少年成長今日: 0|主題: 16075

收藏本版

發帖

返回列表

跳至頁

查看: 4737 | 回覆: 1

旅行回憶錄 [複製鏈接]

csir3290

子爵府

積分: 12347

1^#

發表於 19-8-18 12:01 |只看該作者 |倒序瀏覽 |打印

上次講開去旅行會叫佢哋帶本筆記簿，除咗記低每日買咗啲乜嘢用咗幾多零用錢同埋淨低幾多可以用之外，仲會叫佢哋每日都記低自己一件最深刻嘅事或者最記得最鍾意嘅地方，好似寫日記咁。

開頭叫佢哋做嘅時候其實佢哋都有少少反對，但係我同佢哋講每日只係需要花大約5至10分鐘就可以做完，家姐高年班啲就用寫嘅方式，細佬就話唔識寫咁多字，但佢鍾意畫圖畫，所以就畀佢畫圖畫然後加一兩句去描寫。寫嘅內容好廣泛可以係記低佢嗰日去過最深刻印象嘅地方又或者佢最鍾意嘅地方又或者係佢最深刻發生嘅一件事總言之就係佢想寫乜嘢關於旅行嘅都得。因為時間短同寫嘅嘢唔多，佢哋試咗第一日之後覺得唔係好影響所以亦都唔反對，之後仲習慣咗一返到酒店家姐沖涼嘅時候就細佬就寫，到細佬沖涼嘅時候就家姐寫總之返到酒店第一件事唔係開電視而係執好嘢預備沖涼嘅時候大家就用五分鐘至10分鐘靜靜地坐喺度寫。

家姐之前曾經畀佢嘅中文老師話過佢作文有好多好好嘅諗法但係整理得唔係咁好，所以我同老婆都諗方法點樣幫佢。其中去旅行都等佢寫吓嘢可以幫佢喺一日入面發生咁多事整理一下，然之後點樣有組織咁寫返出嚟。家姐而家去旅行每一晚都會用圖表方式先整理咗一日嘅行程，然之後先至喺入面搵一樣佢最深刻嘅事，然後用多一段文字去寫返嗰件事出嚟。咁樣又似乎好似幫到家姐去整理下自己嘅諗法對佢作文有啲幫助。細佬見到家姐做，佢又覺得好似順理成章咁佢又跟住做，每一日佢都會喺筆記簿上面畫張圖畫然之後寫兩三句講吓點解佢會畫呢幅圖畫。

近呢幾次旅行我哋都係咁做，佢哋都習慣咗。試過去完旅行之後返到屋企一齊攞番筆記簿出嚟睇，大家對旅行嗰個嘅回憶同埋過程又會深刻啲，又會再睇返曾經發生過嘅事其實都係一個好好嘅回憶，所以我覺得去旅行叫佢兩姊弟寫下呢啲旅行小筆記其實都幾有幫助。