少年成長今日: 6|主題: 16054

收藏本版

發帖

返回列表

跳至頁

查看: 4428 | 回覆: 1

作文趣事 [複製鏈接]

csir3290

子爵府

積分: 12245

1^#

發表於 19-10-20 11:06 |只看該作者 |倒序瀏覽 |打印

為咗令佢兩姊弟有多啲機會作文而家每星期都會叫佢哋寫一段短文，有陣時係日記有陣時係形容下一啲人或者一啲事件，有陣時可能係寫一啲對事物嘅觀感，總之每個星期都需要寫一段。上個禮拜叫細佬寫一段短文關於我討厭嘅人或者討厭嘅事。咁細佬就自己作，到我放工返到嚟，我隨手打開佢嗰本作文簿睇，一路睇就一路讚，因為真係寫得好好，用咗好多形容詞同寫咗好多感受，細佬聽到我咁讚佢，梗係開心啦不停係咁喺度笑。因為啲文筆真係寫得好好，細佬平時點樣寫文章，個水平係點其實我大約都知道，但係嗰日嗰篇真係超水準。我讚佢寫得好，咁當然我要舉一啲例子點解會寫得好。點知讀下讀下家姐就開始講點解篇文章好似咁熟嘅，細佬又好奇怪嗰句好似唔係佢寫一樣。最後細佬終於記得，佢話爸爸你睇錯喇！嗰篇係我嘅默書嚟㗎，嗰個係我要默嘅課文呀！原來細佬嗰日搵唔到其他紙嚟温習默書，所以就喺佢平時本作文簿嘅後面攞嚟試默。咁我唔知道就咁揭開嚟睇，其實開頭睇都覺得有少少奇怪，因為好似唔係好夾個主題咁，因為我叫佢寫一件討厭嘅事或者一個討厭嘅人，但係嗰篇文章就係講修路工人。咁我以為佢係想寫修路工人發出嘅聲音好討厭，令到條路有交通擠塞所以佢唔鍾意，但係佢又寫番好欣賞修路工人嘅辛苦，所以我唔為意仲係咁讚。

最後我哋全家都坐喺度笑我仲好尷尬，咁我唯有自己讚下自己其實都幾有眼光，原來嗰邊係範文嚟嘅，我亦都讚啱咗範文嘅重點。然之後睇返真係細佬寫嗰篇文，當然冇嗰篇範文做得咁好啦。但係其實都有幾句寫得幾好，咁咪唯有攞返出嚟讚唔好搞到細佬好似個落差好大咁冇嘢畀人讚。其實佢兩姊弟而家個個禮拜咁樣寫下啲短文，開始我都覺得佢哋嘅寫作進步咗。雖然我哋係中國人但係我有時都覺得讀中文幾難，但係我總係覺得讀語文係需要運用，所以寫得多作得多必然會有進步。尤其是我哋呢啲經歷過會考同過高考嘅人，就更加知道作文嘅重要，所以自細開始訓練佢哋喺冇壓力嘅情況寫吓啲短文，希望對佢哋將來有幫助啦！