懷孕前後 今日: 0 | 主題: 330487

積分: 187

1^#

發表於 19-10-31 10:21 |只看該作者 |倒序瀏覽 |打印

我陀左BB就快四個月喇，好多唔適應，應該因為第一胎啦。不過真係好唔鍾意而家既狀態，頭兩三個月成日都胃痛，餓又痛飽又痛，又食唔落野，作嘔作悶又嘔唔出。到三個幾月就少左胃痛，但都係食唔落野，作嘔作悶嘔唔出，成個人好攰，最慘成日周身痛，頭痛腰痛背痛。搞到夜晚瞓得唔好啦。
另外，身體咁既情況，返工都要成日請病假我都真係唔好意思，搞到老世同同事，雖然佢地都好幫得手好體諒，但我都好內疚因為自己身體情況加重人地工作量。仲有近期升左職就知道有BB，未好好發揮職能，感覺好廢咁。難得老世咁睇得起自己，入左呢間公司一年就被委托重任，都開心既，不過其實公司啲野我都未熟就要擔咁多野，都好吃力，加上而家陀BB精神體力都好差，工作就堆積如山，諗到都好緊張。
有時夜晚都覺得好難呼吸，突然有好驚既感覺，有野壓住心口咁，試過合埋眼覺得黑暗不斷侵佔我，我好似逃離唔到。同老公都有講過，佢都唔知點幫助我，只叫我放鬆唔好驚，但我真係放鬆唔到嘛。夜晚失眠瞓唔著就會喊。
搞到個人變成咁，我都唔知點算，好辛苦，好唔開心。我唔會唔要BB，不過咁既狀態應該都好影響BB成長，我可以點呀？
我算唔算有產前抑鬱？點先可以拎長啲病假？求指教

0 0 0

私人傳訊

bb1420

積分: 1544

2^#

發表於 19-10-31 10:30 |只看該作者

你文章開頭又話攞太多病假，加重人地workload，覺得自己好廢
尾又話點樣先可以攞長啲病假？
咁其實你想點？

私人傳訊

積分: 187

3^#

發表於 19-10-31 10:33 |只看該作者

回覆 bb1420 的帖子

因我長啲病假公司可以請temp，唔駛麻煩同事，你問得岩

私人傳訊

CHOWCHOWWW

積分: 3721

4^#

發表於 19-10-31 10:40 |只看該作者

honeybaby_419 發表於 19-10-31 10:21
我陀左BB就快四個月喇，好多唔適應，應該因為第一胎啦。不過真係好唔鍾意而家既狀態，頭兩三個月成日都胃痛 ...

本帖最後由 CHOWCHOWWW 於 19-11-1 08:46 編輯

其實冇病冇痛冇對媽媽或b構成影響，流啡之類真好難有醫生俾長期假紙，不過如果厚面皮公司又唔介意可以申請no pay leave,或者停薪留職，好好養胎先，應該冇咩重要過自己同bb,你咁樣好易會產前抑鬱。
我有同事係前期返左一排工，之後完全冇返到生完先出現，公司冇炸佢型。

私人傳訊

bchk8863

積分: 1351

5^#

發表於 19-10-31 10:44 |只看該作者

honeybaby_419 發表於 19-10-31 10:21
我陀左BB就快四個月喇，好多唔適應，應該因為第一胎啦。不過真係好唔鍾意而家既狀態，頭兩三個月成日都胃痛 ...

幻覺嚟㗎，你嘅情緒係受身體不適嘅影響，同荷爾蒙影響。。我一開頭都係好辛苦，一啲都享受唔到懷孕嘅喜悅，甚至諗埋一邊，而家情況慢慢穩定落嚟，仲感覺到BB胎動，就覺得好開心。你唔舒服嘅時候，你就專注係自己唔舒服嘅情況，容許自己唔舒服，如果唔係你又諗住自己唔舒服，又覺得影響工作，咁樣會令到你個腦長期打交，放鬆少少，錫自己多啲，嘗試接受自己有BB，身體會有應付唔到嘅時候，工作會受影響嘅時候，都係好正常嘅。加油。

私人傳訊

積分: 187

6^#

發表於 19-10-31 11:04 |只看該作者

回覆 bchk8863 的帖子

感謝你

私人傳訊

amychuu

積分: 1607

7^#

發表於 19-10-31 11:13 |只看該作者

開頭會辛苦d....都孕中期就會適應好多了~~
到時係超聲波上見到BB一路咁成長...
就會覺得好幸福好滿足~~加油呀~

私人傳訊

積分: 187

8^#

發表於 19-10-31 16:28 |只看該作者

回覆 amychuu 的帖子

謝謝你呀

私人傳訊

凌太

積分: 1649

9^#

發表於 19-10-31 16:43 |只看該作者

我同你感覺差不多，我係懷孕初期開始鼻敏感、哮喘、坐骨神經痛一齊爆發。一咳就痛醒。如果咳唔停果種痛係連續性刺痛，尋晚訓訓下痛醒坐又痛咳又痛訓又痛... 又抖唔到氣。卒之狂喊... 真係好想放棄。又不能食藥只靠飲暖水好...
我已經小產兩次今次第三次...老公好期待。奶奶知我小產將我bb既野全部比二嫂，點知我個半月又中左，佢唔肯比番我仲話等我成功生左先再買過。即係暗示我未必生得出。
又唔想令老公失望但自己又不爭氣。成身病痛... 公司幫我停薪留職，上司好鐘意我唔想我辭職。我自己都唔知仲有無能力番到去做...

我諗我同你都有少少抑鬱... 好焦慮，好唔開心。

私人傳訊

karylok

別墅

積分: 793

10^#

發表於 19-10-31 20:57 |只看該作者

回覆 honeybaby_419 的帖子

作嘔作悶，胃痛食唔落嘢，周身痛，呢啲都係懷孕嘅妊娠反應，只要挨過頭幾個月，去到孕中期就會好轉。

但係你話夜晚有呼吸困難，突然好驚，心口唔舒服，失眠，情緒失控(喊)，呢啲都係有精神壓力嘅症狀，不容忽視。

如果你都認同壓力係黎自你嘅工作，咁真係要同公司傾吓，放no pay leave一段時間休息一下。如果公司唔ok，你要自己取捨下，再繼續返工，你仲頂唔頂得住呢啲壓力，如果唔得，要考慮暫時停止工作了。冇左份工可以搵過第二份，萬一真係影響到bb同自己身體，要補救就好難了。

如果你懷疑自己有產前抑鬱，可以見一見精神科醫生，最好係私家，雖然會貴啲，但係比政府會仔細好好好多。如果醫生覺得你有需要休息，多數會開一星期病假比你，每個星期覆診再睇下要唔要續假。

私人傳訊

EasyTrendyMum

別墅

積分: 614

11^#

發表於 19-10-31 21:42 |只看該作者

honeybaby_419 發表於 19-10-31 10:21
我陀左BB就快四個月喇，好多唔適應，應該因為第一胎啦。不過真係好唔鍾意而家既狀態，頭兩三個月成日都胃痛 ...

心情影響個胎，BB健康係一世。只要家庭負擔到，就安排no pay leave先啦。胎BB到坐完月係有限時間。相信自己日後可以繼續做一個令上司同同事都依然咁欣賞的職場媽媽

私人傳訊

RachelLamB

積分: 1135

12^#

發表於 19-10-31 23:47 |只看該作者

加油呀新手媽媽，我都係第一胎。起初食維他命食到我超down, 一諗起就嘔，因為我由細到大都吞藥丸唔叻，又食唔到嘢，胃頂頂，又要戒口...但日子總會過，我而家23週，感覺到佢郁好開心，係上天賜嘅禮物，要我哋去經歷。你諗吓佢一路陪住你去邊去邊，做每一件事，一路都喺你肚肚度，到之後bb出咗世，反而會好唔慣。加油！聽多啲音樂，自己情緒都好好多！

私人傳訊

我做媽媽了

積分: 2004

13^#

發表於 19-11-1 06:03 |只看該作者

凌太發表於 19-10-31 16:43
我同你感覺差不多，我係懷孕初期開始鼻敏感、哮喘、坐骨神經痛一齊爆發。一咳就痛醒。如果咳唔停果種痛係 ...

可能你奶奶驚BB小器呀！所以唔比返D野你、我一直想買BB野身邊朋友家人都唔準話起碼6-7個月先準買！我都同身病痛架又唔介口而家BB3個月了、好曳、所以你放開D、緣份BB會痴住你架

私人傳訊

wisteriabb

積分: 123

14^#

發表於 19-11-1 06:31 |只看該作者

瞓得唔好真的會十分影響到心情及身體, 因為個人十分攰, 又點可能諗啲開心野呢~
而聽你咁講, 可能工作的壓力都係令你瞓得唔好的一大原因, 所以不如考慮以上媽媽的建議處理咗先吧~
放長假時鍾意幾時瞓一瞓都得, 就唔一定迫自己夜晚瞓覺, 精神又會好啲~ 加油!!

我初初懷孕時都瞓唔到, 又無胃口等等, 加上 BB 係肚的感覺係零, 所以都覺得懷孕係唔開心的, 但現在感覺到佢會郁後, 諗法就唔一樣了, 因為真係感覺到一條小生命住咗係肚, 依靠住我哋去長大~~

私人傳訊

yan1008