日本萬人迷木村拓哉嘅15歲細女光希，今年5月以Koki嘅藝名喺模界出道後，挾住「最強星二代」之名，人氣一時無兩。日本有木村光希，而中國就有天后王菲同前夫李亞鵬所生嘅愛女李嫣！今年12歲嘅李嫣，年紀輕輕已經獲唔少品牌睇中邀請行騷，早前佢就去到巴黎時裝周行catwalk，最近仲首度登上雜誌封面，即被猜測係咪正式出道，事關喺9月時，李亞鵬接受訪問，被問是否期待女兒加入演藝圈時，佢回應一切尊重女兒意願，早前行騷多係為咗慈善公益，「跟她進不進娛樂圈沒關係」！
李嫣出生時患有兔唇，李亞鵬接受雜誌訪問時表示：「她今年八月又接受了一次階段性手術，依舊是需要全麻。但她一個十二歲的孩子，卻完全沒有表現出任何恐懼和緊張。倒是我在推着她進手術室前特別緊張不安。嫣兒就笑着跟我說，爸比，我和你自拍一個。我就蹲在她床頭的位置，讓她舉着手機拍了一張。」不過當女兒進了手術室，李亞鵬卻獨自到樓下的馬路邊，悄悄流下男兒淚。而轉眼間已變成少女李嫣在訪問中除咗分享生活，仲想同關心佢嘅人講一聲：「我長大了，謝謝！」
而喺今次所影嘅封面，李嫣換上多套服裝，大晒少女青春氣息，一時調皮一時勁Chok，網民都大讚佢愈嚟愈有王菲嘅氣質，好有天后嘅影子，而樣貌就好似爸爸！
李嫣大晒青春本色！
網民都大讚佢愈嚟愈有媽咪嘅氣質！
李嫣出道與否，李亞鵬話一切尊重女兒意願！
一啲都唔做作！
好有天后嘅影子！
發表於 
返回列表
