在台灣出道至今26年的歌手孫耀威（Eric），自加盟星娛樂後，星途從此不一樣，去年尾舉行首個香港演唱會外，同時更榮升內地直播平台的最火網紅。有傳內地直播平台「虎牙」以逾5千萬港元邀他加盟成為「一哥」，成為首位得到內地驗證的港星，而他首次以主播身份在直播平台開Live，短短兩個多小時，只是彈琴唱歌，就吸引了多達350萬粉絲，破了該台最高開Live人次紀錄，一度令Server癱瘓，且由粉絲送贈、可兌現為現金的禮物總值逾7千萬人民幣，據知他一晚就分得7位數港元，坐定齋唱歌兩粒鐘就如此「好賺」，難怪其太太陳美詩亦粉墨登場數秒回饋「貴客」。
勁過EXO成員
直播完後，有指現年46歲的他，其人氣之高連年輕一大截的韓國男圑EXO成員都要輸幾條街，皆因在該平台的「偶像聯賽第一季」中，24歲的世勛及26歲的伯賢，於每周兩個直播間的人氣總和都不及他一半。
無心插柳做網紅
Eric接受電話訪問，對於被封為網紅，他指沒有刻意轉型，一切都是「無心插柳」：「其實我唔係咁熱衷網上平台，只係去年，我喺內地拍劇，見連臨時演員都不停玩『抖音』，我咪又開一個，點知好多粉絲將我啲舊廣東歌、劇集，演唱會花絮放上網『呃』Like，點知都有6千幾萬View，連帶微博激增咗幾百萬，之後再喺另外一個直播平台開Live，次次都有幾百萬人嚟睇。」
計劃開直播演唱會
問到做兩個多小時直播就賺到七位數字，他直言：「成世人都未試過咁多人睇我，我都唔知發生咩事，不過開Live唔係為賺錢，因為做演唱會個數都差唔多，但係因為夠人氣，帶挈到我好多商演騷。」單計1月份，由菲律賓、柬埔寨再到內地，一口氣連做了27場騷，要唱到農曆年三十晚才可以「收爐」，估計他又袋多千萬港元。
唔係為錢
Eric不諱言未來會花更多心血及時間放在內地直播平台，但強調非為錢，而是為理想：「內地好多粉絲因為年紀細，未聽過我啲歌，佢哋將我25年前嗰首《愛的故事上集》當新歌聽，我覺得可以借呢個機會去推動廣東歌，同埋我嘅音樂。」他更計劃在直播平台開演唱會，令各地更多粉絲認識到他的歌。
[p=28, null, left]遊瑞士教太太滑雪
問到工作如此忙，可會推遲生BB計劃？他表示剛和太太陳美詩到瑞士旅行兼探望胞妹，期間亦有完成「重要任務」：「就係教太太滑雪，生BB唔可以谷，要喺浪漫嘅環境下順其自然。」不過旅行期間，他亦不忘開Live，結果又有幾百萬粉絲瀏覽！
孫耀威做內地網紅！
被介紹做「香港四小天王」！
做兩個多小時直播就賺到七位數字！
榮登第一位！
事業家庭兩得意！
就連韓團EXO成員伯賢及世勛都唔夠威威鬥！
不過佢話諗住玩吓，冇諗過咁好反應！
啲彈幕多到呢～
賺咁多錢，梗係要使喺老婆身上啦！
快啲生番個啦！
仲成世人都未試過咁多人睇佢！
發表於 
我讀中學果時勁鐘意佢，有儲晒佢啲CD嫁
唔通又變左人造人
返回列表
