眾新聞6月17日開始問警察公共關係科（PPRB），警
方喺6.12行動用咗幾多催淚彈、橡膠子彈、布袋彈；7
月2日起問埋7.2凌晨清場行動使用槍彈、武器嘅數字。
追問咗足足一個月，但PPRB連警方點算咗未都答唔到…
…
【6月13日】
警務處處長盧偉聰：我哋噚日全日大概用咗超過150枚催
淚彈、數發橡膠子彈，同埋大概20發布袋彈。呢個就係我
哋目前掌握嘅數字，但係未係最後（數字），大家都明白，
我哋要慢慢做好啲紀錄。
【7月16日／事隔33日】
記者：我哋早前問過警方喺6月12號同7月2號清場行動
用咗幾多武器、槍彈，你哋而家點算到確實數字未？
PPRB：明白，你等等呀……
（10秒後）
PPRB：我哋而家問緊㗎喇，如果有嘅話會覆番你。
記者：但係我哋問咗一個月喇喎……
PPRB：明白，明白，但我哋真係問緊，如果問到真係覆
番你。
記者：其實你哋個恆常機制、既定機制入面，係咪要點算呢
個使用槍彈、武器數字嘅呢？
PPRB：um……呢個我唔係好明白，如果係嘅話，你可
以入enquiry再問，咁但係你之前問過嗰啲，其實我
哋都真係問緊同事，如果有都會覆番你。
記者：即係PPRB都未必知道係咪會恆常點算使用武器嘅
情況？
PPRB：我哋口頭覆你唔到，如果你真係有需要，你可以
入enquiry再問，咁但係你之前問過嗰啲，我哋都真
係問緊同事，如果有就會覆番你。
記者：我之前個問題已經有問到（警方）填報使用武器、槍
彈個既定機制係乜嘢，當中都有明確問到有冇申報期限、個
程序係點樣。呢個其實係我個問題已經寫咗，你會唔會有補
充？
PPRB：如果你問咗，咁我哋都會照問同事，如果有會覆
你。
記者：咁而家個進度係點？你哋點算咗但唔公布得住？
PPRB：唔係，唔係，我哋而家問緊同事，如果有嘅話會
覆番你。
記者：咁係咪未知同事係咪有呢個數字？
PPRB：我哋都真係問緊，如果有真係會覆你。
================
不能説的真實數字?
ALL ANIMALS ARE EQUAL, BUT SOME ANIMALS ARE MORE EQUAL THAN OTHERS.
發表於 
返回列表
