時政擂台今日: 49|主題: 60261

收藏本版

發帖

返回列表

跳至頁

查看: 365 | 回覆: 1

謙卑與獨裁 - 送中條例一定要撤 [複製鏈接]

maonshanc9

洋房

積分: 31

1^#

發表於 19-6-15 22:57 |只看該作者 |倒序瀏覽 |打印

我無錯，係你哋無知，唔明。
我無錯，係大家溝通得唔好。
我無錯，係你哋任性。
我無錯，係佢哋唔早啲講。
全身界都有問題，我做咗四十年所以唔會有問題，聽我講，跟我做就啱㗎喇。
正所謂我食鹽多過你食米，你班蟻民乜都唔識，我呢啲精英諗出嚟嘅嘢非凡人所能理解。你哋根本無睇清楚，受人煽動而反，甚至為反而反。

不懂謙卑正正是獨裁者的特徵。
以上講嘅嘢，相信除咗係我地蒙主感召嘅特首心聲，都係一部分長輩支持佢嘅理據。

既然林鄭月娥不知悔改，依然一副高高在上嘅樣子。你覺得佢暫緩係為乜呢？請不要天真地認為佢見多人反對決定多聽意見，這絕對是緩兵之計。如果真係收到民意，應該撤回惡法，做好準備先重新諮詢，而非只係暫緩二讀。

正所謂「一鼓作氣，再而衰，三而竭」，反送中嘅聲音正正係處於一鼓作氣嘅階段，緩多一年半載，仲有幾多人記得同關心？再搵人工島再引開下我哋注意，仲唔竭？等出年建制派無咗就快區議會選舉同立法會選舉嘅包袱，然後就可以突然恢復二讀，輕鬆通過。

林鄭月娥有暫緩前科，真係只係暫緩，挫左大家既士氣之後無幾耐就繼續。囍帖街絕對係個好好嘅例子。

因此，逃犯條例必定要撤回，香港人先能夠安寧。萬萬不能相信獨裁者，浪費年輕人嘅血汗淚。