母乳餵哺 今日: 0 | 主題: 85708

積分: 362

1^#

發表於 19-11-14 11:24 |只看該作者 |倒序瀏覽 |打印

本來真的好想餵母乳，懷孕時亦睇左好多資料，希望可以成功，可惜事與願違，bb 出世不久還未有充足奶量的時候，我就病到入左院，亦暫停了母乳。出院後，bb因習慣了瓶餵，無論用什麼方法都唔肯埋身，做人肉奶咀都唔肯啜，以致奶量一直很少很少。手泵、電泵、人手都試過，每次擠出來只得10-15ml左右。因是全職湊，沒有工人，也沒有親人可以幫忙，bb又時常喊同扭，還有個大的要照顧，瓶餵、洗奶樽、抱bb瞓、煮飯家務...，已經累到一個點和完全冇時間，搞到每日只可以泵到1-2次奶。老公唔係特別支持母乳喂哺，覺得餵唔到母乳餵奶粉都一樣，所以唔會為左我可以多d時間泵奶而分擔多d照顧小孩和家務的工作。宜家bb已經2個月大，我係咪仲應該繼續嘗試落去？見到每次泵得好少但之後又要洗又要消毒，我真係好洩汽！好明白母乳對bb係最好，選擇退奶之後就返唔到轉頭，所以內心好矛盾，唔敢貿貿然放棄，但又好似見唔到出路。我應該點好？

0 0 0

私人傳訊回覆引用

hohoyin731

大宅

積分: 1246

2^#

發表於 19-11-14 14:21 |只看該作者

C462 發表於 19-11-14 11:24
本來真的好想餵母乳，懷孕時亦睇左好多資料，希望可以成功，可惜事與願違，bb 出世不久還未有充足奶量的時 ...

我會放棄，壓力太大了，繼續追奶太辛苦你都唔會開心，唔開心好難追到，而且仲有個大既要照顧，留多d時間比兩個小朋友吧，媽咪陪多左佢地會仲開心快樂，奶粉b一樣健康，唔駛太執著，當你放低左成個人會輕鬆好多

私人傳訊回覆引用

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

3^#

發表於 19-11-18 17:25 |只看該作者

C462 發表於 19-11-14 11:24
本來真的好想餵母乳，懷孕時亦睇左好多資料，希望可以成功，可惜事與願違，bb 出世不久還未有充足奶量的時 ...

你本身仲想唔想繼續餵?

如果唔想餵, 就轉餵奶粉, 放多d 時間響休息上都好, 你既身心健康都好緊要, 更何況好多奶粉b 都健康.

如果想繼續餵人奶, 就放鬆d, 有幾多餵幾多, 大部份人奶媽都明白果種洩氣既心情, 但外人冇資格去介意, bb 更加唔會介意, 所以你都唔好介懷自己之前準備左幾多或泵左多, 樽係咪都咁洗咁消毒架啦, 係要洗埋個泵啫, 就算餵到一餐都冇所謂. 我二仔三女都係攰到我唔夠奶, 好快就要補粉, 餵左年幾, 得番你咁少都照餵, 冇話點解, 想餵咪餵, 餵到自己真係想停至停.

無論餵唔餵人奶都𠃉, 新手1湊2 要時間適應同埋學plan 好時間, 遲d 細bb 生活有d 規律後會好好多. 記住食多d 飯, 可以keep 到奶量, 唔餵人奶你都要食夠野, 家務長做長有唔駛急於去做, 記得要抽時間休息, 做自己鍾意既野. 加油.

私人傳訊回覆引用

Hahahagirl

積分: 443

4^#

發表於 19-11-22 11:38 |只看該作者

C462 發表於 19-11-14 11:24
本來真的好想餵母乳，懷孕時亦睇左好多資料，希望可以成功，可惜事與願違，bb 出世不久還未有充足奶量的時 ...

我奶量都係少，我完全明白搞一大輪野泵得少少既心情，不過我好珍惜泵出來的奶，就算好少得10ml都照儲起做，儲到夠半餐或一餐照比佢飲，追就吾追嫁喇，有幾多比幾多。照補奶粉。泵到無為止。

私人傳訊回覆引用

Hahahagirl

積分: 443

5^#

發表於 19-11-22 11:42 |只看該作者

C462 發表於 19-11-14 11:24
本來真的好想餵母乳，懷孕時亦睇左好多資料，希望可以成功，可惜事與願違，bb 出世不久還未有充足奶量的時 ...

我覺得你老公應該幫你分擔洗野工作，你專注泵奶和餵奶囉，有咩可能洗又係你，餵奶又係你咁辛苦！我吾理嫁，我泵完照丟比老公洗，雖然佢都有呻過，洗洗下咪習慣羅

私人傳訊回覆引用

carloos

洋房

積分: 53

6^#

發表於 19-11-22 19:18 |只看該作者

C462 發表於 19-11-14 11:24
本來真的好想餵母乳，懷孕時亦睇左好多資料，希望可以成功，可惜事與願違，bb 出世不久還未有充足奶量的時 ...

感受到你既辛苦和矛盾！其實真的不要俾自己咁大壓力！每個人體質都唔同，所以千祈唔好覺得奶量唔夠就等如對唔住BB，我記得健康院醫生同我講過，佢叫我放鬆，有幾多咪俾幾多BB，當甜品咁俾BB食都OK架，所以盡力而為，順其自然，泵到無咪停囉係咪？

支持你呀！

私人傳訊回覆引用

積分: 618

7^#

發表於 19-11-23 16:36 |只看該作者

你可以試下去健康院或醫院搵母乳姑娘, 我來來回回都去咗幾次, bb終於學識, 初頭泵出嚟用瓶餵, 我係用仿乳頭嘅奶瓶，唔知有冇幫助呢? 伊利沙伯母乳姑娘仲教我有一條特別吸管令bb學懂吸啜, bb真係吸啜得叻咗, 然後我哋先再學埋身，埋身係會容易啲多奶, 因為有bb直接嘅刺激, 不過又咁講如果唔得就食奶粉啦，唔好咁大壓力

私人傳訊回覆引用

C462

積分: 362

8^#

發表於 19-11-24 23:20 |只看該作者

回覆啤太的帖子

好多謝各位媽媽既鼓勵！雖然老公唔會幫手，我亦不想和他爭論，但我仍想繼續試下。你們說得對，有幾多就俾幾多bb。
不過，早一個多星期M到同完左之後，奶量突然插水式跌至零，已經連續幾天泵極都係得幾滴，手擠都一樣，兩邊加埋都唔夠儲俾bb飲。我沒有吃過退奶食物，唔明點解會咁。有冇乜野方法解決？

私人傳訊回覆引用

積分: 618

9^#

發表於 19-11-26 15:01 |只看該作者

放鬆啲先, 咁緊張會影響做奶量, 試下可唔可以喺你bb食飽嘅時候, 畀你奶頭去當奶咀, 等佢習慣埋身先。

私人傳訊回覆引用

積分: 618

10^#

發表於 19-11-26 15:02 |只看該作者

我自從全埋身之後多咗好多奶, 我覺得埋生會直接增加奶量

私人傳訊回覆引用

Lam_C_Nine

積分: 114

11^#

發表於 19-11-26 16:29 |只看該作者

啤太發表於 19-11-23 16:36
你可以試下去健康院或醫院搵母乳姑娘, 我來來回回都去咗幾次, bb終於學識, 初頭泵出嚟用瓶餵, 我係用仿乳頭 ...

請教咩特別吸管，個半月bb, 啜得唔叻又hea啜

私人傳訊回覆引用

積分: 618

12^#

發表於 19-11-27 11:02 |只看該作者

enteral feeding tube

私人傳訊回覆引用

C462

積分: 362

13^#

發表於 19-12-3 01:45 |只看該作者

回覆啤太的帖子

試過俾bb埋身當人肉奶咀，如果佢眼瞓時，我夾硬推佢埋去佢都會啜幾下，但好快好快瞓左就停口唔啜，如果佢唔係好眼瞓，就會好抗拒，見到就大喊，完全埋唔到身

私人傳訊回覆引用

積分: 618

14^#

發表於 19-12-3 11:22 |只看該作者

可能你要搵下人奶姑娘
https://www.fhs.gov.hk/tc_chi/breastfeeding/hotline.html

我試過打電話去問嘢, 佢用咗一個鐘回覆我, 好詳細咁講解

我bb以前都唔肯埋身, 喊曬好似好厭惡我咁, 不過我好絕, 逼到佢食, 喺冇奶樽嘅情況下，肚餓就會食... 我估你bb其實都識食, 因為佢識得當你nipple係奶咀，不過唔係人人都用到呢個方法, 我奶奶覺得bb好慘, 但係我覺得為咗bb好, 先苦後甜, 我的確係會迫佢學嘢, , 宜家bb全埋身的

私人傳訊回覆引用

man_caroline