事緣我上個月開始就諗住學日文，一開始就興沖沖走去報N5仲比埋錢。跟住就睇下香港有啲咩日文學校。最出名嘅都係日X，第X日X語，HKU SXXe同埋東XX本語呢幾間。網頁有寫如果讀N5大約要幾錢同埋幾耐，大部份嘅學校都要一年時間先至完成。如果唔用持續進修基金，最平都要5000幾最貴要18,000幾。
咁跟住我喺網上搵搵下，發現原來大陸同埋台灣都開始有人喺網上學日文。一般有兩種方法。第一就係自學，咁我自己自制力較低又唔自律所以呢個方法就唔會考慮。
第二就係網上老師，台灣嘅就大概$150港紙一個鐘，如果大陸就大概70至$100港紙一個鐘。我就膽粗粗走去淘寶買，上個月到而家其實已經上咗四堂。上堂嘅方式就係用iPad or網頁去上，堂上老師用power point教。完咗每一堂之後都會比功課。有問題唔明，亦都可以喺微信嗰度問老師。我諗住嚟緊都會繼續幫襯。
有咩優點?
1. 平: 一堂HK$70-100，1對1
2. 時間彈性: 可以今日book, 明天上
3. 方便: 一開電腦/pad就上到，唔使出街搭車，唔使一次過比成千蚊
4. 買textbook平，上偉大的淘X買都係4X人仔一本書連作業。
5. 上完可以回顧上左既堂
有咩缺點?
1. 沒有同學同你一齊上堂/social
2. 得你一個，鍾意就上，唔鍾意就唔上
3. 有人會覺得網上老師唔專業，講出黎可能會被人笑cheap(不過我認為到時自己真係pass到日文試就冇問題)
4. 要聽得明普通話同睇簡體字
發表於 
之前係<第一>到報過一期，第一堂已經差不多學咗超過一半50音，好趕好辛辛，班房超級細仲要好多人，跟住無學了
但其實好有興趣，多謝你分享更好的方法喔
返回列表
