吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 在美國出世女兒想DSE後回美國讀書

國家地區媽媽會今日: 0|主題: 20263

收藏本版

發帖

返回列表

跳至頁

查看: 7175 | 回覆: 27

[美國] 在美國出世女兒想DSE後回美國讀書 [複製鏈接]

soscso

洋房

積分: 63

1^#

發表於 18-12-25 16:51 |只看該作者 |倒序瀏覽 |打印

本帖最後由 soscso 於 18-12-25 16:52 編輯

如題，女兒出生取左美國護照後就跟我們回香港。現在在香港讀津貼中學。想在DSE後回洛杉磯讀書，請問大家知不知道升學條路是如何？我想過可能讀2年 community college之後，才入大學，對嗎？學費是計 local 或是 foreigner?

如有相關網頁可以分享下嗎？謝謝，聖誕快樂

0 0 0

私人傳訊

hp666

大宅

積分: 1470

2^#

發表於 18-12-27 17:37 |只看該作者

有些大學可以考試直入，慳返2年community college既時間，你可以試看看。當時NY係當resident學費，其他洲份也可能是吧。

私人傳訊

soscso

洋房

積分: 63

3^#

發表於 18-12-27 21:22 |只看該作者

回覆 hp666 的帖子

謝謝你， thank you 😊

私人傳訊

wandoubaby

複式洋房

積分: 489

4^#

發表於 18-12-28 06:15 |只看該作者

本帖最後由 wandoubaby 於 18-12-28 08:09 編輯

回覆 soscso 的帖子

咁要睇你女兒在哪裡有residency。佢今年幾歲？

阿女在美國出世，肯定是U.S. Citizen，你首先要幫佢set 個居民身份在加州（California Residency），我建議你可以參考下各大院校的網頁。

學校一般會要求你在加州住夠一段時間（Physical Presence），並出示證明表示學生會在加州長住（Intent）。例如Mt. SAC和加州公立大學（University of California）就要求十八歲以下人士的父母必須在學生入學前在加州住夠366天（一年零一日）；夠十八歲而未夠十九歲的，就要學生本人同父母都在加州住夠366天；過咗十九歲的，就要佢本人住夠366天。無法達到上述標準的，就要俾non-resident學費。證明Intent可以出示相關有效文件，例如：地址證明、有效租約或屋契、駕駛執照、銀行戶口證明、稅單、水電煤單等。

當然還需要出示financial support 證明，呢啲你都可以參考各大院校規定，應該都大同小異的。

可以參考UC 的說法：

Undergraduates: If you’re a nonresident undergraduate student with nonresident parents, obtaining California residency for the purposes of tuition is extremely difficult (this includes transfer students from community colleges and other postsecondary institutions within California). Virtually all nonresident undergraduates with nonresident parents remain nonresidents for the duration of their undergraduate career at UC.

我十幾年前在加州讀高中時，有不少會考生會過來讀一年高中（十二年級）再讀大學，升學可以分兩條路，一條是兩年community college + 兩年university；另一種是直接入讀四年university。我個人覺得兩條路都冇乜所謂，因為不論是哪條路，最後張畢業證書都是university 出的。我曾有一同學失意會考，讀完十二年級後（佢英文同成績一般，冇考SAT），入讀一所community college，兩年內發奮讀書谷GPA，結果讀完兩年就transfer 左去Berkeley，名校畢業非常開心。唔止佢一個，好多同學都係咁做的。因為入讀public high school，只要你有住址，去返所屬校區申請就得。讀完一年，你入邊間大學或者community college 都冇所謂，因你已是加州居民。其實讀多一年high school 幾好的，可以俾阿女一啲時間適應下，同埋練好啲英文，對佢將來讀大學都好啲。讀community college 我亦不認為是浪費時間，因為打好語言同學習基礎好重要，適應美式學習環境更更重要。我自己做開大學，見過不少學生太急進想要早早畢業，適應不來，可以出現好多問題（包括學習同心理上的）。

所以肯努力又不怕辛苦的話，這邊升學路大把機會。

私人傳訊

soscso

洋房

積分: 63

5^#

發表於 19-1-7 11:47 |只看該作者

謝謝wandonbaby

私人傳訊

smallmui

大宅

積分: 3069

6^#

發表於 19-3-26 12:52 |只看該作者

wandoubaby 發表於 18-12-28 06:15
回覆 soscso 的帖子

咁要睇你女兒在哪裡有residency。佢今年幾歲？

我囝在US 讀了2年HIGH SCHOOL, 2 年CC, TRANSFER 去UCLA, 但都要交NON -RESIDENT tution, 大學回覆因為PARENT 冇報稅(要提供2年報稅表) , 就算有租地方, 有銀行戶口, 都唔可以証明父母是加州RESIDENT, 攪到要借錢供個囝讀書. 唔明白美國法例, 阿囝讀書, 佢係公民, 唔係應該計我個囝 INTEND , 點解仲要COUNT 埋父母.

私人傳訊

mugtaitai

公爵府

積分: 28235

7^#

發表於 19-3-26 16:09 |只看該作者

smallmui 發表於 19-3-26 12:52
我囝在US 讀了2年HIGH SCHOOL, 2 年CC, TRANSFER 去UCLA, 但都要交NON -RESIDENT tution, 大學回覆因為PA ...

州立大學由州政府的稅收維持，本州居民有份交稅，所以得享平學費，學生本人未成年，本身無收入，從未交過稅，所以除非父母交過稅，否則都當 non resident，這個計法其實相當合理

私人傳訊

rose-mag

王國長老

積分: 174107

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

8^#

發表於 19-3-27 13:31 |只看該作者

mugtaitai 發表於 19-3-26 16:09
州立大學由州政府的稅收維持，本州居民有份交稅，所以得享平學費，學生本人未成年，本身無收入，從未交過稅 ...

本帖最後由 rose-mag 於 19-3-27 13:32 編輯

同意，父母冇交過稅，仔女未做過工亦冇交過稅，邊個俾錢維持州立大學經費？朋友姑仔用朋友地址幫個仔報呢度一間非常好公立高中，俾學校查出非本市居民，即刻下令退學，仲要交返應俾嘅學費。

私人傳訊

mugtaitai

公爵府

積分: 28235

9^#

發表於 19-3-27 15:06 |只看該作者

rose-mag 發表於 19-3-27 13:31
本帖最後由 rose-mag 於 19-3-27 13:32 編輯

同意，父母冇交過稅，仔女未做過工亦冇交過稅，邊個俾錢維 ...

應該要係咁，否則對交稅的真正本地居民不公平
正如香港的雙非，父母從未對香港有過任何貢獻，但又享受着同其他香港人一樣的福利，我哋都有微言啦

私人傳訊

rose-mag

王國長老

積分: 174107

10^#

發表於 19-3-27 15:16 |只看該作者

mugtaitai 發表於 19-3-26 23:06
應該要係咁，否則對交稅的真正本地居民不公平
正如香港的雙非，父母從未對香港有過任何貢獻，但又享受着同 ...

呢度嘅香港JM點只有微言？直情喊打啦，美國呢邊叫好少少。
國際生就俾國際生嘅學費，外州就俾外州學費，好公平。
我好多同事仔女都去外州讀大學，佢地都牙痛咁聲，
但都俾得心甘情願，鬼叫自己仔女想去外州讀書。
我D同事直情係呢度出世土生土長美國人，大家都知道社會係點運作，
好話唔好聽，除咗讀書叻之外，錢一樣好重要至入到名校。
最近果單大學醜聞，幾十個父母全部都係有錢有面，
為仔女入名校行賄走後門行騙做假証明，有人話可憐天下父母心，
我話唔好因愛之名將歪理變真理，父母都要樹立一個好榜樣，
任何情況下都唔可以行賄行騙做假証明，呢班人唔要坐監都冇天理。

花旗太太生活在花旗國，留意時差，你問我未必即時答到。

私人傳訊

smallmui

大宅

積分: 3069

11^#

發表於 19-3-27 19:02 |只看該作者

mugtaitai 發表於 19-3-26 16:09
州立大學由州政府的稅收維持，本州居民有份交稅，所以得享平學費，學生本人未成年，本身無收入，從未交過稅 ...

十幾年前有交過税，但大學是要最近2年，所以都冇得講。

私人傳訊

眼訓

子爵府

積分: 14621

環保接龍勳章大廚勳章

12^#

發表於 19-3-28 06:17 |只看該作者

想當年香港派嗰港幣$6000，幾多人衝出來反對，話知你交咗幾多十年稅，總之已移民嘅就應該唔俾，咁話喎。。。

你今日backup左未？

私人傳訊

kkyyn

子爵府

積分: 13275

13^#

發表於 19-3-30 08:09 |只看該作者

就算交過稅，學費未必會平，因報稅時人工太高，減免就會小，若低收入家庭，學費才會平宜

私人傳訊

addcloud1

大宅

積分: 2440

14^#

發表於 19-4-30 17:12 |只看該作者

回覆 wandoubaby 的帖子

阿仔也是美國公民，想讀完中五去美國讀一年grade12入大學因他想避考DSE，但他不想讀CC。是否一般私校不收grade12插班學生？在美國只讀一年中學grade12會否令他難入美國大學呢？謝謝。

私人傳訊

天天天藍

男爵府

積分: 7790

15^#

發表於 19-5-6 22:39 |只看該作者

addcloud1 發表於 19-4-30 17:12
回覆 wandoubaby 的帖子

阿仔也是美國公民，想讀完中五去美國讀一年grade12入大學因他想避考DSE，但他不想 ...

美國大學入學申請，12年級第一個學期已經開始，early decision/early admission更需要於10至12月前已經要提交。四年大學通常要求SAT/ACT，校內成績，counselor and teachers recommendations，義工/課外活動/獎項等資料。部分中學不收取12年級插班，因爲在兩三個月時間內很難可以有齊大學申請所需資料，申請比較好的大學幾乎不可能。

美國大學入學試SAT/ACT，並不比DSE容易，想申請四年大學，需要提早熟習一下，美國學生在10/11年級已經開始考SAT/ACT。

報讀CC毋須SAT/ACT成績，入學門檻較低，很多州立大學和州立社區學院有收生協議，每年會收取一定數目的轉校生，當然要兩年後要轉往有著名大學仍是要有一定要求。

私人傳訊

wandoubaby

複式洋房

積分: 489

16^#

發表於 19-5-10 00:11 |只看該作者

本帖最後由 wandoubaby 於 19-5-10 00:14 編輯

addcloud1 發表於 19-4-30 17:12
回覆 wandoubaby 的帖子

阿仔也是美國公民，想讀完中五去美國讀一年grade12入大學因他想避考DSE，但他不想 ...

樓上講得啱。

其實點解唔想讀CC？佢呢個情況可能讀CC會最理想。學樓上話齋，Grade 12 先黎，如果單講報讀四年制大學的話，其實好多嘢都已經落後他人，冇著數。美國的學校不止看成績同SAT，課外活動同achievement都好睇重。

但如果你從升學角度諗的話，可以照叫阿仔過黎，在輕輕鬆鬆無壓力的情況下讀個Grade 12先，用o個一年好好適應下當地文化同生活，練習英文，識下朋友。之後入讀CC讀兩年，再transfer去更好的四年制大學。到時Bachelor 畢業其實都係睇你最後大學張cert o者。美國都好流行transfer，將CC讀好再繼續讀上去大有人在。CC都有好多種，有啲好CC其實一啲都唔差（CC都唔容易讀架），師資同學生質素都唔弱的，很多人去CC讀書都很上進。

我以前有個同學，會考唔OK，過來讀Grade 12，開開心心讀，連SAT都唔考。之後在CC努力讀書，泵高個GPA，一樣入到Berkeley 畢業。

你同阿仔計劃下啲options先啦。美國很彈性的。