我睇到第七集，中間有D情節係估到，但入面人物同情節有D未盡合理。純粹當一套女主奮鬥史睇可能OK，但如果真係睇晒原著又鍾意的話會幾難接受，人設男主係先天體弱，文功高但因為體質問題，一動用內力就會瀕死邊緣，但正如有JM話，秦俊杰太大隻，個樣唔夠病態，少年演員瘦瘦高高又白，真係似病君，秦俊杰本身太壯，個裝又唔病態，只係冇咩表情就當自己演病弱厭世咁款冇說服力。女主少年演員顏值高（係演少女楚喬果個演員），相對女主就弱晒，明明佢係血薇主人，但成日一身白衣，而拜月教人就全紅衫，好怪，我初初以為編劇會安排女主俾拜月教虜去後洗腦，點知又唔係。到佢見番蕭憶情時，個樣花痴得太離譜，同佢之前初見時冷漠好唔夾。
暫時冇嘢好睇過下日晨尚可，但我一面睇書，難保唔會跳船。
花旗太太生活在花旗國，留意時差，你問我未必即時答到。
發表於 
返回列表
