自由講場今日: 163|主題: 1339049

收藏本版

發帖

返回列表

跳至頁

查看: 3780 | 回覆: 55

女兒便急港媽要求護士幫手「抆」??

[複製鏈接]

12 3

s160656

伯爵府

積分: 16923

牛年勳章

1^#

發表於 19-4-2 23:59 |只看該作者 |倒序瀏覽 |打印

本帖最後由 s160656 於 19-4-3 00:01 編輯

誕下子女等如完成家長責任？近日有診所護士分享指，一位怪獸港媽帶女兒往診所求診時，見女兒人有三急，卻要求當值護士陪同上廁所，甚至要負責事後清潔，港媽又指自己「生咗佢出嚟，做咗我應該做嘅本分」，甚至形容為

誕下子女等如完成家長責任？近日有診所護士分享指，一位怪獸港媽帶女兒往診所求診時，見女兒人有三急，卻要求當值護士陪同上廁所，甚至要負責事後清潔，港媽又指自己「生咗佢出嚟，做咗我應該做嘅本分」，甚至形容為女兒處理便便屬厭惡性工作，指「我對手冇掂過呢啲嘢，一次都冇」，離譜言行令人咋舌。
女兒人有三急怪獸媽懶理
診所護士「珍寶豬」今日於其Facebook專頁「診所低能奇觀」發文分享奇遇，她指日前有位港媽帶年幼女兒到診所，候診期間港媽逕自玩手機，女兒則表示欲上廁所，港媽問道：「VV（小便）定嗯嗯（大便）呀」，女兒示意是後者，港媽聽罷即向護士們指：「帶我個女去廁所呀！」
護士們最初以為港媽意思是自己帶去，惟當她見無人回應，竟走前質問事主：「你聽唔到我講咩呀？」事主以為對方不知廁所位置，故回應：「洗手間喺出面啊，呢度有鎖匙。」豈料港媽原來另有所求，

港媽：「你同佢去呀」
事主：「你唔自己帶佢去？」
港媽：「佢要去屙臭臭呀」
事主：「你同自己個女去好正常啊？」
港媽：「我唔會理呢啲嘢囉，我個工人今日放假呀！」
事主：「你係佢阿媽喎？」
港媽：「咁即係點呀？你唔同佢去，唔通我同佢去，我去抹佢PATPAT呀？」

港媽豪言「生出嚟已完成本分」
原來港媽要求護士陪同其女兒上廁所，甚至要負責事後清潔，無理要求頓時令事主目瞪口呆，惟有再次強調：「個女你嘅，你幫佢好正常呀」。惟該位港媽仍不為所動，更語出驚人稱：

「我已經生咗佢出嚟，做咗我應該做嘅本分，佢出世到而家我都唔需要同佢換片沖涼，陪月又有工人又有，我對手冇掂過呢啲嘢，一次都冇。」

港媽其後更出言要脅：「佢一陣喺度去咗嘅話，你買衫褲畀佢換呀...分分鐘貴過你一日人工呀。」事主再三拒絕離譜要求，港媽終於發難，自稱與事主老闆「好熟」，要投訴事主云云。
期間女兒雖主動提出可自行上廁所，惟港媽仍堅持應由他人照顧，向小朋友稱：「你對手唔係用嚟做呢啲嘢㗎！」但無計可施之下，港媽最終只能自行取匙帶女兒上廁所。
網民替工人可憐怪獸父母屢見不鮮
網民紛紛留言指事件匪夷所思，為現今越來越多家長不懂為人父母之道感到惋惜，稱「香港人已經開始進化到唔自己照顧自己仔女嘅地步」。不少網民認為港媽要求極盡無理，指工人工作環境想必十分惡劣。此外亦有留言者分享類似事件，稱曾聽過怪獸家長要求學校老師甚至校工幫子女如廁清潔，稱不懂為人父母之道者可能比想像中更多。

===============
睇睇下, 懷疑緊究竟真定假, 定係作文?
不過如果係真, 就真係暈低