Hi KittyKittylolo ,2個月左右BB一日大概瞓15小時,睡眠由熟睡、淺睡等循環階段組成,當BB係淺睡狀態時,會比較容易被周圍嘅聲音驚動/醒左,媽媽試下用拍背、按摩黎安撫BB情緒,媽媽氣味會令BB有安全感,可以試下俾佢蓋有媽媽氣味嘅BB被瞓,睇下有冇幫助。另外, BB腸道發展未成熟容易有肚風,肚風係比較常見令BB瞓得唔好原因, BB肚仔有冇漲漲實實? 放唔放到屁? 媽媽有冇同BB按摩肚仔嗎?
初生BB腸道未成熟容易有肚風,肚風除左掃風時候"er"出黎之外都可以由放屁排出,BB有放屁都代表腸道有蠕動,如果BB唔習慣按肚,可以飲奶前掃風,或者將BB平躺左右腳輪流提高(好似踩單車咁),都幫到BB腸道蠕動和放屁架,BB仲細便便仍未有一定規律,可以一日幾次或者幾日一次便便,只要便便質地係軟身/糊狀就ok 呀,BB便便會唔會硬呀?