少年成長今日: 0|主題: 16053

收藏本版

發帖

返回列表

跳至頁

查看: 5266 | 回覆: 2

玩吓啫，唔洗咁認真！ [複製鏈接]

csir3290

子爵府

積分: 12236

1^#

發表於 19-12-22 16:49 |只看該作者 |倒序瀏覽 |打印

之前都曾經講過每個星期都會同阿仔阿女book場打羽毛球，其實好多時都係唔知點解不知不覺咁同阿女對打嘅時候就好似教打波咁，連我自己都覺得自己嚴厲咗。唔知係咪因為自己細個都係打羽毛球，所以就算同阿女玩，玩下玩下都諗起好似自己細個練波咁，不知不覺對阿女越嚟越高要求，總係覺得佢可以打得好啲，不停提點佢點樣改好，其實我諗返我都覺得自己係要求好高。

有一日日揸緊車，我老婆忽然同我講叫我對阿女唔好咁嚴格，打羽毛球都係一家開開心心咁玩，叫我唔好咁認真，外人睇仲以為我係教練教緊波添，仲話分分鐘連教練都冇我咁嚴。我當時冇答佢但係其實我自己都知自己係太認真。我自己都知有陣時係搞到阿女有啲唔開心，其實好矛盾，又怕呀女因為同我打波打得唔開心會唔鍾意羽毛球，但係又想佢打好啲，雖然我成日都提醒自己唔好咁認真，本來開頭都好好地，但係好多時都係不知不覺自己越嚟越認真越嚟越嚴格，硬係睇唔過眼佢做得唔好嘅地方。其實為咗避免呢個情況我自己都知道將交波嘅責任交咗畀教練叫阿女去跟教練打波，玩就留返畀我自己，但係唔知點解每次同佢打波，只要一唔留心自己就會越嚟越認真。我都明白自己係唔啱，我都要盡力學唔好咁認真。正如我老婆所講只係玩吓啫。玩得開心就自然有興趣迫都冇用。

到咗呢個星期，我真係成日提住自己同阿女打波嘅時候唔好咁認真，要當玩試過有幾次覺得阿女打得唔好想開聲，但係都提自己唔好開聲住當玩先，咁呢次大家都真係多咗笑容。嘻哈哈咁就打完一個鐘頭羽毛球，呀女啲笑容都返曬嚟。不過我真係要提得自己好辛苦成日要提住自己唔好咁認真。始終都係呀女嘅笑容緊要啲！