吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 不肯結婚3 後續閒聊篇

夫婦情感今日: 3|主題: 42745

收藏本版

發帖

返回列表

跳至頁

查看: 3830 | 回覆: 27

不肯結婚3 後續閒聊篇 [複製鏈接]

mimi26

子爵府

積分: 11716

1^#

發表於 09-4-13 10:08 |只看該作者 |倒序瀏覽 |打印

之前講左,我男友唔多著緊我,又死唔肯結婚,搞到我好灰,直到2個幾星期前有個同事追我,佢條件好好,對我仲好細心,但我同佢講得好清楚有男友,暫時不會考慮...佢說佢會等.

其實聽左各位ｂｋ　ｍａｍａ講，都知我同男朋友應該分開,但一直不捨得.琴日又嗌交啦,佢話我對佢嫌棄,又話我處處針對佢(事源係我叫佢拎起塊厠板去toilet,因為佢成日整到wet,我叫左好多次,語氣係有d炆,但一定冇罵佢)仲話:"你依家有人追丫ma,好威啦,叫餬啦,可以咁樣對我下話? "唔知你地聽到覺得點,我自己覺得好難聽,仲即刻忍唔住喊,我淨係講,"我認呢排我為左工作係有d炆爭,我都道左歉,但我冇做錯d咩,你仲咩要講得咁難聽?"之後我汁野走左啦...其實自佢知我有人追,已經對我好左好多...又報晒旅行咁...原本聽日出發,但佢一日一夜都冇揾返我...我係咪好衰係咪做錯左

佢又成日話為左我同家人不和,我真係好內疚..

而新個個,雖然未一齊,但係佢都同我講左中意我d咩,佢話總之第一眼見到我,已經覺得有好特別既感覺,覺得我就係佢要揾個個人喎

佢話佢之前未試過有咁樣,原本佢分左手半年(拍拖5年散左),個人仲係好頽,但見到我個一刻,即時覺得個世界唔同左,佢話係神既安排喎(佢教徒),所以佢知道佢下半生一定係同我過,無論我個人係點,我有咩經歷,佢一一接受,甚至我有男友,佢都會係我身邊.直到我中意佢.我聽完覺得好不可思議...因為我一d feel都冇,但佢個樣,說話,行動都好真諴,你地覺得佢係講大話嗎??

0 0 0

私人傳訊

premum2006

侯爵府

積分: 20748

好媽媽勳章醒目開學勳章

2^#

發表於 09-4-13 12:23 |只看該作者

追你個男人你冇feel唔駛理佢住喎
你要諗嘅係你仲可唔可以同男朋友一齊
就算未有第二個都唔一定留低架
更加唔好倉卒下同第二個一齊

放低自己，尊重別人
提升內蘊，不為別人為自己

私人傳訊

vet

水晶宮

積分: 52950

好媽媽勳章畀面勳章

3^#

發表於 09-4-13 12:44 |只看該作者

追求者是否好醜樣? 比我lum死, 跟佢走左了

你識唔識佢d朋支? 其實睇吓佢d fd都知佢係咩人? 如果係真教徒從言行舉正應睇得出喎

你男友知有人追你對你好呢樣嘢不會持久, 好快就打回原形

私人傳訊

ckat

侯爵府

積分: 20038

4^#

發表於 09-4-13 13:17 |只看該作者

我都有留意你之前講個D野!
我覺得就算你日後決定同依家個o個一齊, 日後大家心裏面都有一條刺!
無謂再繼續落去!

私人傳訊

MrsHo98

珍珠宮

積分: 47855

好媽媽勳章醒目開學勳章環保接龍勳章

5^#

發表於 09-4-13 13:33 |只看該作者

同意 premum2006 所講....

樓主你似乎系想結婚有家庭嘅那種人...但你話男友唔多著緊你又吾肯結婚...如果佢系因為想有好 d 嘅經濟基礎先同你結婚...就值得再等...但如果佢系那種不為一紙婚書而作出承諾嘅人...再者...佢又成日話為左我同家人不和,我真係好內疚咁...你就更加要考慮清楚...

至於亞 B...暫時吾好為佢嘅說話而打動 (真好假好 )...佢同 ex 拍左拖 5 年都可以分手...你最好了解清楚當中嘅原因吧...5 年吾系短時間...可以話分就分 ???

原帖由 premum2006 於 09-4-13 12:23 發表
追你個男人你冇feel唔駛理佢住喎
你要諗嘅係你仲可唔可以同男朋友一齊
就算未有第二個都唔一定留低架
更加唔好倉卒下同第二個一齊

私人傳訊

858D

珍珠宮

積分: 37985

6^#

發表於 09-4-13 13:40 |只看該作者

1 聽樓主講公司追你那位是教徒。
2 聽樓主講好似現在與男朋友同居。

才提樓主要注意的事項：

如有與同居之男友有如夫妻的性關系的話，而那位教徒又是信聖經的耶穌的人，未開始和那位教徒開始談戀愛時，要先與那位教徒講清楚你與前男友有如夫妻的性關系。讓他時間考慮清楚，看他能否接受到。

男女平等。
因為神認為夫妻的性關系是終生的合約，除了因生死可以解這性約之外，別無其他的理由可解這男女間的性關系的約。如離婚再嫁娶的、婚外性關系的那位與婚外的第3者..神在聖經裡認為是犯奸淫罪。不只是斷約的那對犯了奸淫，後來再嫁娶的（有性關系的）也因為這先頭的性約還沒有因生死中斷而犯了奸淫。

這可能只是本人讀出聖經的神對婚姻、男女性關系的標准。

至於怎樣解決這人與神的衝突呢？每位口說跟隨耶穌的人的方法不一樣。這與本人無關，除非他是我年幼的兒女。本人尊重他人的自由選擇。

萬一追你的那位教徒有雷同的看法，這就要三思而後行了。我不想見到樓主的第二段感情有任何誤會而開始。

祝福樓主的尋找人生伴侶順利成功！過著幸福快樂的生活！

[ 本帖最後由 858D 於 09-4-13 13:46 編輯 ]

私人傳訊

858D

珍珠宮

積分: 37985

7^#

發表於 09-4-13 13:54 |只看該作者

原帖由 MrsHo98 發表

至於亞 B...暫時吾好為佢嘅說話而打動 (真好假好 )...佢同 ex 拍左拖 5 年都可以分手...你最好了解清楚當中嘅原因吧...5 年吾系短時間...可以話分就分 ???

同意，不過我讀不出樓主的陳述是誰提出分手的呢？可能是那女方要分呢？若對方要走，也不能強其要留。

私人傳訊

alik

公爵府

積分: 25507

8^#

發表於 09-4-13 14:38 |只看該作者

點樣都好,我就覺得應該完左一段感情先開始另一段,唔好拖泥帶水.

我自己就比較理性,唔會因為對方落多幾句咀頭就同對方一齊(尤其是會話一眼就知你會係自己既另一半那些),要觀察多d先

[ 本帖最後由 alik 於 09-4-13 14:39 編輯 ]

私人傳訊

MrsHo98

珍珠宮

積分: 47855

好媽媽勳章醒目開學勳章環保接龍勳章

9^#

發表於 09-4-13 15:00 |只看該作者

系...如果系女方提出...除非女方已變心...否則...若然亞 B 系自己嘅理想對象...絕不會放棄 5 年嘅感情...所以要樓主自己去了解當中嘅因由...純屬個人意見

原帖由 858D 於 09-4-13 13:54 發表

同意，不過我讀不出樓主的陳述是誰提出分手的呢？可能是那女方要分呢？若對方要走，也不能強其要留。

私人傳訊

csk家長jj

男爵府

積分: 9041

10^#

發表於 09-4-13 16:34 |只看該作者

我一直都關心你的進展。
性格衰、對你衰、連疴篤尿都疴得衰.......點頂呀？
其實而家唔係要 A or B的問題,而係如何為將來幸福鋪路。若你仍然過著同居的生活,如何抽身呢？如幸運地遇上啱feel的好男仔,那何來有空間發展呢？停一停,想一想吧！

私人傳訊

yuyumon

子爵府

積分: 14526

2025勳章 2025勳章蛇年勳章 2018復活節勳章醒目開學勳章

11^#

發表於 09-4-13 17:19 |只看該作者

咪係....未結婚已經夠多衰格地方,真係肯同你結婚,咪更加將你對待得如地底泥....
真係唔明點解要咁委屈????好多媽咪都勸左你啦.....勸到抆

私人傳訊

王小虎

複式洋房

積分: 169

12^#

發表於 09-4-18 17:43 |只看該作者

((佢話總之第一眼見到我,已經覺得有好特別既感覺,覺得我就係佢要揾個個人喎佢話佢之前未試過有咁樣,原本佢分左手半年(拍拖5年散左),個人仲係好頽,但見到我個一刻,即時覺得個世界唔同左,佢話係神既安排喎(佢教徒),所以佢知道佢下半生一定係同我過,無論我個人係點,我有咩經歷,佢一一接受,甚至我有男友,佢都會係我身邊.直到我中意佢.我聽完覺得好不可思議...因為我一d feel都冇,但佢個樣,說話,行動都好真諴,你地覺得佢係講大話嗎??)) 請不要怪我多嘴講句:妳現任男友其實比妳感覺係食知無味,棄之可惜,因真正的出現,所以暫時心大心細,但當妳一遇上另一個有feel的時候我想妳好快會識比答案現任男友.
另外妳公司的同事所說的....其實不須衡量他是否教徒,說得有幾出色,樣子有幾誠懇...等,要真正看清楚一個人只有一個方法,就是時間.我有個fd就是遇到妳同事那類男人,說的也是差不多啊!她也曾唔以為那男人是教徒,所以都應該是可信的,說的也是(遇到妳是神的安排.後來分開...就係神對佢磨練;有了bb要落和結婚後有女人都係神帶領他行的其中一條路),我fd話這個男人就算對著妳柒情上面地說話,但到頭來都不是事實,他係一個講大話要講到尾那類人,所以是防不勝防.小心

私人傳訊

sosokk

大宅

積分: 2097

13^#

發表於 09-4-18 19:14 |只看該作者

就咁聽你咁講, 你真係要小心..
1.現任男友唔肯結婚,即唔肯去承擔責任..要認真諗清楚
2.男同事追求, 太多甜言密語..更加要小心..可能係真心,亦都可能係花言巧語..要了解多d佢為人先決定

私人傳訊

Vca

男爵府

積分: 5681

14^#

發表於 09-4-19 04:41 |只看該作者

原帖由 mimi26 於 09-4-13 02:08 AM 發表
之前講左,我男友唔多著緊我,又死唔肯結婚,搞到我好灰,直到2個幾星期前有個同事追我,佢條件好好,對我仲好細心,但我同佢講得好清楚有男友,暫時不會考慮...佢說佢會等.

其實聽左各位ｂｋ　ｍａｍａ講，都知我同男朋友應該分開,但一直 ...

其實我想知道 - 點解有同事追妳，妳男友會知? 斷估個同事唔會追到上門啩?!!?? (睇個標題應該係有part 2~ 不過早排我返咗香港一段時間冇上網，只睇過妳最初既topic!)

若果妳對追妳既同事真係完全冇feel 的話，無論佢對妳講過咩說話，妳根本真係可以不理喎~ 亦冇需理佢個樣、說話or 行動whatever 真唔真誠 + 有冇講大話，更加冇必要比男友知道有人追緊妳!

但如果妳想比壓力男友去緊張妳，甚至同妳結婚，而刻意比男友知有人追妳......比在我係妳男友的話，我都會覺得妳喺度向我示威~ 嘈起交上來，妳男友借題發揮都可以理解喎!

既然妳話暫時唔考慮個同事，咁喺考慮妳同男友之間關係既時候，就無謂拉埋人地落水啦! 咁對男友 + 同事都唔公平~~~~~

私人傳訊

radish

大宅

積分: 4439

15^#

發表於 09-4-19 11:30 |只看該作者

樓主,其實你男友同你講D咁既嘢,話你叫緊餬,我真係覺得好難聽,我同我老公一齊十一年,佢真係一次都未試過咁既態度同我講嘢,其實佢依家都咁唔尊重你,我真係唔敢諗佢日後結咗婚會點對你. 其實你同唔同新嗰個男同事一齊唔緊要,問題係你想唔想同你依家呢個男友一齊.

私人傳訊

rose-mag

王國長老

積分: 174175

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

16^#

發表於 09-4-19 14:45 |只看該作者

而家唔係一定要二揀一,你覺得唔好唔啱,點解仲好似要委屈自己,一段感情要雙方都舒服先可以長久,既然佢又為你得罪家人,你又得唔到尊重,何必仲勉強? 另外你同事對你有意但你冇感覺就係冇感覺,真正對一個人好,係唔會令對方有壓力有負擔,無論對方接唔接受你都會以佢幸福為大前提.

唔客氣d講句,你而家係冇資格去選擇你同事,因為你同bf仲係未正式分開. 如果有日你同bf分開,我都勸你要俾時間自己整理心情,諗清楚自己要個咩人同你走未來嘅路,所謂寧缺勿濫,唔好因為怕嫁唔出而"將貨就價",感情從來都係唔應該妥協.

私人傳訊

LUON

大宅

積分: 3466

17^#

發表於 09-4-20 14:30 |只看該作者

我睇左你之前d post, 話你同佢家人唔岩!
但你好似無咩講你真係點解同佢阿媽唔岩,
講真, 如果我係個男仔,
我都唔會同你結婚,
因為你似乎無去解決同佢家人唔岩的問題,
(或者解決唔到, 或者你講得唔關你事)

無錯結婚係兩個人的事,
但諗深一層, 同居才可以說是兩個的事,
一講結婚, 就係兩家人的事,
未結婚已經有婆媳問題,
到真係結左婚,咪夾死個男仔!!!!
又講, 你未同個男仔未結婚已經同佢阿媽有問題,
如果我係個男仔阿媽,
我求神拜佛都望你地快d分手!

事實上,
我有fd佢老公又係同阿媽關係唔好,
佢阿媽唔係好人,
但男人係咁,
佢話佢阿媽點唔好,
但心裡面唔想人地都踏一腳,
如果佢識到個女仔,
肯氹佢阿媽,
而使到佢同阿媽關係好d,
我估佢想結婚的意願大d。

既然你接受唔到佢阿媽,
咁就真係唔好嫁比佢啦!

私人傳訊

mimi26

子爵府

積分: 11716

18^#

發表於 09-4-21 13:00 |只看該作者

唔好意思啊,我去左旅行,所以好耐冇應,其實我同佢家人不和,係因為佢媽唔中意我地成日出去食飯,又話我cool住佢個仔唔比佢返屋企食飯等等,一句講晒佢覺得我搶左佢個仔...佢都當住我地面咁講,佢話自從佢識左我,佢就冇左個仔喎...佢要求星期六日先出街拍拖,平日即使要見,都要返去佢度食囉.但係我地唔中意,拍拖梗係二人世界啦,但我都有返去食下飯架,好少囉.另外又加埋其他,如有次佢地2個嗌交(完全不是因為我,佢地本身已經成日有嗌霎),佢仔唔同佢慶祝生日食飯,同左我去食,(我有叫佢唔好,叫佢一齊食,佢自己唔肯)佢媽知道又當正我衰.其實仲有好多,.佢睇我唔順眼,我咩都唔好咩都錯架啦,相反都一樣,我都唔中意佢.

我個男朋友check我手提sms,所以佢知我有人追,我係冇講過佢知的,都冇諗過要佢結婚啦.反而佢呢排自己對我好好,仲主動話想結婚喎,我問佢咪因為怕我走先咁樣,佢又話唔係,佢話真愛我喎.我有保留,不過我明白各位mama既意思,我已決定離開佢,不論我中意佢都好,相處不來始終冇好結果,本性難移...而新個個,我同佢交待晒,同佢講左我有男友,對佢暫時冇feel住.第時點樣唔知啦,隨緣啦.

好多謝各位maam既意見,最開心係我有勇氣離開佢,睇多d野,原來我都仲有人中意,雖然不知之後會係點,但希望比現在好,至少不用拉鋸!