大家好！唔好意思請問一下，我同老公兩個人６月22去澳門三日兩夜，以休閒渡假為主，查過資料後有以下疑問。(我十年前去過一次已冇乜印象, 老公未去過澳門)
一）宜家永利皇宮表演湖嘅纜車係咪來回都免費，定要收幾錢呢？
二）因為唔了解澳門，睇咗好多資料但都唔係好明，排行程嗰時有Ｄ位“kick” 住咗唔知點排先順，可唔可以俾Ｄ意見我哋？同埋有冇要修改嘅地方呢？
週日（２２號）
預計下午約3-4點到達Conrad康萊德酒店 Check-in
1. 行去美獅美高梅酒店(路氹城區)，坐佢嘅接駁車去美高梅酒店(新口岸區)落車
2. 行去睇永利繁榮樹（吉祥樹）
3. 行去澳門美高梅MGM （有大魚缸嗰間酒店）--> 天幕廣場影相
+ 晚餐
(因為想食嘅橙酒pancake lunch係冇嘅, 同埋老公想23號晚喺Conrad附近食dinner)
4. 坐美高梅酒店接駁車返“美獅美高梅酒店”落車，跟住諗唔到上巴黎人鐵塔睇夜景好，定去坐新濠影匯個８字摩天輪好，因為聽講兩者都係夜晚去靚Ｄ，唔知星期日晚邊便會少人Ｄ呢？
＿＿＿？＿＿＿
週一（２３號）
5. 去康萊德酒店附近間翠華茶餐廳食早餐，之後行去威尼斯人坐貢多拉
6. 搭巴士去官也街買手信，行去龍環葡韻影相，中午食誠昌飯店嘅水蟹粥，跟住唔知去邊玩到四點，因為買左水舞間五點嘅飛。應該去永利皇宮搭表演湖纜車，定去睇歷史景點會交通順Ｄ？（最近嘅歷史景點好似得大三巴？有錯請指教）
＿＿＿？＿＿＿
7. 六點半度睇完水舞間，想行去威尼斯人入面嘅利苑食晚餐，星期一晚會唔會都係好多人等位？晚飯後又係同一個問題，唔知上巴黎人鐵塔定坐８字摩天輪好，另外摩天輪九點關門，係咪就算預一個鐘食完飯都係趕唔切？同埋請問點搭車去？
＿＿＿？＿＿＿
週二（２４號）
Check out後放行李響Conrad度先
8. 早餐搭巴士去官也街世紀咖啡食豬扒包，但有個問題：佢好似十點開門，但係法式包要兩點先賣，不過我哋唔食法式包都得係咪冇影響？
（食完早餐之後未諗到之後去邊）
＿＿＿？＿＿＿ 想去交通方便又唔太遠嘅歷史景點，有冇咩提議呢？定係應該唔夠時間？
9. Lunch想去新濠天地Hard Rock Cafe食，跟住返Conrad拎行李再搭巴士去澳門口岸
10. 搭金巴返香港，想喺５點前到香港口岸，趕得切嗎？
三）交通方面唔敢搭的士，驚遇到黑的，以上行程搭巴士定酒店接駁車方便Ｄ？或者，有冇一日券之類嘅巴士套票推介呢？
四）其實我想食義順雙皮奶，但唔知排喺幾時去交通先順，係咪應該放棄？
唔好意思, 好多問題, 希望有經驗嘅朋友可以幫忙指教一下,
麻煩晒！ ！
發表於 
建議去食葡餐
, 如果唔太辣我會推介佢改食呢個, 我已有其他心水唔想食肥 hehe
巴士有時車程時間耐D囉，車細又多人 
返回列表
