時政擂台今日: 0|主題: 60378

收藏本版

發帖

返回列表

跳至頁

查看: 6263 | 回覆: 101

12 3 4 5...6

積分: 10517

2024年龍年勳章

1^#

發表於 19-6-19 18:31 |只看該作者 |倒序瀏覽 |打印

其實通過幾天對王國呢個版嘅觀察，我覺得呢度係理性嘅，起碼唔係粗口滿天飛，但亦不能否認分歧係有嘅。所以，我想分享下我嘅睇法，梳理呢幾日發生事情，只要冇人身攻擊，歡迎指正。
來得呢度，多數係小朋友家長~我亦不例外，本身對政治冷感，但跟住EK一個揀校需唔需要睇埋學校政治取向來到呢度，加上呢幾日事令我擔憂子女未來。所以，本住求真盡量客觀嘅態度，我係花咗大量時間瀏覽好多網頁，睇咗好多兩邊嘅視頻，甚至去埋連登，而做出自己判斷，並無意說服任何人改變個人觀點，但觀點真係會被改變。我身邊有個朋友，佢本身係好搖擺地支持反修例，但聽到人話佢收人錢遊行，佢就變成堅定地遊行同有D唔理性了。所以，身邊有唔狂熱既淡黃絲和淺藍絲，請不要用刻薄語言將人推向對面立場。問我撐邊個，我想講我其實撐嘅係法制，因為香港只有民主而冇咗法制會出大問題嘎。
文章好長，希望有人耐心睇完，仲有鏈接視頻，勿必睇下。我估要復制貼出去睇~√

我按時間線寫：

6月9日一百萬人遊行原因係關於修法。我其實開始係沉默果批，但支持修法，因為冇覺得修法對自己會有咩失自由同埋隨便俾人解返大陸蒸發冤獄既擔憂。咁69遊行，的確讓社會知道反對者真係唔少，我唔會去執著果具體數字，畢竟冇人一個個去數，但我認真係人多。但本人認為，反對者其實大部分並不完全因為法例而來。認為百萬由以下幾部分人組成。（①可能對法例有不同理解，真係怕法例影響到自己嘅人，比如林榮基類，②唔想與內地同一地位嘅人，下意識並不想回歸嘅人③因受所屬各界資訊影響，法律界宗教界教協當時都有主張④相當數量唔明條例內容學生被氣氛感染或朋輩師長引導⑤對社會同自己目前生存狀態不滿嘅，包括住屋150自由行等等~）咁我覺得唔係所人因條例本身而上街，而係搵咗個導火索上街。點都好，確係和平順利完成白天大規模遊行，不能忘記警方亦有派出警力協助嘅功勞。69晚上至凌晨，因政府宣布二讀，好多激進人士衝擊同警方防線。果次警隊俾我感覺係好克制，有條片見到警察冇咩防護，其中一個俾大群示威者圍毆打到血流滿面，幸得隊友用噴霧解救。果條片令我傾向警察遣責暴力示威者。昨晚再睇幾條片係69當晚或10號凌晨警察與灣仔不肯離去示威者響街頭對峙。觀感係，難道拍劇現場麽？大班人向中間摞住手機戴住頭盔手罩，對住警察不停拍，唔知宜家要清場？警察執行梗公務，仲有如此多"戰地記者"？好多著裝同年紀並不是記者，而係學生。仲有一個女聲唔知咩人，拿大聲公不停咁叫警察保持克制，話示威者冇拿武器，只係手機，實在係太怒了，所以需要對住你啲發泄之類。她來來去去講呢句，似片場導演甘，講真，我睇一段片都頭暈想鬧人。忽然，前面又來兩個法輪功背向警察坐地做法。對面示威者則不停叫黑警警狗毅進仔。一時又有人上嚟，一口臺腔或閩南腔自稱係大陸人，話我啲大陸冇人權嘎，你啲唔好似大陸公安咁。一陣又見一個女嘅衝上嚟大聲話，條街公共地方我做咩唔企得。~~而警察一路都好克制~而一直都有人用大聲公講明另一邊有衝擊行為，所以依家請大家散去，以免受傷。講真，我如果從前一日開始當勤到第日，仲要身邊各種擾攘，我會失控。

以下兩條片關於介紹6月9日夜晚情況：

https://youtu.be/f0-TGkC6U_8（來自TMHK）

https://youtu.be/vAZnRoseDeY（來自美國之音，我印象中係好反中嘅）

自我總結評論：6月9日白天，遊行和平順利。晚上果班示威者過激，除有人傷害警多人員之外，普通人亦聚眾言語刺激，藐視法律同警隊，警隊反應比較隱忍。在此不應將政府工作與警隊工作拉埋思考。當晚遊行申請時間過後，違法佔道衝擊防線非法集結傷害警務人員，應依法處理。

②6月12日在眾多泛民議員及民陣教協號召下，示威者包圍立法會，塞路。人數大約幾萬？初時對峙，警方在示威者未合法申請集結情況下並未升級處理方式，一路克制。而示威者從上午開始起地磚，拆鐵馬，長雨遮，有意圖準備可攻擊武器，慢慢各處開始制造小衝突，警隊用警棍同胡椒噴霧。冇記錯嘅話，其中出現“香港媽媽"企立路中指責警察，並埋身去警察到，警察用警棍指住喝止，另有人施噴霧。綱謠傳係槍彈射擊。下午3點幾到通過違規宣傳內容已被系統自動屏蔽直播睇到，大規模示威者衝擊立法會大樓，地磚長遮鐵馬鐵枝雪糕筒安全帽礦泉水都掉入警隊盾牌陣~記者旁白亦有說掉咗燃燒嘅物體，警隊逐步升級武力，並開始驅散。由連登睇到，在此階段，議員胡志偉衝向警方，大呼我要見指揮官，埋身警察，警方對其身旁射催淚氣體。之後，應該就到警方驅散人群至中信大廈，太古廣場同埋各路上情況。包括路上向警方行拎成箱水被警方按低，示威者冇反抗俾摔地，記者俾人從高噴霧，示威者逼入中信，外面仲用催淚氣體等等。太古廣場外警察對破璃門內爆粗，呢個位置朱凱廸同另一議員在現場。連登上睇完呢D，尤其是中信果條，的確慶幸冇踩踏事件發生，如果唔係後果堪虞，坦白講，我都就差D俾連登洗腦。但再靜心思考下，又有猶疑：①明明當時活動定性為暴動，D議員和民陣無馬上勸喻排後面非暴力行為嘅示威者趕快離開現場先，咁先係為市民好，保護好仲未成年嘅中學生？佢啲選擇企向警民之間，香港媽媽，英雄隊長，制造對立氣氛真係好麽？如果手無寸鐵嘅學生能先離開，又何來後面中信嘅事件，根本就係用學生同市民做人質籌碼。②不可否認，警察都有良莠不齊，有一些職業水準失當嘅，有需要可以投訴甚至入禀法院。但同理心考慮，警員係從6月9日到6月12號連續幾日都係高度緊張狀態，期間好少休息時間，大熱天著住裝備，仲要不停被人侮辱挑釁，睇番我上面發D視頻，我自問都會有時想發泄嘅心真係唔容易克服~警察都有弱點，當然亦應按法辦事。
（呢度想講番64，輕易唔想提嘅傷口，泛民每年都拎出來。當時普通市民都凈知道死咗學生，數字不詳。但冇人話你知死咗幾多軍人？那時的軍人有的比大學生還小，視頻顯示初期進城裏，情緒很低落，被人指住鬧。他們沒有全帶槍，有槍嘅都俾人繳下展覽~我識嘅北京人親眼睇到軍車裏的人被煽動的群眾用石頭生生砸死，還有往坦克裏掉著火棉被，軍人焗住逃出來都沒逃過被打死嘅命運，大量軍車坦克俾燒~軍人俾殺，數量亦不詳。當時軍人視軍令如山，未有開槍命令就真係咁受死。當時普通示威者擁有汽油彈同殺傷性武器，呢樣我認為後面係有顛覆勢力支持嘅。64果日西班牙攝制隊係最後離開廣場，拍攝到大部份學生係正撤離廣場，仲對住鏡頭鬧政府，話會再返嚟，不排除有小部分留在廣場，亦聽到槍聲，係有傷者送往醫院鏡頭，~~連候德健同劉小波曾接受採訪話佢啲在廣場時係冇死到任何人。綜合其它資訊，當時38軍準備入廣場清場，城內有人放言話坦克車死人了，未有證實，城內既暴亂者趕往木樨地攔坦克。之後發生咗咩嘢就未知了~軍人知道自己戰友被殺，軍車坦克俾燒，壓抑太長時間會否做出報復性嘅行動冇人可以知。唔係將64與612做比，歷史在沉澱，但血嘅教訓要引以為戒。請警惕，如果有人刻意將民主同法制放於對立面，佢就一定係有險惡目的嘅。89年同今時係有驚人相似嘅。89年我仲係大陸高中，電視傳媒果時對學生示威係較正面報道，好開放，整個與論都係向住學生，民主思潮此起彼伏，因示威以反腐嘅理由開始，各地好多學生紛紛聲援，遊行搞三罷，頭上綁條紅帶坐上火車唔用買票就可以到北京，好似打雞血咁。我學校在郊外，又臨高考，冇咁熱烈，入城時亦順路跟住隊伍行過一段。但好快，全國各地開始出現打砸搶現像，燒店鋪，搶嘢嘅到到都係，國民安全都出現問題。如果咁亂落去，後果不可設想。就我個人睇89年嘅中國啱啱改革開放，西方文化經香港傳來。當時我父母同我兄妹三個嘅生活雖遠不及香港富有，但亦有衣有食，知足對時事無不滿，反而充滿希望。因為出世時物資少要憑票先可以購買，日子行到89真係一天比一天好，再慢慢行至另一世紀嘅19年更加日新月異~~

好似講遠了~~聲明我不是五毛，以上資訊亦唔係來自CCTV新聞聯播，而有↓佐證

https://youtu.be/Y3AUKmNorPQ（眾人披露64當日實情）
https://youtu.be/VSR9zgY1QgU （侯德健對質柴玲）
https://youtu.be/jvaXFwiTKVI （無處訴說的軍人魂）
https://sites.google.com/site/sixfourevent/atvnews（西班牙攝制隊94年披露）

凡事從多個方面思考，眼睛看到的都未必是真。尤其係當年那個率先領導學生運動的柴玲，吾爾開希如今在美國臺灣過著富裕生活，因為她而死的人又顯得多麽悲涼，希望2019的今天他們已經安息。柴玲說絕食時，佢要做帶頭犧牲的那個女生，後來記者問道你會堅持到最後麽？她直接講唔會，因為佢上黑名單了，佢要求生。吾爾開希就在別人絕食時，自己去北京大飯店大飲大食~~~我們要擦亮眼睛，辨別呢個時代既柴玲，吾爾開希們~~亦要保護我啲嘅後代不要成為棋子，炮灰~~

③6月16日，盡管前一日特首暫緩通過條例，但在得知結果後，依然有人選擇堅持自己理想放棄生命，死者已矣，唔想評價，唯有一聲嘆息。但濺上血嘅黃雨衣直接帶來聲勢浩大嘅200萬1人遊行。組成部分除69遊行者，更多加入嘅係睇到各種警察執法圖片和相當多並冇嚴格立場，但因為有人犧牲而去完成一場不一樣嘅祭奠~~亦都係二百萬人成為民陣堅實後盾，政府和警隊威信全無，任人問候，無人敢再出聲~~當年柴玲話就係要見到流血，當天安門廣場血流成河時先可以喚醒麻木嘅群眾。我諗，今天嘅香港已經聞到了一絲血腥。我欣賞香港有示威遊行言論嘅自由，欣賞二百萬人井然有序，沒留低垃圾，為救護車讓路，開始搵到DD我以前欣賞嘅香港精神，善良，包容，大愛，那份華東救災時血濃於水嘅感情從未敢忘。但近幾年嘅中港矛盾愈演愈烈，變成凡事只要跟內地有關嘅就一定係唔好嘅。150，住屋，自由行，雙非等等。其實150係港英時期已有訂落，聽講依家實際一日都減少咗，用唔曬150；住屋係因為收地難，要顧及環保，鄉事，商人，出於各種民主，民意，遊行示威，凡事要通過各派同意先可以一步一步去。高鐵港珠澳唔好咩，最終超時超支咁多，咩原因呢，又係要顧及各方意見，層層民調審批，跟內地有關嘅更是阻力重重，承建商一超時為減開支又不能保證工程質量了，短樁事件一單一單；本來呢次我都有D怪特首，但邊寫住突然覺得特首都好艱難。再講自由行生於金融危機後定沙士之後忘記了，香港山多平地小，冇辦法發展工業農業，剩下金融業服務業同旅遊業，當年真係水靜河飛，香港政府要求開放自由行，咁自由行本唔係壞事，係要犧牲D舒適感，所謂內地同胞嘅不良習慣，都唔係原則性嘅，講嘢聲大時，細聲提醒，佢會知。有人帶小朋友準備隨處屙時，唔好發現新大陸顧住拍照Po上網，而係好聲制止，告之廁所位置。有人打尖，唔好就即刻大聲鬧，態度好地講一次，下次人就識了。其實唔單對內地人，對香港人都一樣，關愛座佔佐老人要坐就擔聲，細嘅坐咗見到有老人就讓俾人，其實好多嘢都在於溝通理解。至於雙非，都係莊豐源一案開先例，都係香港人自己要求嘅，所以，唔好再怪內地了。本身香港係世界上最幸福既，趕上中國開始強大時回歸，又擁有民主自由，只要唔挑戰底線，就算2047後可能仲係兩制都難講，依家部分香港人由始至終唔肯產生歸屬感，係人對你差咩？其實你口中嘅北大人真係冇虧欠咩o，唔上稅呢一樣就已經夠特別了。但我見到GP有媽媽嘅小朋友3歲就教佢記住64，小朋友話點解邊個邊個咁壞嘅~。我希望現在她自己已經知道那種無奈嘅決定係成人都難以理解，唔係用好壞可以解釋嘅。仲有呢段時間，有JM將小三學生寫嘅心意卡Po上來，全部都係鬧警察，要特首下臺嘅，8歲孩童相信好難自發會有憎恨警察行為，呢個年紀正常作文都應該係我長大後想要當警察先正常。如果警隊需要整頓秩序，各位父母老師係唔係都應該整頓自己呢，口號係為了下一代，但想將下一代帶往何方？

講到何方就要講起連登了，連登係一個神奇的網站。其實充滿“智慧"嘅，年輕人一齊商量點樣進行下一部行動，仲有專門既文宣隊，專門P圖，Cut視頻。話唔可以再搞大遊行了，2百萬去到盡了，支持者會審美疲勞，下次超唔過200萬就難睇了。佢地稱2百萬呢種遊行叫和理非遊行，話衝擊果D人叫勇武派，係義士，唔要求撤回條例都要救義士。佢啲對於以後嘅抗爭武器集思廣義，有人提出用廚餘，有人話用雞蛋，上警察身難洗。有人話呢排休息下，行太辛苦，七一再來大單，有人話你有幾辛苦，人啲勇武都未抱怨，等到七一仲差太長時間，等唔及，手癢。20號死線，21號升級~~有人Po上來違規宣傳內容已被系統自動屏蔽嘅文章，分析黃背心堅持咁長時間到現在有頹勢，原因係未keep住團“怒火”，眾人紛紛頜首。有時諗，如果青年人嘅聰明係用在正途，有呢個堅持精神，點會冇機會呢？

時間繼續會流逝，未來書本會點寫呢段歷史呢？父母以及教育界為他們塑形，我嘅子女會變成點？會在咩環境下讀書學嘢呢？~~天佑香港。