幾日, 但99好似好唔個問題係邊. 佢只係想帶個孫一齊去威, 成日好似帶我個囡去出巡咁. 因為我個囡係第一個孫, 真係萬千寵愛在一身, 亦因為咁好多人都叫我自己湊, 因為話實會種壞個囡.

現在四月中, 99 佢地打算五月頭去旅行, 我個囡又無passport, 所以順理成章無得去, yeah !!

我mami 身體不好, 唔可以幫我湊囡, 如果唔係我可以更加大聲.

我明白99為我照顧個囡不是必然. 所以我一路都很感激她, 不過人就是那麼衰, 永遠要求, 不斷想更好. 但我只想個囡好.

[ 本帖最後由 C9WONG 於 09-4-15 12:45 編輯 ]

私人傳訊

eshiro