母乳餵哺 今日: 0 | 主題: 85707

積分: 388

1^#

發表於 19-4-23 05:24 |只看該作者 |倒序瀏覽 |打印

我係新手媽媽一名，希望有人可以解答下我

bb 過兩日滿月，食奶單邊多數都要食半個鐘，跟住會訓一陣，可能半個鐘唔夠又喊再食，比佢食另一邊又食半個鐘… 想問下每次食咁耐係咪正常？

佢有時食完訓一個鐘多啲唔夠又喊要食，其實係咪即係上餐食唔飽？

同埋好多時餵完佢或泵完奶，會覺得個胸有啲酸酸軟軟或好似比針拮咁，係咪都係唔正常？

Thanks

0 0 0

私人傳訊回覆引用

積分: 6477

2^#

發表於 19-4-23 12:58 |只看該作者

回覆樓主:

食嘅間隔唔耐。係因為佢根本未飽,食到攰瞓左。所以要掃風整醒bb再試下佢食唔食。
夠飽先瞓得耐。我細仔初生1個月內每餐可以隔3-4個鐘食,2個幾月大仲戒埋夜奶。

針吉我覺得是造緊奶。酸軟係因為d乳腺管係咁出奶攰啫。以上2種情況我都有嘅。無問題

私人傳訊回覆引用

積分: 6477

3^#

發表於 19-4-23 13:00 |只看該作者

回覆樓主:

仲有食得耐嘅問題,你要留意下佢係咪"係咁食"。食得慢就要提下佢食快d

我會摸下佢手腳耳背等佢醒神d

私人傳訊回覆引用

積分: 388

4^#

發表於 19-4-23 13:09 |只看該作者

dreamboy_man 發表於 19-4-23 13:00
仲有食得耐嘅問題,你要留意下佢係咪"係咁食"。食得慢就要提下佢食快d 我會摸下佢手腳耳背等佢醒神d ...

本帖最後由 momo.f 於 19-4-23 13:11 編輯

多謝你回覆！！

其實阿b 都就滿月，嗰啲針拮酸軟係咪會持續落去架

佢成日食下又停下，我都係咁篤佢面仔架啦，同埋有時佢好大力啜，有時就好似lam lam 下咁，都唔知佢係咪食緊

我仲試過比佢一路食，一路扯住我nipple 喺到fing 頭痛到喊

聽你講完，我覺得佢多數係未飽就訓左，唉，都唔知係咪我奶唔夠，出奶唔順，搞到佢食得咁辛苦… 想泵比佢食，隔兩三個鐘先得嗰兩安

私人傳訊回覆引用

積分: 6477

5^#

發表於 19-4-23 13:40 |只看該作者

momo.f 發表於 19-4-23 13:09
本帖最後由 momo.f 於 19-4-23 13:11 編輯

多謝你回覆！！

如果佢整到你唔舒服你要stop佢喎。話佢知你唔舒服,甚至唔俾佢食一陣,試多幾次佢會明"咁係唔得嘅"佢就唔會再做。

針吉感覺我一時時有,無留意幾時有幾時無啊

lamlam下擺明唔係食緊啦。可以掃下風等你和佢都抖一抖。真是勁食個陣我計過10-15分鐘可以食晒一邊。我泵奶都是差唔多時間。

出奶個d你要對自己有信心。或者你飲多d,湯,食多d上奶野睇下有無幫助

另外泵得少可能係個泵唔夾都唔定,唔一定係你嘅問題

加油

私人傳訊回覆引用

積分: 388

6^#

發表於 19-4-23 13:54 |只看該作者

dreamboy_man 發表於 19-4-23 13:40
如果佢整到你唔舒服你要stop佢喎。話佢知你唔舒服,甚至唔俾佢食一陣,試多幾次佢會明"咁係唔得嘅"佢就唔會 ...

其實我餵人奶餵到好想放棄，但諗下食人奶對佢好啲，再加埋耐唔時見佢食飽個滿足樣，我又唔想忍心放棄

佢有時啜得真係好大力，我簡直覺得佢上下顎好似個夾咁比夾住左咁… 下次再比佢整到咁唔舒服，我真係要試下唔比佢食一陣，希望佢會明啦… 但咁唔比佢食，佢又會係咁扭，又要再氹返佢

頭先佢又lam lam 下，我拉走佢唔比佢食，佢直頭訓埋，換片都整佢唔醒，都唔知佢係飽左定好累唔食…我都催眠自己埋身食多過泵，但見到泵出嚟嗰量真係灰灰哋… 再加上老公成日喺隔離叫我補奶粉比佢，仲灰… 雖然我明佢怕阿b 唔夠食追唔到生長線同我辛苦…

私人傳訊回覆引用

積分: 388

7^#

發表於 19-4-23 13:56 |只看該作者

dreamboy_man 發表於 19-4-23 13:40
如果佢整到你唔舒服你要stop佢喎。話佢知你唔舒服,甚至唔俾佢食一陣,試多幾次佢會明"咁係唔得嘅"佢就唔會 ...

同事話比佢個medela 我，睇怕我都係要左埋佢試下有冇好啲

私人傳訊回覆引用

積分: 6477

8^#

發表於 19-4-24 01:33 |只看該作者

momo.f 發表於 19-4-23 13:54
其實我餵人奶餵到好想放棄，但諗下食人奶對佢好啲，再加埋耐唔時見佢食飽個滿足樣，我又唔想忍心放 ...

啜得好大力好似夾住。應該是含乳暈唔夠深。即是食得唔好。要bb再食過或者你試下推入少少。

佢又會係咁扭?係架,所以試多幾次講多幾次囉。好過整到我唔舒服無奶出無得食呀。

其實我覺得唔好成日睇泵量。泵係永遠永遠少過埋身,作不到準嘅。寧願多埋身好過。

你老公係怕你辛苦啫。應該開心先啱

。我老公係超級人奶主義者。我們從來無諗過補粉。大仔個時全人奶食到2歲。

私人傳訊回覆引用

積分: 388

9^#

發表於 19-4-24 03:44 |只看該作者

dreamboy_man 發表於 19-4-24 01:33
啜得好大力好似夾住。應該是含乳暈唔夠深。即是食得唔好。要bb再食過或者你試下推入少少。

佢又會係咁扭? ...

本帖最後由 momo.f 於 19-4-24 04:05 編輯

問題主要係佢唔張大個嘴，但平時一喊個嘴又好大先比佢吹漲… 我已成日夾硬塞多啲入佢口，又或者襯佢喊推佢頭埋嚟但唔塞實比佢可以調整下條脷… 其實有咩方法可以令佢張大嘴？嗰啲用乳頭掂佢上唇都唔work…

見佢無得食係咁喊我又會心軟

因為而家夜晚11點幾同1點幾2黚嗰餐，我都係泵出嚟比老公用樽餵，等我有得訓下，而泵得2oz 真係唔夠佢食，咁會搞到佢4點幾又醒，我又要埋身餵到67點先有得訓，真係會嘔泡

其實我自己都唔鐘意泵，好煩… 只係阿b 早左成個月出嚟，醫生叫我隔餐泵比佢食，等佢重快啲… 同埋比佢咬損左，唔轉泵就有排唔好…

私人傳訊回覆引用

積分: 388

10^#

發表於 19-4-24 04:03 |只看該作者

dreamboy_man 發表於 19-4-24 01:33
啜得好大力好似夾住。應該是含乳暈唔夠深。即是食得唔好。要bb再食過或者你試下推入少少。

佢又會係咁扭? ...

希望只係我諗多左，有時覺得佢唔係咁想我餵阿b 食人奶，搞到我覺得好唔開心… 又成日問我阿b 食幾多，埋身食點知啫，但濕片數目應該達標，仲要日日咁多poo poo 屙… 如果星期五去健康院個體重又唔達標，返嚟佢肯定又會叫我唔好埋身，泵比佢食，人奶唔夠就再補奶粉，唔好下下埋身。

問題係我泵唔出，唔埋身食就更加唔洗旨意會夠奶比阿b，跟住佢又會話佢明，但成件事唔只係我追唔追夠奶，而係阿b 有冇大… 佢次次咁講都令我好想放棄。

好唔開心好想喊但佢又唔明白，而家搞到我比阿b 整痛我想有人安慰下都唔敢同佢講！

好羨慕你全人奶到阿仔2歲！但全期都埋身？

私人傳訊回覆引用

bosch

瑪瑙宮

積分: 128515

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

11^#

發表於 19-4-24 07:11 |只看該作者

momo.f 發表於 19-4-24 04:03
希望只係我諗多左，有時覺得佢唔係咁想我餵阿b 食人奶，搞到我覺得好唔開心… 又成日問我阿b 食幾多，埋身 ...

你餵得唔錯, 已經入緊直路, 你想餵咪繼續.

真係啜既話, bb 下顎至耳珠會郁, 有飲奶聲, 背脊微微震. 如果個咀只係梅梅下咁, 即係當你係人肉奶咀. 我覺得你開始識分得出佢幾時飲奶.

bb 夠6塊濕片, 咁你唔駛擔心你唔夠奶, 食得多痾得多丫麻.

注意bb 飲得夠唔夠後奶, 後奶多d 脂肪又襟飽, 前奶多水用黎解渴. 如果每次餵兩邊, 下一餐要餵上一餐最後餵果邊, 例如今餐係先左邊後右邊, 下一餐就要先餵右邊. 仲有人奶易消化, bb 快肚餓都唔奇. bb 有時啜奶攰, 好快瞓左, 之後好快起身要飲奶, 咁咪照餵, 冇所謂, feed on demand 就得, 係你攰d 啫, 遲d bb 咀仔再有力d 時, 啜奶技巧又好左時, 自然唔會成日喊肚餓.

你feel 到針拮正常, 過多幾個月就會冇, 到時你又可能會掛住呢種 (同埋石頭胸) 感覺.

補奶粉唔係增肥既保證, 我二仔三女4個月開始要補粉, 體重一樣跌.

你明明夠奶, 唔駛仲要泵, 搞到多幾樣家務做, 睇住奶量又大壓力. 至多間中泵一次俾老公餵, 等佢過下餵奶癮.

如果你唔夠奶 (BB 唔夠尿), 或者夜晚你地兩個想好好地瞓, 可以堅持夜晚補一餐奶粉, 大家有幾個粒瞓下. 雖然話夜晚餵奶對造奶更好, 但你有覺好瞓都好緊要, 希望可以造多d 奶, 我大仔係咁, 第一個月夜晚補奶粉, 之後轉到去全人奶.

其他野唔好諗咁多, 老公唔明可以慢慢解釋, 其他野唔好理, 想呻上黎呻好過!

私人傳訊回覆引用

積分: 388

12^#

發表於 19-4-24 10:56 |只看該作者

bosch 發表於 19-4-24 07:11
你餵得唔錯, 已經入緊直路, 你想餵咪繼續.

如果唔係食人奶對佢好，我放棄左啦，只係而家右邊好似停滯不前咁，成日整損，佢又好似唔鐘意食右邊咁

佢就算左邊食到，我都見唔到佢耳珠郁，吞奶聲都係久唔久先聽到… 死啦，佢其實係咪左邊都食得麻麻哋

而家只要佢lam lam 下，我就會篤佢面珠要佢食，篤多幾次唔so 我就唔比佢食住

其實數濕片有啲難，因為啲片往往都有埋poo poo

但加埋換片佢喺到噴尿，無理由唔夠濕片

其實佢要食幾耐先食到後奶？

我而家多數只餵到一邊，佢會訓陣，醒我就比另一邊佢食… 希望佢快啲啜叻啲啦

私人傳訊回覆引用

積分: 388

13^#

發表於 19-4-24 11:03 |只看該作者

bosch 發表於 19-4-24 07:11
你餵得唔錯, 已經入緊直路, 你想餵咪繼續.

我要成四五個鐘先可以谷到個胸咁… 因為有時我老公見我訓左會走去比奶粉佢食比我訓，但往往訓醒就奶野啦

我而家泵都係得閒先泵，阿b 啜完都要比自己抖下架，尤其係餵右邊，成日比佢扯，痛到爆炸… 泵出嚟只係比我老公餵一。兩餐等自己有得訓下

其實我好驚半夜比阿b 食奶粉，因為佢嘔過三次奶，三次都係餵左奶粉… 我好驚佢嘔我哋又訓左唔知搞到佢濁親，咁就大煲飯啦… 咁？辛苦先有佢同生佢出嚟…

好彩呢到仲有人聽我呻同比意見我，否則我真係人都癲，多謝你哋

私人傳訊回覆引用

積分: 6477

14^#

發表於 19-4-24 12:12 |只看該作者

回覆樓主:

你可能是右邊多d奶。試下肚餓俾佢食左邊先,盡量平衡返奶量。我餵大仔個陣就搞到大細邊胸(奶量),越差越遠,後來佢唔肯食少個邊啊

今胎刻意改善而家可以兩邊出到咁上下奶量啦

私人傳訊回覆引用

積分: 6477

15^#

發表於 19-4-24 12:15 |只看該作者

回覆樓主:

你有無用側臥式餵啊？半夜餵都唔辛苦架。又可以刺激奶量。既然你老公起身餵得奶粉,不如叫他抱俾你瞓住餵,餵完抱走仲方便

私人傳訊回覆引用

積分: 388

16^#

發表於 19-4-24 12:16 |只看該作者

dreamboy_man 發表於 19-4-24 12:12
你可能是右邊多d奶。試下肚餓俾佢食左邊先,盡量平衡返奶量。我餵大仔個陣就搞到大細邊胸(奶量),越差越遠,後 ...

我應該係左邊多奶啲，一係就左邊出得順啲… 一泵就見到左邊多右邊15-20ml

雖然佢好似唔多鐘意食右邊，但我會逼佢食

私人傳訊回覆引用

積分: 388

17^#

發表於 19-4-24 12:22 |只看該作者

dreamboy_man 發表於 19-4-24 12:15
你有無用側臥式餵啊？半夜餵都唔辛苦架。又可以刺激奶量。既然你老公起身餵得奶粉,不如叫他抱俾你瞓住餵,餵 ...

唔太識用，整極都唔啱位咁

同常我老公兩點嗰餐奶佢餵係因為佢未訓，同阿b 喺廳，除非訓練到我老公識用我個胸餵奶比阿b 食，否則我都係要爬起身餵，或佢自己走去開奶粉 / 坐熱泵左嘅奶

私人傳訊回覆引用

積分: 6477

18^#

發表於 19-4-24 15:09 |只看該作者

momo.f 發表於 19-4-24 12:22
唔太識用，整極都唔啱位咁

同常我老公兩點嗰餐奶佢餵係因為佢未訓，同阿b 喺廳，除非訓練到我 ...

最好學識側臥式。真是超舒服。又唔駛擺位又唔駛扶。我而家都是邊餵奶邊覆你

bb適應力好強。我2個都是出院返屋企一教就識

私人傳訊回覆引用

積分: 6477

19^#

發表於 19-4-24 15:13 |只看該作者

momo.f 發表於 19-4-24 12:22
唔太識用，整極都唔啱位咁

同常我老公兩點嗰餐奶佢餵係因為佢未訓，同阿b 喺廳，除非訓練到我 ...

只不過係你側身瞓,放bb埋黎,bb側身,要搵野攝高背部(位置是頸以下開始,佢食夠都可以仰後個頭甩返乳頭)。我就用30cm size公仔。醫院教用浴巾捲成一條。放bb頭埋黎等佢自己食。好易架咋

私人傳訊回覆引用