懷孕前後 今日: 3 | 主題: 330350

積分: 579

1^#

發表於 19-7-20 04:33 |只看該作者 |倒序瀏覽 |打印

生完記性真係差好多，唯有趁仲記得嘅時候記低咁重要嘅一刻~

本來預產期係08.O2~結果囡囡係07.10提早出世。因為我有高血壓同埋上胎早產(34周4)嘅關係，所有產檢都係瑪嘉烈度進行。
35周產檢嘅時候，醫生仲俾埋催生期我，07.25(38周5)入醫院催生…點知人算不如天算，我係07.04晚高血壓加上頭痛入咗產房住咗4日，仲好驚趕唔切係大囡嘅家長日同結業禮出現…好在，訓咗4日醫生俾我係07.07返屋企休息，催生期仲提早咗係07.12。點知……

07.09下午開始頭痛，血壓又開始上升(上壓超過140/下壓超過100)。同老公商量夜晚入院，有晒心理準備要住到12號催生先走得。夜晚食飽飯沖埋涼，拎晒走佬袋同大囡講，媽咪要去醫院生妹妹，過幾日先返~大囡仲好乖咁say goodbye !

夜晚10：00去到瑪嘉烈產房，推門入去就同姑娘講高血壓頭痛唔舒服。例牌姑娘就問我同老公拎身份證登記，仲叫老公去搞入院手續。，而我就去換衫做檢查。換好衫檢埋糖尿、尿蛋白都冇事，訓上床量血壓。一量就大鑊，170/120! 醫生即刻入黎量多幾次，結果最低都有150/110…醫生即時決定幫我催生!

由決定催生果一刻，每隔5分鐘就要量一次血壓。同時兩邊手都俾姑娘種咗豆。一邊打降血壓藥，抗抽筋藥，一邊準備打催生藥、抗生素。因為囡囡未足37周(其實都係差1日啫)，醫生打埋強肺針(打咗patpat，唔係好痛)

一路聽住自己啲血壓冇跌落黎…醫生同姑娘不斷地將血壓藥嘅分量加重，20、40、60、80…聽到我自己都好緊張。不過心諗至少順產可以有老公陪產，都放心啲。吊藥同時問埋姑娘老公幾時可以入產房，姑娘只係話有開度數就會叫老公入黎…唯有打電話同老公講，請老公返屋企拎埋尿片同其他嘢再返產房等…心諗應該冇咁快生得~

夜晚11點幾，打咗好多次血壓藥都唔降嘅同時，醫生換咗第2隻更重嘅藥…打完終於開始慢慢降返啲血壓。呢個時候，醫生檢查埋宮頸，話如果夠軟就直接吊催生藥，唔使塞。佢隻手係下面"了""了"下…就話，宮頸已經軟咗啦喎~咁我地唔塞藥直接吊催生藥俾你生𠺢啦！你準備定今晚都生得出𠺢啦！之後就有姑娘入黎幫手插尿喉…

由12點幾開始催藥果一刻，姑娘已經問使唔使準備打止痛針，我仲口快快話都唔痛唔使~差唔多到半夜1點幾，開始有子宮收縮嘅感覺…小小痛，但可以忍受~仲得閒問姑娘我老公到咗未。又隔咗30分鐘，啲收縮嘅痛慢慢愈黎愈有規律，痛嘅時間亦都長咗。痛起上黎唯有係度口吸鼻呼…嘶嘶聲咁自己同自己講痛…仲勁驚俾人鬧我嘈~點知都係俾姑娘聽到，佢好好心咁問我使唔使聞笑氣，因為之前上網睇聞笑氣會頭暈同嘔…我唔想嘔，所以我拒絕咗，同姑娘講唔使住，真係頂唔順先聞。可能因為咁…姑娘係間房度行出行入睇下我有咩需要。

半夜2點鐘，宮縮嘅痛愈黎愈長，時間亦愈黎愈密。密到我開始頂唔順，哎咗2聲…真係好痛。但又唔敢縮埋自己，唯有請姑娘檢查下宮頸開未，俾啲希望自己。點知一檢查…未開〒▽〒但姑娘話已經好薄，應該今晚生得到。佢見我咁耐都冇話聞氣，就主動同我講俾我聞，因為實在愈黎愈痛，我應承咗聞氣。係收縮得最痛嘅時候聞一聞，真係好似好少少，但其實都一樣咁痛…聞大啖啲，真係wing wing地咁…

半夜2：30，陣痛愈黎愈密，愈黎愈痛。聞氣嘅動作都多咗…姑娘就話如果冇陣痛個陣都仲有想痾嘅感覺就出聲。痛咗幾下，真係好似佢地講咁，冇痛仲係有啲想痾嘅感覺，唯有叫姑娘檢查多次~點知係檢查之前又突然開始痛，仲要係勁痛…好似就痾得出…我即刻大叫姑娘話，唔得喎~好痛好似就痾咗出黎啦！姑娘即刻伸手檢查…一檢查…哇！開咗8指!佢嗱嗱臨同我講，你突然開8指，我地要準備幫你生啦！忍住唔好痾呀～我叫你先生入黎。但係因為要有兒科醫生在場，老公只可以同我講2句嘢就要出去等，唔可以陪產。我聽到呢度已經好想喊…一心以為有老公陪，點知係唔可以(Ｔ▽Ｔ) 轉頭老公就著晒紫袍入黎，佢見我兩隻手插晒針，痛起上黎又聞氣個樣，嚇到佢呆咗。淨係識問我冇事吖嘛？要撐住呀…佢成把聲都震晒，我都已經冇咩力同佢講嘢，淨氣識講好痛…但會撐住。交代完老公通知屋企人之後，老公就俾姑娘帶返出去了…

由2：30~2：40，我由開8指變左fully open。快到啲助產士啱啱set up 好就要生…係痛嘅時候出力…出咗幾下，氣都換唔切咁滯~結果用力咁痾左4、5下，助產士就話得啦！唔好出力啦～但係用開力突然收唔切，好在佢提我放開把手，一放手個人就鬆咗…突然就聽到佢地講BB出世啦!耳邊即刻聽到囡囡喊勁大聲…仲覺得個肚鬆晒~ 最後，我用咗7分鐘生咗囡囡出黎，冇剪冇爆冇會陰傷口…非常好彩!

生完囡囡之後，仲等咗一陣痾埋個胎盤出黎。而囡囡檢查咗冇事就推咗出去俾老公睇再送上病房先。我就因為高血壓唔可以上房，要留係產房24小時斷水斷糧觀察情況…果24小時，訓到我腰斷咁滯。最慘就冇得㩒電話…除左訓覺，就係訓覺…到晏晝探病時間先見到屋企人，夜晚先見到老公…整整24個鐘之後，先冇事俾人推返上產後房，仲住咗4日先走得。

而家出咗院係度坐月，忙到天昏地暗。不過望住囡囡訓覺個樣，總算痛都抵返晒啦！

0 0 0

私人傳訊

Wonda

積分: 992

2^#

發表於 19-7-20 16:34 |只看該作者

violet86 發表於 19-7-20 04:33
生完記性真係差好多，唯有趁仲記得嘅時候記低咁重要嘅一刻~

本來預產期係08.O2~結果囡囡係07.10提早出世。 ...

嘩睇到我好緊張呀媽媽！我又係有個大女，細女又係瑪嘉烈生預產期八月四號，希望我都一切順利！恭喜你們一家。

私人傳訊

李露眉

水晶宮

積分: 55992

3^#

發表於 19-7-20 16:47 |只看該作者

回覆樓主:

我都同你一樣，血壓高催生，37周，陣痛好攞命，六個鐘，push左三下咋

佢話可以打無痛
既然拖左我兩個鐘先打，話產房無位，到有位又等麻醉師，打得黎我都生左
白涯一針

私人傳訊

積分: 579

4^#

發表於 19-7-20 17:28 |只看該作者

Wonda 發表於 19-7-20 16:34
嘩睇到我好緊張呀媽媽！我又係有個大女，細女又係瑪嘉烈生預產期八月四號，希望我都一切順利！恭喜你們一 ...

祝你一切順利(≧ω≦)/

私人傳訊

積分: 579

5^#

發表於 19-7-20 17:31 |只看該作者

李露眉發表於 19-7-20 16:47
我都同你一樣，血壓高催生，37周，陣痛好攞命，六個鐘，push左三下咋

佢話可以打無痛

我啱啱陣痛果陣都唔覺得，係到後面開8指先痛到頂唔順好想痾 ٩(✘д✘๑;)۶
無痛我就冇諗過…因為我怕針(°ー°〃)

私人傳訊

李露眉

水晶宮

積分: 55992

6^#

發表於 19-7-20 17:32 |只看該作者

violet86 發表於 19-7-20 17:31
我啱啱陣痛果陣都唔覺得，係到後面開8指先痛到頂唔順好想痾 ٩(✘д✘๑;)۶
無痛我就冇諗過…因為我怕針( ...

由四度開到8度最痛，係個b湧出黎但唔屙得

私人傳訊

Wonda

積分: 992

7^#

發表於 19-7-20 18:15 |只看該作者

violet86 發表於 19-7-20 17:28
祝你一切順利(≧ω≦)/

媽媽想問下你大女同細女相差幾年呀？因為我大女已經五歲，諗緊隔咁耐第二胎未必會開得快生得快。我已經開始緊張喇，因為好多人同我講第二胎痛好多又會早啲生。

私人傳訊

積分: 579

8^#

發表於 19-7-20 20:00 |只看該作者

回覆 Wonda 的帖子

我大女都係5歲呀～我都估唔到突然開得咁快😅

私人傳訊

積分: 1206

9^#

發表於 19-7-21 02:52 |只看該作者

violet86 發表於 19-7-20 04:33
生完記性真係差好多，唯有趁仲記得嘅時候記低咁重要嘅一刻~

本來預產期係08.O2~結果囡囡係07.10提早出世。 ...

我又係因為高血壓成日on and off 入a3..出到黎血壓其實都係高，係打側訓先ok..你屋企d血壓係訓平度定打側度?

私人傳訊

Mylove2017

積分: 647

10^#

發表於 19-7-21 03:11 |只看該作者

睇到D字都覺得腳軟

私人傳訊

Wonda

積分: 992

11^#

發表於 19-7-21 03:24 |只看該作者

violet86 發表於 19-7-20 20:00
回覆 Wonda 的帖子

我大女都係5歲呀～我都估唔到突然開得咁快😅

本帖最後由 Wonda 於 19-7-21 03:24 編輯

我

地咁啱嘅姐姐都係5歲。希望今次妹妹可以快點出來，唔使痛好耐啦。

私人傳訊

積分: 579

12^#

發表於 19-7-21 14:49 |只看該作者

回覆 missdpig 的帖子

未生之前我係坐係度量，係醫院就側訓先合格囉～

私人傳訊

積分: 1206

13^#

發表於 19-7-21 18:37 |只看該作者

violet86 發表於 19-7-21 14:49
回覆 missdpig 的帖子

未生之前我係坐係度量，係醫院就側訓先合格囉～

我而家打側度先14x / 87...間唔中度到13x/7x, 已經入過院加藥好多次，係咪要再入

本身book jor 38w 催生，而家先35w2d..

私人傳訊

積分: 579

14^#

發表於 19-7-21 21:29 |只看該作者

回覆 missdpig 的帖子

你咁都唔算好高𠺢啦…不過如果有水腫同頭痛就一定要返醫院呀～我果陣係屋企量係次次都14×/10×，再加上頭痛。所以唔去醫院唔得

私人傳訊

積分: 1206

15^#

發表於 19-7-22 00:46 |只看該作者

violet86 發表於 19-7-21 21:29
回覆 missdpig 的帖子

你咁都唔算好高𠺢啦…不過如果有水腫同頭痛就一定要返醫院呀～我果陣係屋企 ...

知道....好驚呀我..屋企好多野都未搞掂，唔想咁突然要入去催生..我仲需要時間

私人傳訊

babyM_babyM

複式洋房

積分: 273

16^#

發表於 19-7-22 08:45 |只看該作者

missdpig 發表於 19-7-22 00:46
知道....好驚呀我..屋企好多野都未搞掂，唔想咁突然要入去催生..我仲需要時間
...

我係生完高到16x/11x 比人送返產房觀察24小時。好難受。我又剛開刀完落唔到床。同樓主情況一樣。生前13x/8x 有時12x/8x。我好明您感受。果24小時係黑房一樣。手有2個豆。訓又訓唔到24小時。防抽筋藥又"那” 。

私人傳訊

積分: 1206

17^#

發表於 19-7-22 10:32 |只看該作者

babyM_babyM 發表於 19-7-22 08:45
我係生完高到16x/11x 比人送返產房觀察24小時。好難受。我又剛開刀完落唔到床。同樓主情況一樣。生前 ...

我之前幾次高血壓有入過產房先上A3, 真係好恐怖..佢地淨係不停觀察你，但唔會理你需要乜，水又唔俾飲野又唔俾食(醫生講左可以飲食)，電話唔用得又無電視..等死咁..

私人傳訊