吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99同遊語錄記趣

婆媳關係今日: 3|主題: 27758

收藏本版

發帖

返回列表

跳至頁

查看: 16641 | 回覆: 31

99同遊語錄記趣 [複製鏈接]

Chickentailbun

大宅

積分: 3426

1^#

發表於 19-5-20 11:41 |只看該作者 |倒序瀏覽 |打印

首先，希望各位奶奶唔好嬲，純粹個人感受，唔好勞氣。
同99去左一個星期日本，非常辛苦，一來我bb 病左，到行程第三日我都發燒加m 到。以下係部分喺呢個trip 重覆發生十次以上嘅事。
1. 出閘會唔會食左張飛？
每一程地鉄都問，每程起碼問五次，答佢單程票會食左，佢反問我下程點算，答再買飛。到出閘再大叫，張飛食左喎。

2. 呢個係咩黎，佢寫乜架？
99，我係地道土產香港人，我只識繁體字，少許殘體和英文，唔識日文，可否不要再問我！

3. 喂，你仲食唔食 (個飛機餐)
因轉機，有茶點，但拍醒我，問我仲食唔食個飛機餐。你食就食唔食就唔食，唔通帶返屋企食？

0 0 0

私人傳訊

Chickentailbun

大宅

積分: 3426

2^#

發表於 19-5-20 11:49 |只看該作者

回覆樓主:

4. 我有紙啊 (抹手紙)
99好想我抹走阿b 每一滴鼻水，不停話佢有紙比我抹。但係佢果啲係抹手紙，我阿b因病流鼻水口水，已經生左好多口水疹，真係唔可以再用啲鞋嘢黎抹，就算濕嘅紙巾佢都痛到死，你唔好攪我地。

5. 比啲水佢飲！
bb 病左好辛苦唔想食唔想飲，佢每隔兩分鐘就叫我比水佢飲。其實我都有經常氹佢飲水，但佢唔願意不停迫都冇用，迫唔到99就鬧我同阿b ，攪到阿b 嬲嬲地。

6. 比張紙抹下啲鼻涕！
痛架大佬，唔好係咁抹啦。難得餵到佢肯食幾啖飯，食多幾啖先，鼻涕唔抹可以一陣先抹，佢唔食就hihi。

7. Nanana
阿b 識聽人講嘢啦，唔洗再吊高把聲 nanana 黎引佢玩，好多人望住你怪叫。

私人傳訊

Chickentailbun

大宅

積分: 3426

3^#

發表於 19-5-20 12:00 |只看該作者

回覆樓主:

8. 要白飯! 淨係嗌白飯！
日本啲餐廳要一人一order ，99見啲嘢自己冇興趣，就係咁話要白飯。咁人地要一人一個餐，咁都冇計。叫左一人一份佢就拎左我個餐 (有碗白飯)，要撈汁。但碗飯我比我bb 的，係咁搶，最後要老公出手佢先肯食有餸有汁有飯果個餐。

9. 我都要白飯，你果度咪有餸囉！
我買白飯第二日煲粥。晚飯我地喺超市買便當。99勁大叫糾纏自己要白飯。白飯，便當都係特價好抵食。我老公係咁叫佢買便當，佢就係咁話自己要白飯，我揀果個便當有餸，佢食我啲餸。99我已經一個便當同阿b share ，日本仔便當有幾大份量啊，你仲乞衣兜拿飯食。你自己揀個便當啦，食剩老公會包底啦。

私人傳訊

Chickentailbun

大宅

積分: 3426

4^#

發表於 19-5-20 12:09 |只看該作者

回覆樓主:

10. 行啦，嘥時間！
無論去邊度，睇啲咩，佢仔睇我睇定bb 睇，只要唔係佢想睇，就大叫行啦，嘥時間！

11. 喂！呢度咪乜乜乜囉 (忙緊湊女/睇緊要買嘅嘢)
我b 流鼻涕食飯睇嘢哭鬧緊，佢只要有嘢想講，就超大聲大叫喂！呢度。。。。如果你唔立即應佢，佢再大聲啲走黎拍你。其實我攪緊個b 真係理唔到你啊，你自己睇住先，我一陣先同你傾。

12. 你唔乖，唔得人錫。
阿b 已經病得好辛苦，都冇乜扭計，佢有時佢唔舒服唔合作就話佢曳。

13. 媽媽衰，媽媽唔好。
阿b 個鼻口附近都痛，抹鼻涕總係扭黎扭去，99喺側邊不停講媽媽衰整到你痛，媽媽唔好。

私人傳訊

boyssmama

大宅

積分: 3708

5^#

發表於 19-5-20 12:36 |只看該作者

冇下次, 唔會再同佢去, 去旅行本來係開心事, 最怕比人係咁煩

私人傳訊

koyuki_zoie

大宅

積分: 4557

6^#

發表於 19-5-20 12:54 |只看該作者

本帖最後由 koyuki_zoie 於 19-5-20 12:57 編輯

Chickentailbun 發表於 19-5-20 12:09
10. 行啦，嘥時間！
無論去邊度，睇啲咩，佢仔睇我睇定bb 睇，只要唔係佢想睇，就大叫行啦，嘥時間！

我EQ低，比著我係你真係忍唔到佢成個trip就爆佢一鑊。湊住個唔舒服嘅小朋友已經會好忟憎，再加埋自己又唔舒服，咁樣比人煩真係唔癲就假。

我上年都同奶奶第1次去旅行，未正式出發已經係機場發癲公主癌發作，不過好彩公主癌係對住佢男友唔係對我地，成個trip嗰幾日每日都總有嘢令佢公主癌發作，佢唔係對我同老公咁但聽見都好忟覺得好煩，又成日係旅遊巴大大聲講嘢成架車都聽到佢把聲呢樣我最憎，又鍾意爭住同我女坐成日都想痴實我女。搭飛機回程我先嬲，有氣壓問題耳鳴唔舒服加上又有d眼訓，我女忟憎坐又唔係訓又唔舒服有d扭計但阿女係想同爸爸坐中意痴住爸爸，奶奶一聽到佢扭計係咁係前排遞對手埋嚟話我攞嚟啦嫲嫲抱，婉拒佢幾次話唔使啦完全唔聽人講最後仲索性行到埋你身邊一手就抱走佢，明明冇咩事老公氹下氹下都還可以，想要認叻搞得我女點知最後搞唔掂不特止仲爆喊收唔到科咪又係焗住比返老公氹，真係搵嚟搞仲要嘈到成機人。